అమెరికా అబ్బాయితో రష్మీ గౌతమ్ పెళ్లి, జాతకాలు కూడా చూపించారు... మరి సుధీర్ పరిస్థితి ఏంటి?

జబర్దస్త్ షో వేదికగా ఎదిగిన స్టార్స్ లో రష్మీ గౌతమ్ ఒకరు. నటిగా కెరీర్ ప్రారంభించిన రష్మీ బ్రేక్ రాకపోవడంతో యాంకర్ గా టర్న్ తీసుకుంది. జబర్దస్త్ షోలో పాపులారిటీ తెచ్చుకున్నాక హీరోయిన్ కావాలన్న ఆమె కోరిక నెరవేరింది. 

రష్మీ గౌతమ్ పలు చిత్రాల్లో లీడ్ హీరోయిన్ గా చేసింది. అయితే ఒక్కటి కూడా ఆశించిన స్థాయిలో ఆడలేదు. దాంతో ఆమెకు ఈ మధ్య ఆఫర్స్ తగ్గాయి. యాంకర్ గా మాత్రం దున్నేస్తుంది. ఎక్స్ట్రా జబర్దస్త్, శ్రీదేవి డ్రామా కంపెనీ షోలలో సందడి మొత్తం ఆమెదే. 

కాగా రష్మీ గౌతమ్ కి పాపులారిటీ తెచ్చిన అంశాలతో గ్లామర్ తో పాటు సుడిగాలి సుధీర్ తో రొమాన్స్ కూడా ఒకటి. ఏళ్ల తరబడి వీరిద్దరూ బుల్లితెర లవ్ బర్డ్స్ గా ప్రచారం అయ్యారు. రష్మీ-సుధీర్ ల మధ్య కెమిస్ట్రీ అద్భుతంగా కుదిరింది. వీరిపై రూపొందించిన స్కిట్స్, రొమాంటిక్ సాంగ్స్ ప్రేక్షకులను ఎంటర్టైన్ చేశాయి. 

ఒకటి రెండు సార్లు వీరికి ఉత్తుత్తి పెళ్లి కూడా చేశారు. అయితే తాము నిజమైన ప్రేమికులం కాదు, కేవలం మిమ్మల్ని ఎంటర్టైన్ చేయడానికి ప్రేమికులుగా కనిపించామని రష్మీ, సుధీర్ అంటుంటారు. జనాలు మాత్రం ప్రేమ లేకుండా అంతలా ఇన్వాల్వ్ కావడం సాధ్యం కాదు. రష్మీ-సుధీర్ మధ్య సంథింగ్ సంథింగ్ ఉందని నమ్మేవాళ్ళు ఉన్నారు. 

ప్రస్తుతం సుడిగాలి సుధీర్ బుల్లితెరకు దూరం కాగా... ఈ జోడీని ప్రేక్షకులు మిస్ అవుతున్నారు. ఇదిలా ఉంటే రష్మీ గౌతమ్ అమెరికా అబ్బాయిని పెళ్లి చేసుకుంటుంది. జాతకాలు చూపించానని కమెడియన్ బుల్లెట్ భాస్కర్ షాకింగ్ కామెంట్స్ చేశాడు. ఎక్స్ట్రా జబర్దస్త్ లేటెస్ట్ ఎపిసోడ్లో బుల్లెట్ భాస్కర్ ఈ కామెంట్స్ చేశాడు.

స్కిట్ చేయడానికి వేదిక మీదకు వచ్చిన బుల్లెట్ భాస్కర్... యాంకర్ రష్మీ వద్దకు వెళ్లి, మన బాబు(సుడిగాలి సుధీర్) బాగానే జీతాలు ఇస్తున్నట్లు ఉన్నాడు. నా వీడియోలు క్రింద కామెంట్స్ పెడుతున్నారు. ఒకడైతే 'ఏరా నీ డిక్కీ బలిసిందా?' అని కామెంట్ పెట్టాడు, అని రష్మీతో అన్నాడు. 

అనంతరం బుల్లెట్ భాస్కర్ పక్కన ఉన్న కమెడియన్ నాకు ఒక విషయంలో క్లారిటీ రావాలి, రష్మీ-సుధీర్ పెళ్లి చేసుకుంటారా? అని అడిగాడు. దానికి సమాధానంగా బుల్లెట్ భాస్కర్... ఖచ్చితంగా చేసుకుంటారు. జాతకాలు కూడా చూపించాను. రష్మీ అమెరికా అబ్బాయిని చేసుకుంటుంది. సుధీర్ అనకాపల్లి అమ్మాయిని చేసుకుంటాడు... అని అన్నాడు. దానితో అందరూ గట్టిగా నవ్వేశారు. 

బుల్లెట్ భాస్కర్ స్కిట్ లో భాగంగా ఈ కామెంట్స్ చేసినా... రష్మీ అమెరికా అబ్బాయినే వివాహం చేసుకుంటుందని కొందరు కామెంట్స్ చేస్తున్నారు. కాగా రష్మీతో పాటు సుధీర్ కూడా పెళ్లి చేసుకోవడం లేదు. వీరి మధ్య ఎఫైర్ రూమర్స్ కి ఇది కూడా కారణం. సడన్ గా పెళ్లి ప్రకటన చేస్తారనే అనుమానాలు ఉన్నాయి.