`జై పవర్ స్టార్`.. వోడ్కా బాటిల్తో వర్మ రచ్చ
తన సినిమాలను ప్రమోట్ చేసుకోవటంలో వర్మ స్టైలే వేరు. అసలు కథల ఎంపిక దగ్గర నుంచే వర్మ సినిమా ప్రమోషన్ మొదలెట్టేస్తాడు. వివాదాస్పద అంశాలను, సెటైరికల్ బయోపికల్ను తెరకెక్కించటంలో వర్మది అందే వేసిన చేయి. అందుకు కంటెంట్ ఉన్నా లేకపోయినా వర్మ సినిమాలు లాభాలు తెచ్చిపెట్టేస్తుంటాయి. అదే బాటలో వర్మ రూపొందించి తాజాగా చిత్రం పవర్ స్టార్.
ఈ సినిమా ఎవరినీ ఉద్దేశించే తెరకెక్కించింది కాదని వర్మ పదే పదే చెప్పటం చూస్తుంటే వర్మ ఎవరినీ ఉద్దేశించి ఈ సినిమా తెరకెక్కించారో అర్ధమైపోతుంది. సినిమాలతో పాటు రాజకీయాల్లోనూ తన దైన ముద్ర వేసేందుకు ప్రయత్నిస్తున్న పవన్ కళ్యాణ్ కథతోనే వర్మ ఈ సినిమాను రూపొందిస్తున్నాడన్నది అందరికీ తెలిసి విషయమే.
అయితే మాత్రం తాను ఎవరినీ ఉద్దేశించి సినిమా చేయటం లేదని చెపుతున్నాడు. కానీ తాను ఎంచుకున్న కథ, నటుడు, అతని మేనరిజమ్స్, ఇలా అన్ని పవన్ను తెర మీద చూస్తున్నట్టుగానే ఉన్నాయని తాజాగా ఈ సినిమా ట్రైలర్ను కూడా రిలీజ్ చేశాడు వర్మ. ట్రైలర్ రిలీజ్లోనూ పెద్ద డ్రామానే నడిచింది. ముందుగా ట్రైలర్ను కూడా డబ్బులు కట్టి చూడాలని చెప్పిన వర్మ, తీరా రిలీజ్ రోజు ట్రైలర్ లీకైపోయిందంటూ యూట్యూబ్లో ఫ్రీగా రిలీజ్ చేశాడు.
ట్రైలర్ విషయంలోనూ తన మార్క్ చూపించాడు వర్మ. పవన్కు సన్నిహితులుగా పేరున్న త్రివిక్రమ్ శ్రీనివాస్, బండ్ల గణేష్, చంద్రబాబు లతో పాటు మెగాస్టార్ చిరంజీవి, పవన్ భార్యలను కూడా వదిలిపెట్టలేదు. అయితే ట్రైలర్ చివర్లో హీరో రేంజ్లో ఎంట్రీ ఇచ్చిన వ్యక్తి అందరి దృష్టినీ ఆకర్షించాడు. మధ్యం బాటిల్తో అస్పష్టంగా కనిపించిన ఆ వ్యక్తి ఎవరన్న చర్చ జరుగుతోంది.
అయితే ఆ వ్యక్తి రామ్ గోపాల్ వర్మే అంటున్నారు సినీ జనాలు. గతంలోనే పవర్ స్టార్ సినిమాలో తాను కూడా నటిస్తున్నట్టుగా చెప్పాడు వర్మ. ఆ వ్యక్తి వోడ్కా బాటిల్ తో కనిపించటంతో అది వర్మే అని ఫిక్స్ అవుతున్నారు ఫ్యాన్స్. తరుచూ తన ఇంటర్య్వూలలో వోడ్కా ప్రస్తావన తేవటం వర్మకు అలవాటు. అందుకే తన క్యారెక్టర్కు సింబాలిక్గా ఆ వోడ్కా బాటిల్ను చూపించాడు వర్మ.