బిగ్‌బాస్‌ హౌజ్‌లోకి వర్మ.. కానీ తన ఆ హాట్‌ కోరిక తీరిస్తేనే!
వివాదాస్పద సంచలన దర్శకుడు రామ్‌గోపాల్‌ వర్మ బిగ్‌బాస్‌లోకి వస్తానని ప్రకటించాడు. తాను బిగ్‌బాస్‌ హౌజ్‌లోకి వచ్చేందుకు సిద్ధమే అని పేర్కొన్నాడు. అయితే ఇక్కడే చిన్న మెలిక పెట్టారు. తన కండీషన్‌కి ఓకే అంటేనే వస్తాడట.
రామ్‌గోపాల్‌ వర్మ సంచలనాత్మక సినిమాలు తీసి ఎంతటి స్టార్‌ డైరెక్టర్‌గా ఎదిగాడో, ఆ తర్వాత అంతటి చెత్త సినిమాలు తీసి అదే స్థాయిలో విమర్శలెదుర్కొన్నాడు. వర్మలో జ్యూస్‌ అయిపోయిందని విమర్శలెదుర్కొన్నాడు.
ఇటీవల కేవలం అడల్ట్ కంటెంట్‌తో కూడిన ఓటీటీ సినిమాలు, యదార్థ సంఘటలతో కూడిన సినిమాలు తీస్తూ తన కెరీర్‌ని కొనసాగిస్తున్నాడు. దర్శకుడిగా మనుగడ సాధిస్తున్నాడు.
Ram Gopal Varma
మరోవైపు ఈ మధ్య `బిగ్‌బాస్‌` బ్యూటీ అరియానా గ్లోరీని బోల్డ్ గా ఇంటర్వ్యూ చేసి సెన్సేషనల్‌ క్రియేట్ చేశాడు. అరియానా సైతం అదే రేంజ్‌లో పాపులారిటీని పొందింది. మరి ఆ పాపులారిటీ తన కెరీర్‌కి ఎలా మల్చుకుంటుందో చూడాలి.
ఇదిలా ఉంటే తాజాగా తాను బిగ్‌బాస్‌ హౌజ్‌లోకి వస్తానని ప్రకటించాడు ఆర్జీవి. ఓ ఇంటర్వ్యూలో ఆయన ఈ విషయాన్ని వెల్లడించారు. తాను బిగ్‌బాస్‌లోకి వస్తానని, కానీ అందులో ఓ హాట్‌ కోరిక ఉందని కండీషన్‌గా చెప్పారు.
బిగ్‌బాస్‌ హౌజ్‌లో తనచుట్టూ అమ్మాయిలే ఉండాలని తెలిపారు. అంతేకాదు ఆ అమ్మాయిలను తానే ఎంపిక చేసుకుంటానని వెల్లడించాడు. తన ఈ హాట్‌ కోరిక తీరిస్తేనే హౌజ్‌లోకి అడుగుపెడతానని వెల్లడించాడు.
వర్మ కోరికని మరి `స్టార్‌ మా` నిర్వహకులు పరిగణలోకి తీసుకుంటారా? ఆయనకు ఆఫర్‌ ఇస్తారా? అన్నది చూడాలి. ఇప్పటికే బిగ్‌బాస్‌ ఫైనల్‌ లిస్ట్ ఓకే అయిందని సమాచారం. వచ్చే నెలలోగానీ, ఆగస్ట్ లోగానీ దీన్ని బిగ్‌బాస్‌ 5ని ప్రారంభించే అవకాశాలున్నాయని టాక్‌.
Ram Gopal Varma
