Ram Charan కెరీర్ లో ప్రతి మూడు సినిమాలకొకసారి జరిగే దారుణం ఇదే.. కుటుంబ సభ్యులు కూడా తప్పించుకోలేకపోయారు

రాంచరణ్ కెరీర్ లో కొన్ని దారుణమైన రిజల్ట్స్ ఎదురయ్యాయి. చిరుత మూవీతో హీరోగా ఎంట్రీ ఇచ్చిన రాంచరణ్ ఆ తర్వాత అనేక విజయాలు, అదే విధంగా పరాజయాలు సొంతం చేసుకున్నారు. 

Image Credit : IMDB

తండ్రైన సంతోషంలో రాంచరణ్ 

మెగా పవర్ స్టార్ రాంచరణ్, కొణిదెల ఫ్యామిలీ మొత్తం ప్రస్తుతం సంబరాల్లో ఉన్నారు. రాంచరణ్, ఉపాసన కొణిదెల మరోసారి తల్లిదండ్రులు అయ్యారు. ఈసారి ఇంకా స్పెషల్. ఉపాసన కవల పిల్లలకు జన్మనిచ్చింది. ఒక ఆడబిడ్డ, ఒక మగబిడ్డ జన్మించారు. మొత్తంగా రాంచరణ్ ఇద్దరు ఆడపిల్లలు, ఒక మగబిడ్డకు తండ్రి అయ్యారు. ఇదిలా ఉండగా రాంచరణ్ చిరుత చిత్రంతో మెగా నట వారసుడిగా, హీరోగా ఎంట్రీ ఇచ్చారు. 

Image Credit : Ram charan Konidela/Instagram

రాంచరణ్ కెరీర్ లో విచిత్రాలు

రాంచరణ్ కెరీర్  కాస్త విచిత్రంగానే సాగింది. రెండో సినిమా మగధీరతోనే ఇండస్ట్రీ రికార్డులు తిరగరాశాడు. రాంచరణ్ కెరీర్ ని గమనిస్తే ప్రతి మూడు సినిమాలకు ఒకసారి దారుణమైన రిజల్ట్ ఎదురవుతోంది. ఈ సెంటిమెంట్ కారణంగా స్టార్ ప్రొడ్యూసర్స్ తో పాటు, సొంత కుటుంబ సభ్యులు కూడా దారుణంగా నష్టపోయారు. ఆ వివరాలు ఇప్పుడు చూద్దాం. 

Image Credit : our own

ఆరెంజ్

రాంచరణ్ నటించిన మూడవ చిత్రం ఇది. బొమ్మరిల్లు భాస్కర్ దర్శకత్వంలో తెరకెక్కిన ఈ చిత్రంలో జెనీలియా హీరోయిన్. ఈ చిత్రాన్ని మెగా బ్రదర్ నాగబాబు భారీ బడ్జెట్ లో నిర్మించారు. కానీ ఈ చిత్రం దారుణంగా ఫ్లాప్ అయింది. నాగబాబుకి భారీ నష్టాలు తప్పలేదు. ఫలితంగా ఆస్తులు అమ్ముకుని చివరికి దివాళా తీసే పరిస్థితి వచ్చింది. సూసైడ్ చేసుకునే ఆలోచన కూడా వచ్చింది అని నాగబాబు ఓ సందర్భంలో తెలిపారు. 

Image Credit : Social Media

తుఫాన్

రాంచరణ్ ఆరవ చిత్రం ఇది. బాలీవుడ్ లో రాంచరణ్ నటించిన తొలి చిత్రం. ఏమాత్రం ఈ మూవీ కలిసిరాలేదు. డిజాస్టర్ గా నిలిచింది. ఈ మూవీతో రాంచరణ్ ట్రోలింగ్ సైతం ఎదుర్కొన్నారు.

Image Credit : IMDB

బ్రూస్ లీ

రాంచరణ్ నటించిన 9వ చిత్రం బ్రూస్ లీ. శ్రీను వైట్ల దర్శకత్వంలో తెరకెక్కిన ఈ మూవీ కూడా డిజాస్టర్ అయింది. ఈ మూవీలో రకుల్ హీరోయిన్ గా నటించింది.

Image Credit : our own

వినయ విధేయ రామ

రాంచరణ్ 12వ చిత్రం వినయ  విధేయ రామ. మాస్ డైరెక్టర్ బోయపాటి శ్రీను దర్శకత్వంలో తెరకెక్కిన ఈ చిత్రం భారీ అంచనాల నడుమ విడుదలై నిరాశ పరిచింది. ఈ మూవీలో కియారా అద్వానీ హీరోయిన్. 

Image Credit : instagram

గేమ్ ఛేంజర్

రాంచరణ్ 15వ చిత్రం ఇది. శంకర్ దర్శకత్వంలో తెరకెక్కిన ఈ చిత్రం రాంచరణ్ కెరీర్ లో భారీ డిజాస్టర్ గా నిలిచింది. ఈ చిత్రాన్ని నిర్మించిన దిల్ రాజు తీవ్రంగా నష్టపోయారు.