ఫార్ములా ఈ రేసింగ్‌ పోటీల వద్ద సచిన్, నాగ్‌, చరణ్‌, యష్‌, చైతూ, అఖిల్‌, టిల్లు, దుల్కర్‌.. తారల హల్‌చల్‌
హైదరాబాద్‌ వేదికగా జరిగిన ప్రతిష్టాత్మక అంతర్జాతీయ ఫార్ములా ఈ రేసింగ్‌లో సినీ తారలు, క్రికెటర్లు, వ్యాపారవేత్తలు సందడి చేశారు. వారిలో సచిన్, నాగ్‌, చరణ్‌, యష్‌, అఖిల్‌, చైతూ, టిల్లు ప్రత్యేక ఆకర్షణగా నిలిచారు.
)
Follow2013 తర్వాత పదేళ్లకి ఇండియా ఫార్ములా ఈ రేసింగ్‌కి వేదికయ్యింది. అందులో మన హైదరాబాద్‌ వేదికగా ఈ అంతర్జాతీయ రేసింగ్‌ పోటీలు జరగడం విశేషం. ఈ రోజు మధ్యాహ్నం మూడు గంటలకు ఈ ఫార్ములా రేసింగ్‌ పోటీలు ప్రారంభమయ్యాయి. ఇందులో వివిధ దేశాలకు చెందిన 11 జట్లు, 22 మంది రేసర్లు పోటీలో పాల్గొన్నారు. తొలిసారిగా ఈ సారి అత్యాధునిక జెన్‌3 కార్లతో ఈ రేసింగ్‌ పోటీలు జరగడం విశేషం. ఇందులో విదేశీ కంపెనీలు, రేసర్లది హవా సాగుతుండగా, ఇందులో మన భారత్‌కి చెందిన ఆనంద్‌ మహింద్ర కంపెనీ, టీసీఎస్‌ జాగ్వార్‌ కంపెనీలు కూడా బరిలోకి దిగాయి.
)
ఇక ఈ రేసింగ్‌ పోటీ వీక్షించేందుకు టాలీవుడ్‌ సెలబ్రిటీలు తరలి వచ్చారు. క్రికెటర్లు, రాజకీయ నాయకులు, వ్యాపారవేత్తలు వచ్చారు. ఇందులో తెలంగాణ ఐటీ మంత్రి కేటీఆర్‌, కేంద్ర మంత్రి అనురాగ్‌ ఠాకూర్‌లతోపాటు టాలీవుడ్‌ స్టార్లు నాగార్జున, రామ్‌చరణ్‌, అఖిల్‌, నాగచైతన్య, డీజే టిల్లు ఫేమ్‌ సిద్ధు జొన్నలగడ్డతోపాటు కన్నడ స్టార్ యష్‌, మలయాళ నటుడు దుల్కర్‌ సల్మాన్‌ పాల్గొన్నారు. వీరితోపాటు ఆనంద్‌ మహీంద్ర, కొందరు కార్పొరేట్లు, రాజకీయ నాయకులు పాల్గొని సందడి చేశారు.
ఫార్ములా ఈ రేసింగ్‌లో టాలీవుడ్‌ స్టార్లు నాగార్జున, రామ్‌చరణ్‌, అఖిల్‌, నాగచైతన్య తో కలిసి మంత్రి కేటీఆర్‌ సందడి చేశారు. ప్రస్తుతం ఈ ఫోటోలు సోషల్‌ మీడియాలో వైరల్‌ అవుతున్నాయి.
అలానే భారత క్రికెటర్లు సచిన్ టెండూల్కర్, శిఖర్ ధావన్, దీపక్ చాహర్ తదితరులు హాజరయ్యారు. అలానే ఆస్ట్రేలియా క్రికెటర్ గ్లెన్ మాక్స్‌వెల్ కూడా పాల్గొని రేసింగ్‌ని ఎంజాయ్‌ చేశారు.
అంతకు ముందు శృతి హాసన్‌, ఎన్టీఆర్‌ భార్య లక్ష్మీ ప్రణీత, మహేష్‌ భార్య నమ్రత, నారా బ్రాహ్మీణీ పాల్గొన్నారు. అంతా ఒక్క చోట కూర్చొని రేసింగ్‌ని ఆస్వాదించారు. కాసేపు అక్కడ రిలాక్స్ అయ్యారు. ఆడియెన్స్ ని అలరించారు.
ఇదిలా ఉంటే ఇందులో రామ్‌చరణ్‌ ప్రత్యేక ఆకర్షణగా నిలిచారు. ఆయన ఏకంగా ఫార్ములా కార్‌లో కూర్చొని రేసింగ్‌ చేసే ప్రయత్నం చేశారు. ఈ వీడియోలు, ఫోటోలు ఇప్పుడు సోషల్‌ మీడియాలో వైరల్‌ అవుతున్నాయి.
మంత్రి కేటీఆర్‌తో `డీజే టిల్లు` ఫేమ్‌ సిద్ధు జొన్నలగడ్డ కలిసి సరదా ముచ్చట్లు. నెక్లెస్‌ రోడ్డు వేదికగా జరిగిన ఫార్ములా ఈ రేసింగ్‌ పోటీలకు సంబంధించిన ఫోటోలు సామాజిక మాధ్యమాల్లో వైరల్‌ అవుతున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
