సినిమాలకు గుడ్ బై చెప్పబోతున్న రజినీకాంత్..? సూపర్ స్టార్ నిర్ణయానికి కారణం ఏంటి..?

సూపర్ స్టార్ రజినీకాంత్ సినిమాలకు గుడ్ బై చెప్పబోతున్నారా..? త్వరలో తన నిర్ణయాన్నిప్రకటించబోతున్నారా..? తలైవా నిర్ణయం వెనకు కారణం ఏంటి..? 

Rajinikanth

సూపర్ స్టార్ రజినీకాంత్ తమిళ తలైవా.. ఒక్క తమిళనాడులోనే కాదు.. సౌత్ లో ఆయన స్టార్ డమ్ ను టచ్ చేసే హీరో లేడు అని చెప్పాలి. . ఇండియన్ సినిమా లెజెండ్ గా.. బాలీవుడ్ స్టార్స్ సైతం గౌరవించే స్థాయి రజినీకాంత్ ది. ఆయన సినిమా కోసం కోట్లాదిగా అభిమానులు ఎదరు చూస్తుంటారు. 73 ఏళ్లు దాటినా ఏమాత్రం వెనకడుగు వేయకుండా.. కుర్ర హీరోలకు సైతం పోటీ ఇస్తూ.. వందల కోట్ల బిజినెస్ చేయగలిగే సినిమాలను అందిస్తున్నారు రజినీకాంత్. 

ఇక ఈ ఏజ్ లో కూడా రజినీకాంత్ కష్టపడుతూ.. తన అభిమానులను అలరిస్తున్నారు. ఈక్రమంలో ఆయన పలుమార్లు అనారోగ్యాలకు గురికావడం.. హాస్పిటల్స్ లో ట్రీట్మెంట్ తీసుకోవడం జరుగుతూనేఉంది.  అనారోగ్యంపాలు అవ్వడం ఇది మొదటి సారి కాదు.. ఎన్నోసార్లు రజినీకాంత్ ఆరోగ్యపరంగా  ఇబ్బందులు ఎదుర్కొన్నారు.

డీహైడ్రేషన్ తో ఒక సారి.. కిడ్నీ మార్పిడి కోసం సింగపూర్ హాస్పిటల్ లో మరికొన్ని రోజులు.. కరోనా అనుమానంతో.. అన్నాత్తే షూటింగ్ టైమ్ లో హైదరాబాద్ అపోలో ఆస్పత్రిలో కూడా చేశారు రజినీకాంత్. ఇక ఇన్ని సార్లు ఆయన ఆరోగ్యం ఇబ్బందులు ఫేస్ చేయడంతో.. రజినీకాంత్ కు కంప్లీట్ గా రెస్ట్ అవసరం అంటున్నారట డాక్టర్లు. 

గతంలో రాజకీయాల్లోకి రావడం కోసం అన్ని రెడీ చేసుకున్న తలైవా.. అనారోగ్యం కారణంగానే వెనకడుగు వేసినట్టు ప్రకటించారు. ఆరోగ్యం బాగోలేకపోవడంతో రాజికీయాల్లో ప్రజెర్ ను తీసుకోగలడో లేదో అనే అనుమానంతో ఆయన పాలిటిక్స్ ను వదిలేశారు. అప్పటిక వరకు చేసిన కమిటీలను కూడా రద్దు చేశారు. ఇక సినిమాల విషయంలో కూడా రజినీకాంత్ స్ట్రెస్ తీసుకోవడం మంచిది కాదు అంటున్నారట డాక్టర్స్. 

ప్రస్తుతం సూపర్ స్టార్ రజినీకాంత్  కూలీ సినిమాలో నటిస్తున్నారు.  రజినీకాంత్ నటించిన వెట్టయాన్ సినిమా అక్టోబర్ 10 రిలీజ్ అయ్యింది. కాని ఈసినిమా డిజాస్టర్ గా నిలిచింది. ఈమూవీలో రజినీతో పాటు  అమితాబ్‌ బచ్చన్‌, ఫహాద్‌ ఫాజిల్‌, రానా, రితికా సింగ్‌, మంజు వారియర్‌,  కీలక పాత్రలు పోషించారు. తెలుగులోనూ అదే పేరుతో విడుదలఅయ్యింది సినిమా. 

ఇక రజినీకాంత్  కూలీ సినిమా కూడా రిలీజ్ కు రెడీ అవుతోంది. ఈ చిత్రానికి లోకేష్ కనకరాజ్ దర్శకుడు. ఈ చిత్ర ఫస్ట్ లుక్ పోస్టర్స్ ఆసక్తి రేపుతున్నాయి. కూలీ చిత్రంలో కింగ్ నాగార్జున కీలక రోల్ చేయడం విశేషం. అయితే కూలి సినిమా తరువాత రజినీకాంత్ సినిమాలను వదిలేయబోతున్నాడని టాక్ గట్టిగా నడుస్తోంది. రజినీకాంత్ అనారోగ్యం కారణంగా ఆయన టెన్షన్ పడొద్దని అన్నారట డాక్టర్లు.

దాంతో సినిమాలు ఆపితేమంచిది అన్నారట. అయితే కూలి సినిమా తరువాత రజినీకాంత్ జైలర్ 2 సినిమా చేయబోతున్నారు. ఈమూవీ ఫిక్స్ అయ్య్యింది కూడా. మరి రజినీకాంత్ సినిమాలకు గుడ్ బై చెపుతారా..? ఈ వార్తల్లో నిజం ఎంతా అనేది చూడాలి.  మరి సూపర్ స్టార్ నుంచి ఎలాంటి ప్రకటన వస్తుందో చూడాలి.