పూజల్లో హీరోయిన్స్ కి మద్యం... వేణు స్వామి చేసేవి ఇలాంటి పూజలా!

సెలబ్రిటీ జ్యోతిష్కుడు వేణు స్వామి తాజా కామెంట్స్ కాకరేపుతున్నాయి. మద్యం, మాంసం నైవేద్యంగా పెట్టి పూజాలు చేస్తానన్న ఆయన, తనకు కూడా అలవాటు ఉందన్నారు.  

Venu Swami

వేణు స్వామి తెలుగు జనాలకు పరిచయం అక్కర్లేని పేరు. ప్రముఖుల జాతకాలపై ఆయన చేసే కామెంట్స్ వైరల్ అవుతుంటాయి. వేణు స్వామి పలువురు తారలకు ప్రత్యేక పూజలు చేశారు. కెరీర్లో సక్సెస్ కావడం కోసం వేణు స్వామిని ఆశ్రయించే స్టార్స్ ఎందరో ఉన్నారు. హీరోయిన్ రష్మిక మందాన, నిధి అగర్వాల్ ఈ లిస్ట్ లో ఉన్న కొందరు హీరోయిన్స్. వీరి ఫోటోలు కూడా బయటకు వచ్చాయి. అయితే బాలయ్యతో పాటు అనేక మంది స్టార్స్ కి వేణు స్వామి పూజలు చేసినట్లు తెలుస్తుంది. 

వేణు స్వామి చేసే పూజలు ఏంటీ? అవి ఎలా చేస్తారు? అనే సందేహాలు ఉన్నాయి. దీనికి ఆయన స్వయంగా సమాధానం చెప్పారు. లేటెస్ట్ ఇంటర్వ్యూలో వేణు స్వామి కొన్ని ఆసక్తికర కామెంట్స్ చేశారు. చాలా మంది నేను చేసే ఆర్భాటం చూసి సామాన్యులకు జాతకాలు చెప్పను అనుకుంటారు. అది నిజం కాదు. అందరికీ నేను జాతకాలు చెబుతాను. తక్కువ మొత్తమే తీసుకుంటాను, అన్నారు. 

రోజుకి పది మంది నా టార్గెట్. అది కూడా నెలకు పది రోజులు మాత్రమే. మిగతా 20 రోజులు నా వ్యాపకాలు వేరు. నా జీవితం నాది. ఇతర రాష్ట్రాలకు వెళతాను. త్వరలో ఓ పబ్ ఓపెన్ చేయబోతున్నాను, అన్నారు. జ్యోతిష్కులు అయ్యుండి పబ్ ఓపెన్ చేయడమేంటని యాంకర్ అడగ్గా.. తప్పేముంది. నా వృతి వేరు ప్రవృత్తి వేరు. నేను స్వామీజీని కాదు. పూజారిని కాదు. నా జాతకం ప్రకారం మద్యం వ్యాపారం కలిసొస్తుందని ఉంది. అందుకే ఆ వ్యాపారం చేయాలనుకుంటున్నాను, అన్నారు. 

నా పూజల్లో మద్యం, మాంసం నైవేద్యంగా పెడతాను. ఆ మద్యాన్ని పూజ చేయించుకున్న వాళ్లకు ప్రసాదంగా పెడతాను. అందులో దాపరికం ఏమీ ఉండదు. ఓపెన్ గా వాళ్లకు తెలిసేలా చేస్తాను. ఎంత కాస్ట్లీ మందు నైవేద్యంగా పెడితే ఫలితం అంత బాగుంటుంది. సెలెబ్రిటీలు వచ్చినప్పుడు రూ. 40 వేల ఖరీదైన మందు వాడతాను... అన్నారు.

Rashmika Mandanna

నేను చేసేవి వామపక్ష పూజలు. వామ పక్ష పూజల్లో నైవేద్యంగా మందు, మాంసం పెడతారు. దేశంలోని అనేక ప్రముఖ దేవాలయాల్లో ఈ ఆచారం ఉందని... వేణు స్వామి చెప్పుకొచ్చారు. ఆయన మాటలను బట్టి చూస్తే తనతో పూజలు చేయించుకున్న హీరోయిన్స్ కి మద్యం నైవేద్యంగా ఇస్తారని, పూజలో అది తాగుతారని అర్థం అవుతుంది.