‘ఎన్టీఆర్ 31’పై ప్రశాంత్ నీల్ అదిరిపోయే అప్డేట్.. తారక్ తో ఆ నెలలోనే షూటింగ్ అంట.!

‘ఆర్ఆర్ఆర్’ ఘన విజయం తర్వాత యంగ్ టైగర్ ఎన్టీఆర్ (NTR) రెండు భారీ చిత్రాల్లో నటిస్తున్నారు. ఆయన్ ఫ్యాన్స్ బేస్, మార్కెట్ పెరగడంతో పాన్ ఇండియా రేంజ్ లోనే ఎన్టీఆర్ 30, ఎన్టీఆర్ 31ను తెరకెక్కిస్తున్నారు. ముందు ఎన్టీఆర్ సక్సెస్ ఫుల్ దర్శకుడు కొరటాల శివ దర్శకత్వంలో నటించనున్నారు. ఆ తర్వాత ‘ఎన్టీఆర్ 31’లో నటిస్తారన్నది తెలిసిన విషయమే.
 

అయితే ఇప్పటికే ఎన్టీఆర్ - కొరటాల శివ కాంబినేషన్ లో రూపుదిద్దుకోవాల్సిన  NTR30 చిత్రం ఇంకా సెట్స్ పైకి వెళ్లలేదు. దీంతో ప్రశాంత్ నీల్ డైరెక్షన్ లో ఎప్పుడు నటిస్తారంటూ ప్రేక్షకులు, ఇటు అభిమానుల్లో కాస్తా సందేహం ఉండేది. ‘ఆచార్య’తో కొరటాల డిజపాయింట్  చేయడంతో ప్రస్తుతం ఎన్టీఆర్ అభిమానుల ఫోకస్ ప్రశాంత్ నీల్ సినిమాపై పడింది.

‘కేజీఎఫ్ ఛాప్టర్ 2’ తర్వాత ఎన్టీఆర్ - ప్రశాంత్ నీల్ కాంబో  సెట్ అవడంతో ఫ్యాన్స్ చాలా ఖుషీ అయ్యారు. అయితే అప్పట్లో తారక్ ను డైరెక్ట్ చేయబోతున్నట్టు వార్తలు వచ్చినా ఇంకాస్తా సమయం పడుతుందని తెలిసిందే. అయితే తాజాగా మీడియాతో ఇంటరాక్ట్ అయిన ప్రశాంత్ నీల్ ‘ఎన్టీఆర్ 31’ చిత్రం షూటింగ్ పై ఫ్యాన్స్ కు ఓ క్లారిటీ ఇచ్చారు. 
 

వచ్చే ఏడాది ఏప్రిల్ లేదా మే నెలలో తారక్ తో సినిమా ప్రారంభించనున్నట్టు తెలిపారు. అప్పటిలోగా రెబల్ స్టార్  ప్రభాస్ తో ‘సలార్’  (Salaar) షూటింగ్ పార్ట్ ను కంప్లీట్ చేయనున్నారు. అంటే సినిమా ప్రారంభమే వచ్చే ఏడాది అవుతుండగా.. ప్రేక్షకుల ముందుకు రావడానికి మరో ఏడాదైనా ఆగాల్సి ఉంటుందని తెలుస్తోంది.
 

ఇప్పటికే ప్రశాంత్ నీల్ సలార్ షూటింగ్ ను చాలా శ్రద్ధగా కొనసాగిస్తున్నారు. తాజాగా చిత్ర యూనిట్ రిలీజ్ చేసిన  ప్రభాస్ న్యూ పోస్టర్ ఇంటర్నెట్ ను షేక్ చేస్తోంది. ఇక గతంలో ఎన్టీఆర్ పుట్టిన రోజు సందర్భంగా వచ్చిన  ఎన్టీఆర్ 31 ఫస్ట్ లుక్ కూడా వేరే రేంజ్ లో ఉంది. మాస్ కా బాప్ అనేలా ఎన్టీఆర్ లుక్ ను  మార్చేశాడు దర్శకుడు ప్రశాంత్ నీల్. పోస్టరే ఆ రేంజ్ లో ఉంటే సినిమా ఏ రేంజ్ లో ఉండనుందో తెలుస్తోంది. 
 

ఎన్టీఆర్ 31 చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ సంస్థలు సంయుక్తంగా నిర్మిస్తున్నాయి.  ప్రశాంత్ నీల్ దర్శకత్వం వహిస్తున్నారు.  2023లో ఈ చిత్రం ప్రారంభం  కానుంది. ఇంకా నటీనటుల ఎంపిక పూర్తి కావాల్సింది. మున్ముందు మరిన్ని అప్డేట్స్ అందించనున్నారు. ప్రస్తుతం ఎన్టీఆర్ తన తదుపరి చిత్రం కొరటాల శివ దర్శకత్వంలో నటించనున్నారు.