బాలకృష్ణ `నిప్పురవ్వ` కోసం తరలి వచ్చిన సూపర్‌ స్టార్స్
బాలకృష్ణ నటించిన సూపర్‌ హిట్‌ చిత్రాల్లో `నిప్పురవ్వ` ఒకటి. 1993లో విడుదలైన సినిమా భారీ విజయాన్ని సాధించింది. తాజాగా ఈ సినిమాకి సంబంధించిన రెండు ఆసక్తికర ఫోటోలు బయటకు వచ్చాయి.
`నిప్పురవ్వ` చిత్రంలో బాలకృష్ణ, విజయశాంతి జంటగా నటించగా, కోదండరామిరెడ్డి దర్శకత్వం వహించారు.
సింగరేణి బొగ్గు కార్మికుడి కథతో రూపొందించిన ఈ సినిమా ఓ ప్రమాదం వల్ల వాయిదా పడింది.
కొంత గ్యాప్‌తో `బంగారు బుల్లోడు`తో కలిసి విడుదలైంది. ప్రమాదం, లేట్‌ రిలీజ్‌ సినిమాపై ప్రభావం చూపాయి. అయినప్పటికీ వంద రోజులు పూర్తి చేసుకుంది.
అయితే ఈ సినిమా ఓపెనింగ్‌కి తమిళ సూపర్‌ స్టార్‌ రజనీకాంత్‌, మలయాళ సూపర్‌ స్టార్‌ మోహన్‌లాల్‌ గెస్ట్ లుగా హాజరవ్వడం విశేషం.
తాజాగా ఆ ఫోటోలు సోషల్‌ మీడియాలో హల్చల్ చేస్తున్నాయి. విజయశాంతి, బాలకృష్ణ, రజనీకాంత్‌, మోహన్‌లాల్‌ కలిసి ఫోటో దిగారు.
ఇన్నాళ్లకు ఈ సినిమా ఫోటోలు బయటకు రావడంతో బాలయ్య అభిమానులు సంబరపడుతున్నారు. ప్రస్తుతం ఈ ఫోటోలు సోషల్‌ మీడియాలో హల్చల్ చేస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
