పూజా హెగ్డే పై విరుచుకుపడ్డ రోజా భర్త.. ఆమె వల్లే అంటూ సంచలన వ్యాఖ్యలు

అందాల బుట్టబొమ్మ పూజా హెగ్డేపై సీనియర్ నటి, ఎమ్మెల్యే రోజా భర్త విరుచుకుపడడం ఏంటి.. వినడానికి ఆశ్చర్యంగా ఉన్నా ఇది నిజం. పూజా హెగ్డే తీరుపై దర్శకుడు ఆర్కే సెల్వమణి తీవ్ర ఆగ్రహానికి గురయ్యారు. పూజా హెగ్డే ఇండస్ట్రీకి వచ్చిన కొత్తల్లో ప్రవర్తనకి, ఇప్పటి ప్రవర్తనకి చాలా మార్పు వచ్చింది అని అన్నారు. 

పూజా హెగ్డే సౌత్ లో క్రేజీ హీరోయిన్. ఒక లైలా కోసం చిత్రంతో టాలీవుడ్ లోకి అడుగుపెట్టిన ఈ నార్త్ బ్యూటీ అల్లు అర్జున్ డీజేతో గ్లామర్ సెన్సేషన్ గా మారింది. ఆ చిత్రంలో పూజా హెగ్డే అందాల ఆరబోతకు యువత మొత్తం ఫిదా అయిపోయారు. 

ఆ తర్వాత పూజా హెగ్డే ఖాతాలో అరవింద సమేత వీరరాఘవ, అల వైకుంఠపురములో లాంటి బ్లాక్ బస్టర్ హిట్స్ పడ్డాయి. దీనితో పూజా హెగ్డే స్టార్ డమ్ అమాంతం పెరిగిపోయింది. 

తమిళ తెలుగు భాషల్లో ప్రస్తుతం పూజా హెగ్డే స్టార్ హీరోల సరసన ఆఫర్స్ అందుకుంటోంది. రెమ్యునరేషన్ కూడా పెంచేసింది. ప్రస్తుతం పూజా హెగ్డే సౌత్ లో అత్యధిక పారితోషికం అందుకునే హీరోయిన్స్ లో ఒకరు. 

ఇదిలా ఉండగా ఆర్కే సెల్వమణి తమిళ సినీ ఫెడరేషన్ చైర్మన్ గా కొనసాగుతున్నారు. పూజా హెగ్డే ప్రస్తుతం విజయ్ సరసన బీస్ట్ అనే మూవీలో నటిస్తోంది. పూజా హెగ్డే ప్రవర్తనలో మార్పు వచ్చిందని సెల్వమణి ఆగ్రహం వ్యక్తం చేశారు. 

ఇండస్ట్రీకి వచ్చిన కొత్తల్లో పూజా హెగ్డే ఒకరు లేదా ఇద్దరితోనే షూటింగ్ లొకేషన్ కి వచ్చేది. కానీ ఇప్పుడు ఏకంగా 12 మందితో వస్తోంది. ఆమె వల్ల వారందరి ఖర్చు కూడా నిర్మాతపైనే పడుతోంది. ఇది నిర్మాతకు అదనపు భారం. నిర్మాతల ఖర్చులు పెంచుతూ భారం మోపడం ఎంత వరకు కరెక్ట్ అని సెల్వమణి ప్రశ్నించారు. పూజా హెగ్డే తన తీరు మార్చుకోవాలని సెల్వమణి హెచ్చరించారు. 

పూజా హెగ్డే ప్రస్తుతం ప్రభాస్ సరసన రాధే శ్యామ్ చిత్రంలో, ఆచార్యలో కామియో రోల్, అఖిల్ మోస్ట్ ఎలిజిబుల్ బ్యాచిలర్ లో నటిస్తోంది.