విసిగిపోయిన రోజా, సుధీర్-రష్మీలను పెళ్లి ఎప్పుడని అడిగేసింది... వాళ్ళ ఆన్సర్ తెలిస్తే షాకవుతారు!
రష్మీ-సుధీర్ బుల్లితెర క్రేజీ కపుల్. ఐదేళ్లకు పైగా వీరిద్దరి మధ్య రొమాన్స్ నడుస్తుంది. ప్రేమికులైన వీరు పెళ్లి చేసుకుంటారని ఎప్పటి నుండో టాక్ వినిపిస్తుండగా.. రోజా తాజా ఎపిసోడ్ లో రష్మీ, సుధీర్ లను మీ పెళ్లెప్పుడని ఓపెన్ అడిగేశారు.
తాజా స్కిట్ లో సుధీర్ పెళ్లి కొడుకు గెటప్ వేశారు. పెళ్లి కొడుకుగా మారిన సుధీర్ ని పల్లకిలో తీసుకువచ్చారు. ఇమ్మానియేల్ తో పాటు సుధీర్ పెళ్లి కొడుకుగా కామెడీ పండించారు.
కాగా ఈ స్కిట్ పూర్తయిన వెంటనే రోజా... అవును సుధీర్ ఎప్పటి నుండో అడుగుడుతామని అనుకుంటున్నా, నీ పెళ్లి ఎప్పుడని ఆమె అడిగారు. సుధీర్ తో పాటు ఆమె రష్మిని కూడా కలిసి, మీ పెళ్లి ఎప్పుడు రష్మీ అని అడిగారు.
ఆ ప్రశ్నకు వేదికపై వీరిద్దరూ సిగ్గుపడి ఒకరిని ఒకరు చూసుకున్నారు. దీనితో రష్మీ, సుధీర్ ల సమాధానం ఏమై ఉంటుందని అందరూ ఆతృతగా ఎదురుచూశారు.
ఎట్టకేలకు సుధీర్ దానికి ఇంకా చాలా సమయం ఉంది మేడం. ఇప్పుడే పెళ్లి చేసుకోను అని చెప్పాడు.
ఇంకెప్పుడు చేసుకుంటావ్ సుధీర్... ఇప్పటికే ముదురు బెండకాయ అయిపోయావ్... త్వరగా చేసుకో అని రోజా సెటైర్ వేశారు.
రోజా ముదురు బెండకాయ్ అని సుధీర్ ని అనడంతో రష్మీ గట్టిగా నవ్వేసింది. అలాగే ముదురు బెండకాయ్ ఎలా ఉంటుందో ఊహించుకుంటున్నాను అని రష్మీ సెటైర్ వేశారు.
త్వరలో ప్రసారం కానున్న ఎపిసోడ్ లో రష్మీ, సుధీర్ ల పెళ్లి టాపిక్ ప్రత్యేకత సంతరించుకుంది. అలాగే ప్రేక్షకులతో పాటు, జబర్ధస్త్ జడ్జెస్, కంటెస్టెంట్స్ చేత నవ్వులు పూయించింది.
సుధీర్-రష్మీ చాలా సన్నిహితంగా ఉంటారు. ఆన్ స్క్రీన్ పై వీరి రొమాన్స్ హైలెట్ గా ఉంటుంది. బుల్లితెర ప్రేక్షకులు ఈ జంట రొమాన్స్ ఎప్పటి నుండో ఆస్వాదిస్తున్నారు
ఐతే పెళ్లి, ప్రేమపై వీరు క్లారిటీ ఇవ్వడం లేదు. మేము ప్రేమికులం కాదని కొన్ని సందర్భాలలో చెప్పినా... పెళ్లి ఎవరితో అనేది స్పష్టత ఇవ్వడం లేదు. దీనితో సుధీర్- రష్మీ ల పెళ్లి మ్యాటర్ ని కొట్టి పారేయలేం అని కొందరు వాదిస్తున్నారు.
ఆ మధ్య ఓ ఇంటర్వ్యూలో కూడా రష్మీ ఈ విషయం పై స్పందించారు. పెళ్లి చేసుకోకవడానికి కొంచెం సమయం పడుతుంది. వరుడు ఎవరనేని ఇప్పుడే చెప్పలేను అన్నారు.
అలాగే సుధీర్ తో మూవీ చేసే ఆలోచనలో ఉన్నట్లు, కథా చర్చలు జరుగుతున్నాయి అన్నారు. అన్నీ కుదిరితే సుధీర్ తో మూవీ ఉంటుందని ఆమె తెలిపారు.
బుల్లితెర ప్రేక్షకులు మాత్రం రష్మీ- సుధీర్ పెళ్లి చేసుకుంటే చూడాలని కోరుకుంటున్నారు. ఇక వీరి బంధం ఏమిటో కాలమే నిర్ణయించాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
