అడవిలో కోటని తలపిస్తున్న బిగ్ బాస్ 15 హౌస్.. మాయా ద్వీపమే ఇది, ప్రేమికులకు ఆ వెసులుబాటు

దేశవ్యాప్తంగా బుల్లితెరపై బిగ్ బాస్ షోకి ఉన్న క్రేజ్ ప్రతి ఏడాది పెరుగుతోంది. వందల కోట్లల్లో రెమ్యునరేషన్ తీసుకునే కండల వీరుడు సల్మాన్ ఖాన్ లాంటి స్టార్ ఈ షోకి హోస్ట్ గా చేస్తున్నాడంటే పరిస్థితి అర్థం చేసుకోవచ్చు. ఇక కంటెస్టెంట్స్ రెమ్యునరేషన్స్ ఎలాగూ ఉంటాయి. 

బిగ్ బాస్ కి పెరుగుతున్న ఆదరణతో బడ్జెట్ పెంచుతూ మరింత జనరంజకంగా ఈ షోని తీర్చిదిద్దుతున్నారు. నేడు సల్మాన్ ఖాన్ హోస్ట్ గా వ్యవహరించబోయే హిందీ బిగ్ బాస్ సీజన్ 15 ప్రారంభం కాబోతోంది. 

షమితా శెట్టి, ఉమర్ రియాజ్, సింగర్ ఆకాష్ సింగ్ తో సహా కొందరు మోడల్స్, బుల్లితెర నటీనటులు ఈ రోజు హౌస్ లోకి ఎంట్రీ ఇవ్వబోతున్నారు. 

ఈ తరుణంలో బిగ్ బాస్ 15 హౌస్ ఫొటోస్ సోషల్ మీడియాలో వైరల్ అవుతున్నాయి. బిగ్ బాస్ 15 కోసం డిజైన్ చేసిన హౌస్ ప్రేక్షకులని అబ్బురపరిచే విధంగా ఉంది. 

ఒక మాయా ద్వీపాన్ని తలపించేలా హౌస్ ని డిజైన్ చేశారు. అడవిలో అందాల కోట ఉన్నట్లు బిగ్ బాస్ ఇల్లు ఉంది. కాన్ఫెరెన్స్ హాల్, బెడ్ రూమ్స్ ద్వీపపు కాంతులతో జిగేల్ మంటున్నాయి. 

ఇక గార్డెన్ ఏరియా అయితే కంప్లీట్ గ్రీనరీగా.. రాజుగారి కోటాలో రాణిగారి ఉద్యానవనం లాగా ఉంది. ఆ డిజైన్ మొత్తం ఆకర్షిస్తోంది. 

మన ఎన్టీఆర్, ఏఎన్నార్ జానపద చిత్రాల్లో ఇలాంటి చెట్లు, సెట్స్ కనిపిస్తాయి. బిగ్ బాస్ 15 కి ఆ ఫీల్ తెప్పించారు. ప్రేమికులు రొమాంటిక్ గా మాట్లాడుకునే వెసులుబాటు కోసం పిల్ల కాలువలపై అందమైన వంతెన నిర్మించారు. 
 

నేడు గ్రాండ్ గా లాంచ్ కాబోతున్న బిగ్ బాస్ 15పై సర్వత్రా ఉత్కంఠ నెలకొని ఉంది. మన సౌత్ లో జరిగే బిగ్ బాస్ షోల కంటే హిందీ బిగ్ బాస్ లో ప్రేమ, రొమాన్స్ వ్యవహారాలు కాస్త ఎక్కువగా ఉంటాయి.