మెగా ఫ్యామిలీలో మరో లవ్ మ్యాటర్, త్వరలోనే పెళ్లి ? చిరంజీవి జోక్యం చేసుకోవడంతో..
మెగా ఫ్యామిలీలో త్వరలో పెళ్లి భాజాలు మోగబోతున్నట్లు రూమర్స్ వినిపిస్తున్నాయి. మెగా ఫ్యామిలీకి చెందిన హీరో ప్రేమ వ్యవహారం చిరంజీవి వరకు వెళ్ళిందిట. చిరంజీవి జోక్యం చేసుకుని లవ్ మ్యాటర్ ని సెట్ చెసినట్లు పుకార్లు వినిపిస్తున్నాయి.
మెగా ఫ్యామిలీలో త్వరలో పెళ్లి భాజాలు మోగబోతున్నట్లు రూమర్స్ వినిపిస్తున్నాయి. మెగా ఫ్యామిలీకి చెందిన హీరో ప్రేమ వ్యవహారం చిరంజీవి వరకు వెళ్ళిందిట. చిరంజీవి జోక్యం చేసుకుని లవ్ మ్యాటర్ ని సెట్ చెసినట్లు పుకార్లు వినిపిస్తున్నాయి. అయితే ఇందులో ఎంతవరకు వాస్తవం ఉందో తెలియాల్సి ఉంది.
ఇంతకీ ఆ హీరో ఎవరంటే సుప్రీం హీరో సాయిధరమ్ తేజ్. సాయిధరమ్ తేజ్ ఇండస్ట్రీకి చెందిన ఒక అమ్మాయితో కొంతకాలంగా ప్రేమలో ఉన్నాడట. ఆమె వివరాలు బయటకి రావడం లేదు. తేజు ఆ అమ్మాయినే పెళ్లి చేసుకోవాలని నిర్ణయించుకున్నాడు. కానీ అతడి కుటుంబ సభ్యులు ఈ పెళ్ళికి అంగీకరించడం లేదట.
దీనితో చిరంజీవి ఈ వ్యవహారంలో కలగజేసుకోవాల్సి వచ్చింది. తేజుకి ఆ అమ్మాయితోనే వివాహం జరిగేలా చిరంజీవి మాట్లాడి ఫిక్స్ చేశారట. తేజు తల్లిని ఒప్పించాడట. సాయిధరమ్ తేజ్ కెరీర్ లో ప్రేమ పుకార్లు గతంలో కూడా వచ్చాయి. హీరోయిన్ రెజీనాతో డేటింగ్ చేసినట్లు ప్రచారం జరిగింది.
తనతో కలసి తిక్క చిత్రంలో నటించిన లారిస్సా బొనేసి కి తాను ప్రపోజ్ చేసినట్లు సాయిధరమ్ తేజ్ స్వయంగా చెప్పాడు. కానీ ఆమె ఆల్రెడీ వేరే వ్యక్తితో కమిటై ఉండడంతో రిజెక్ట్ చేసినట్లు తెలిపారు. బైక్ ప్రమాదం నుంచి కోలుకుని పునర్జన్మ పొందిన సాయిధరమ్ తేజ్ తిరిగి సినిమాల్లో నటిస్తున్నారు. విరూపాక్ష చిత్రంతో సూపర్ హిట్ అందుకున్నారు.