నరాలు తెగేలా అరిచిన రాజమౌళి, నమ్మకాలన్నీ వమ్ము చేస్తూ అట్టర్ డిజాస్టర్..ట్రెండింగ్ లోకి స్టార్ హీరో మూవీ

టాలీవుడ్ స్టార్ హీరో నటించిన ఒక చిత్రం బాక్సాఫీస్ ని షేక్ చేస్తుందని రాజమౌళి నరాలు తెగేలా అరిచి చెప్పారు. కానీ ఇప్పుడు ఆ చిత్రం ట్రోలింగ్ కి గురవుతోంది.  

Rajamouli

డైరెక్టర్ శంకర్ బెస్ట్ మూవీస్ లో టాప్ 3 లో భారతీయుడు ఉంటుంది. 28 ఏళ్ళ తర్వాత శంకర్ భారతీయుడు 2 చిత్రానికి సీక్వెల్ చేశారు. భారతీయుడు 2 ఇటీవల విడుదలై దారుణమైన నెగిటివ్ టాక్ మూటగట్టుకుంది. శంకర్ కెరీర్ లో ఇదే బోరింగ్ చిత్రం అంటూ ఆడియన్స్ విమర్శిస్తున్నారు. 

భారతీయుడు చిత్రం అప్పట్లో కేవలం తమిళంలో మాత్రమే కాలేదు ఇండియా మొత్తం ప్రభావం చూపింది. కమల్ హాసన్ నటన, శంకర్ దర్శకత్వం, ఏఆర్ రెహమాన్ సంగీతం ఇలా ప్రతి అంశం టాప్ నాచ్ అన్నట్లుగా ఉంటుంది. ఒక సినిమా ఆ స్థాయిలో విజయం సాధిస్తే.. ఇతర దర్శకులు కూడా అంత అద్భుతమైన సినిమా చేయాలనీ స్ఫూర్తి పొందుతారు. 

Bharateeyudu 2 Review

స్ఫూర్తి పొంది తమ స్టైల్ లో మంచి సినిమా చేయడం వేరు.. దానినే కాపీ చేయడం వేరు. టాలీవుడ్ లో ఓ స్టార్ హీరో నటించిన చిత్రం భారతీయుడుకి కాపీ అంటూ తీవ్ర విమర్శలు ఎదుర్కొంది. ఆ చిత్రం మరేదో కాదు బాలకృష్ణ నటించిన 'ఒక్క మగాడు'. డైరెక్టర్ వైవిఎస్ చౌదరి తెరకెక్కించిన ఈ చిత్రంపై రిలీజ్ కి ముందు ఉన్న హైప్ అలాంటి ఇలాంటి హైప్ కాదు. 

కానీ సినిమా చూస్తూ ప్రతి సన్నివేశం సిల్లీగా ఉంటూ ఆడియన్స్ సహనానికి  పరీక్ష పెట్టింది. బాలయ్య ఓల్డ్ క్యారెక్టర్, సిమ్రాన్ పాత్ర చూసిన వారంతా ఇది భారతీయుడు చిత్రానికి డూప్ అంటూ దారుణంగా తిట్టిపోశారు. ఫలితంగా బాలయ్య కెరీర్ లో బిగ్గెస్ట్ డిజాస్టర్ గా ఒక్క మగాడు చిత్రం మారిపోయింది. 

రిలీజ్ కి ముందు ఈ చిత్రానికి ఉన్న హైప్ కారణంగా ఆడియో ఫంక్షన్ ఒక రేంజ్ లో నిర్వహించారు. ఆడియో రిలీజ్ కి అతిరథ మహారథులు హాజరయ్యారు. దాసరి నారాయణరావు, రాఘవేంద్ర రావు ఇలా చాలా మంది ప్రముఖులు హాజరయ్యారు. రాజమౌళి కూడా ఒక్కమగాడు ఆడియో లాంచ్ లో పాల్గొన్నారు. అక్కడ రాజమౌళి స్పీచ్ హైలైట్ గా నిలిచింది. 

రాజమౌళి మాట్లాడుతూ.. కొన్నేళ్లుగా ఇండస్ట్రీలో హిట్స్ ఉన్నాయి, సూపర్ హిట్స్ ఉన్నాయి, ఫ్లాప్స్ కూడా ఉన్నాయి. కానీ బాక్సాఫీస్ షేక్ అవ్వడం అంటే ఏంటో మరచిపోయాం. ఎందుకంటే సింహం కొంచెం రెస్ట్ తీసుకుంటోంది అంటూ బాలయ్యకి రాజమౌళి వీర లెవల్ లో ఎలివేషన్ ఇచ్చారు. జనవరి 11న ఆ సింహం జూలు విదిల్చబోతోంది. ఒక్కమగాడు చిత్ర ఫస్ట్ షో మీతో పాటు చూస్తా. మీకన్నా గట్టిగా అరుస్తా.. జై బాలయ్య అంటూ రాజమౌళి నరాలు తెగేలా బిగ్గరగా అరిచారు. 

బాలయ్య ఒక్క మగాడు అయితే.. వైవిఎస్ చౌదరి దమ్మున్న డైరెక్టర్ అని రాజమౌళి ప్రశంసించారు. కానీ రిలీజ్ తర్వాత ఈ చిత్రం రాజమౌళి నమ్మకంతో పాటు అందరి అంచనాలని తలక్రిందులు చేసింది. భారతీయుడు 2 చిత్రం నిరాశపరచేలా టాక్ తెచ్చుకోవడంతో ఒక్క మగాడు చిత్రానికి సంబధించిన పోస్ట్ లు చేస్తూ నెటిజన్లు మరోసారి ట్రోల్ చేస్తున్నారు.