షూటింగ్ ప్రారంభం కాకముందే సమంత, స్టార్ట్ అయ్యాక శృతి హాసన్.. ఇద్దరూ అవుట్, ఏం జరుగుతోంది..

సమంత నటించే తదుపరి చిత్రాల విషయంలో ఇంకా క్లారిటీ రావడం లేదు. ఆమె సిటాడెల్ అనే వెబ్ సిరీస్ లో నటిస్తున్న సంగతి తెలిసిందే. సమంత మయోసైటిస్ వ్యాధికి గురి కావడంతో అంతా తలక్రిందులు అయింది.

సమంత నటించే తదుపరి చిత్రాల విషయంలో ఇంకా క్లారిటీ రావడం లేదు. ఆమె సిటాడెల్ అనే వెబ్ సిరీస్ లో నటిస్తున్న సంగతి తెలిసిందే. సమంత మయోసైటిస్ వ్యాధికి గురి కావడంతో అంతా తలక్రిందులు అయింది. సమంత చాలా ప్రాజెక్ట్స్ విషయంలో కాంప్రమైజ్ కావాల్సి వచ్చింది. చాలా చిత్రాలని సమంత ఆరోగ్య కారణాలతో వదిలేసింది. 

సమంత వదిలేసిన క్రేజీ ప్రాజెక్ట్స్ లో చెన్నై స్టోరీ ఒకటి. ఈ చిత్రం హాలీవుడ్ మూవీగా తెరకెక్కుతోంది. హీరోయిన్ ఓరియెంటెడ్ కథతో సమంతని ప్రధాన పాత్రలో ఈ చిత్రాన్ని ప్రకటించారు. ఆ తర్వాత సమంత మయోసైటిస్ కి గురి కావడంతో షూటింగ్ మొదలుకాక ముందే సమంత తప్పుకుంది. 

ఆ తర్వాత ఈ ప్రాజెక్టు లోకి మరో సౌత్ స్టార్ బ్యూటీ శృతి హాసన్ వచ్చింది. సమంత ప్లేస్ లో ఆమెని ఎంచుకున్నారు. కొన్ని రోజులు ఈ చిత్ర షూటింగ్ లో శృతి హాసన్ పాల్గొంది. చాలా ఆసక్తిగా ఉన్నానంటూ శృతి సోషల్ మీడియాలో పోస్ట్ కూడా చేసింది. 

కానీ కారణాలు తెలియవు.. ఆమె కూడా ఈ ప్రాజెక్ట్ నుంచి తప్పుకుంది. దీని గురించి అధికారిక సమాచారం లేదు. కానీ మేకర్స్ మాత్రం శృతి హాసన్ కి ప్రత్యామ్నాయం కోసం వెతుకుతున్నారట. 

సమంత అంటే హెల్త్ సరిగా లేక తప్పుకుంది. కానీ శ్రుతీ హాసన్ షూటింగ్ కి హాజరైన తర్వాత ఎందుకు ఈ చిత్రం ముంచి తప్పుకోవాల్సి వచింది ? ఏం జరిగింది ? అంటూ అభిమానులు చర్చించుకుంటున్నారు. 

చెన్నై స్టోరీ చిత్రాన్ని 'ది అరేంజ్మెంట్స్ ఆఫ్ లవ్' అనే నవల ఆధారంగా తెరకెక్కిస్తున్నారు. తమిళ వ్యక్తి తన తండ్రిని వెతికే క్రమంలో సాయం చేసే అను అనే అమ్మాయి కథగా ఈ నవల ఉంటుంది.