ఓటీటీలో `హరోంహర` ఇండియావైడ్ ట్రెండింగ్.. సుధీర్ బాబు కెరీర్ గాడినపడ్డట్టేనా?
మహేష్ బాబు బావ, హీరో సుధీర్ బాబు వరుస పరాజయాల అనంతరం ఇటీవల `హరోంహర`తో మెప్పించాడు. అయితే ఇది ఓటీటీలో మాత్రం రచ్చ చేస్తుంది.
హీరో సుధీర్బాబుకి చాలా ఏళ్లుగా సరైన హిట్ లేదు. ఆయన చాలా రోజులుగా ప్రయత్నాలు చేస్తున్నాడు, కానీ ప్రతి సారి డిజప్పాయింటే ఎదురవుతుంది. వరుస పరాజయాలతో ఆయన ఇమేజ్ బాగా డౌన్ అయ్యింది. మార్కెట్ కూడా పడిపోయే పరిస్థితి వచ్చింది.
Harom Hara
ఈ క్రమంలో ఇటీవల `హరోంహర` చిత్రంతో ఆడియెన్స్ ముందుకు వచ్చాడు సుధీర్బాబు. మాస్యాక్షన్ థ్రిల్లర్గా తెరకెక్కిన ఈ చిత్రం థియేటర్లలో మంచి ఆదరణ పొందింది. విమర్శకుల ప్రశంసలందుకుంది. కమర్షియల్గా పెద్ద హిట్ కాకపోయినా, క్రిటికల్గా మెప్పించింది. మొత్తంగా సుధీర్బాబుకి మంచి రిలీఫ్నిచ్చిందని చెప్పొచ్చు.
థియేటర్లో ఫర్వాలేదనిపించిన ఈ చిత్రం ఇటీవలే ఓటీటీలోకి వచ్చింది. ఓటీటీలో ఈ మూవీకి ఎలాంటి రెస్పాన్స్ వస్తుందో అనే సందేహం ఉండేది. కానీ అక్కడ కూడా `హరోంహర` ఆకట్టుకుంటుంది. ఇంకా చెప్పాలంటే దుమ్మురేపుతుంది. ఈ మూవీ ఇప్పుడు ఇండియా వైడ్గా ట్రెండింగ్లోకి వచ్చింది.
అమెజాన్ ప్రైమ్ వీడియోలో స్ట్రీమింగ్ అవుతున్న ఈ సినిమా ఇప్పుడు దేశవ్యాప్తంగా ట్రెండింగ్ అవుతోంది. కేవలం తెలుగు ప్రేక్షకులే కాక దేశవ్యాప్తంగా ఉన్న సినిమా ప్రేక్షకులు ఈ చిత్రాన్ని వారం రోజులుగా ట్రెండింగ్ లో కొనసాగిస్తున్నారు. బలమైన కథ, ఆర్టిస్టుల అద్భుతమైన నటన, అత్యున్నత నిర్మాణ విలువలతో ఈ సినిమా అందరినీ ఆకట్టుకుంటోంది. అమెజాన్లో ఇది దుమ్మురేపుతుంది.
Harom Hara
ఇక ఈ చిత్రంలోసుధీర బాబుకి జోడీగా మాల్విక శర్మ హీరోయిన్గా నటించింది. సునీల్ ముఖ్య పాత్రలో నటించారు. గ్నాన సాగర్ దర్శకత్వం వహించారు. సుమంత్ నాయుడు నిర్మించిన చిత్రమిది. చైతన్ భరద్వాజ్ సంగీతం అందించారు. ఆయన బీజీఎం హైలైట్ గా నిలిచిన విషయం తెలిసిందే. `పుష్ప` తరహాలో ఉన్న ఈ మూవీ విశేష ఆదరణ పొందుతుండటం విశేషం. దీంతో ఇక సుధీర్ బాబు బౌన్స్ బ్యాక్ అయినట్టే అని చెప్పొచ్చు.