`పుష్ప2`లో ఆరు నిమిషాల సీన్‌ కోసం 60కోట్లు.. వామ్మో ఆ ఎపిసోడ్‌కి పూనకాలే.. ఇంట్రెస్టింగ్‌ విషయాలు లీక్‌

`పుష్ప2` టీజర్‌ ఇటీవల విడుదలైంది. ఇందులో జాతర ఎపిసోడ్‌ని మెయిన్‌గా చూపించారు. ఈ ఎపిసోడ్‌కి అయిన బడ్జెట్‌, డేట్స్ గురించి తెలిస్తే మతిపోవాల్సిందే.  

అల్లు అర్జున్‌ హీరోగా నటిస్తున్న మూవీ `పుష్ప2`. సుకుమార్‌ రూపొందిస్తున్న ఈ సినిమా కోసం తెలుగు ప్రేక్షకులు మాత్రమే కాదు, ఇండియన్‌ ఆడియెన్స్ సైతం వెయిట్‌ చేస్తున్నారు. ఇటీవల విడుదలైన టీజర్‌ ఆద్యంతం ఆకట్టుకుంది. సినిమాపై ఇంట్రెస్ట్ ని పెంచింది. 

`పుష్ప2` టీజర్‌ లో జాతర ఎపిసోడ్‌ హైలైట్‌గా నిలిచింది. ఇందులో బన్నీ అమ్మోరు గెటప్‌లో కనిపించారు. స్టయిల్‌గా ఆయన చేసే ఫైట్స్ ఫిదా చేశాయి. అదే సమయంలో అల్లు అర్జున్‌లోని మరో యాంగిల్‌ని ఆవిష్కరించింది. ఇంటర్వెల్‌ ముందు ఈ ఎపిసోడ్‌ వస్తుంది. అంతేకాదు సినిమాలో ఇది హైలైట్‌గా నిలుస్తుందని అంటున్నారు. 

ఇదిలా ఉంటే ఈ ఎపిసోడ్‌ గురించి ఆసక్తికర అంశం సోషల్‌ మీడియాలో వినిపిస్తుంది. ఈ ఎపిసోడ్‌కి పెట్టిన ఖర్చు షాకిస్తుంది. సుకుమార్‌ ఏకంగా 60కోట్లు ఖర్చు చేశారట. కేవలం ఆరు నిమిషాలు మాత్రమే ఈ ఎపిసోడ్‌ ఉంటుందని, దానికి ఆరు కోట్లు అయ్యిందని తెలుస్తుంది. 

అంతటితో అయిపోలేదు, దీనికి సంబంధించిన మరో ఇంట్రెస్టింగ్‌ విషయం నెట్టింట చక్కర్లు కొడుతుంది. ఈ ఆరు నిమిషాల ఎపిసోడ్‌ కోసం సుకుమార్ నెలరోజులు షూట్‌ చేశారట. పర్ ఫెక్షన్‌ కోసం, ఆయా భారీ సీన్‌ కోసం అంత టైమ్‌ పట్టిందట. సినిమా మొత్తంలోనే ఆ ఎపిసోడ్‌ హైలైట్గా ఉంటుందనే ఉద్దేశ్యంతో, సినిమాని నెక్ట్స్ లెవల్‌కి తీసుకెళ్తుందనే ఉద్దేశ్యంతో దర్శకుడు అంతటి రిస్క్ తీసుకున్నారని తెలుస్తుంది.

ఇలాంటి ఇంట్రెస్టింగ్‌ విషయాలు ఇప్పుడు సోషల్‌ మీడియాలో చక్కర్లు కొడుతున్నాయి. సినిమాపై అంచనాలను పెంచుతున్నాయి. పైగా ఇందులో బన్నీ లేడీ గెటప్‌లో మతిపోయేలా ఉన్నాడు. పైగా ఆయన చేసే ఫైట్లు వాహ్‌ అనాల్సిందే అన్నట్టుగా ఉంది. జస్ట్ టీజర్‌లోనే ఇలా ఉంటే, ఇక సినిమాలు, జాతర ఎపిసోడ్‌లో, అంత మంది క్రౌడ్‌లో బన్నీ లేడీ గెటప్‌లో చూపించే విశ్వరూపం విజువల్‌ ట్రీట్‌లా ఉంటుందని చెప్పొచ్చు. 

ఇక బన్నీకి జోడీగా రష్మిక మందన్నా నటిస్తున్న `పుష్ప2`లో మలయాళ స్టార్‌ ఫహద్‌ ఫాజిల్‌ నెగటివ్‌ రోల్‌ చేస్తున్నారు. అనసూయ, సునీల్‌, వంటి వారు కీలక పాత్రలు పోషిస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రం ఆగస్ట్ 15న స్వాతంత్ర్య దినోత్సవ కానుకగా విడుదల కానుంది.