Prabhas Birthday: ప్రభాస్‌ ఊతపదానికి ఇంత పెద్ద కథ ఉందా?.. ఎంతైనా `డార్లింగ్‌` అనిపించుకున్నాడుగా!

ప్రభాస్‌ ప్రస్తుతం హీరోగా ఎవరికీ సాధ్యం కాని ఇమేజ్‌ని ఆస్వాధిస్తున్నాడు. ఇండియన్‌ సినిమాకి ప్రతిరూపంగా నిలుస్తున్నాడు. అందరు ముద్దుగా `డార్లింగ్‌` అని పిలుచుకునే ప్రభాస్‌కి ఒక ఊతపదం ఉంది. దానికో స్టోరీ కూడా ఉండటం. ఆయన బర్త్ డే సందర్భంగా అది బయటకు రావడం ఆకట్టుకుంటుంది.   

ప్రభాస్‌(Prabhas).. `బాహుబలి`, `సాహో`, `రెబెల్‌` వంటి బలమైన టైటిల్స్ తో సినిమాలు చేశాడు. ఆయా సినిమాలు బాక్సాఫీసు వద్ద మంచి విజయాలను సాధించాయి. ఇప్పుడు `రాధేశ్యామ్‌`, `సలార్‌`, `ఆదిపురుష్‌` వంటి భారీ సినిమాలు చేస్తున్నారు. కానీ ఇప్పటికే ప్రభాస్‌ని అంతా `డార్లింగ్‌` అనే పిలుస్తుంటారు. అభిమానులు, సెలబ్రిటీలు సైతం ఆయన్ని డార్లింగ్‌గానే అభివర్ణిస్తుంటారు. అలా పిలిచేందుకే ఇష్టపడుతుంటారు.

మరి ప్రభాస్‌ని `డార్లింగ్‌`గా పిలవడానికి ఓ కథ ఉంది. ఆయన `డార్లింగ్‌` సినిమాలో నటించడమే అనే విషయం తెలిసిందే. జనరల్‌గా హీరోల మ్యానరిజనానికి యాప్ట్ అయ్యే టైటిల్స్ తో సినిమాలు చేసే హీరోలకు ఆ సినిమాల పేరుతోనే పిలుస్తుంటారు అభిమానులు. అలా ఆయా పేర్లు పాపులర్‌ అవుతుంటాయి. అలానే ప్రభాస్‌కి `డార్లింగ్‌` అనే టైటిల్‌ యాప్ట్ గా నిలిచింది. పాన్‌ ఇండియా సినిమాలెన్నో చేసుకుంటూ వెళ్తున్న ఆయన్ని అంతా డార్లింగ్‌ అంటూనే సంభోధిస్తున్నారు. 

అంతగా ప్రభాస్‌ని `డార్లింగ్‌` అని పేరు పిలవడానికి ఓ కథ ఉందట. ఆ డార్లింగ్‌లో ఓ స్టోరీ ఉందట. నేడు శనివారం(అక్టోబర్ 23)న ప్రభాస్‌ తన 42వ పుట్టిన రోజు(Prabhas Birthday) జరుపుకుంటున్నారు. ఈ నేపథ్యంలో ప్రభాస్‌రాజుకి సంబంధించిన ఆసక్తికర విషయాలు వైరల్‌ అవుతున్నాయి. కొత్త విషయాలు బయటకు వస్తున్నాయి. అలా వచ్చిందే `డార్లింగ్` వెనక ఉన్న సీక్రెట్ స్టోరీ. 

Prabhas.. ఏ కరుణాకర్‌ దర్శకత్వంలో వచ్చిన `డార్లింగ్‌` సినిమా మంచి విజయం సాధించింది. ప్రభాస్‌కి `డార్లింగ్‌` పేరుని తీసుకొచ్చింది. కానీ ప్రభాస్‌కి `డార్లింగ్‌` అనే పేరు ఈ సినిమాతో వచ్చింది కాదట. ఆయనకు అంతకు ముందు నుంచే ఉందని చెప్పారు. అది ప్రభాస్‌ ఊతపదం అట. `బుజ్జిగాడు` సినిమాలో దాన్ని బాగా వాడాడు ప్రభాస్‌. ఆ వాడకం నచ్చే `డార్లింగ్‌` సినిమాకి ఆ పేరు పెట్టారట. 

అయితే స్వతహాగా ప్రభాస్‌ ఎవరినైనా, అంటే తనకు బాగా నచ్చిన వారిని డార్లింగ్‌ అనే పిలుస్తాడట. ఇది కెరీర్‌ బిగినింగ్‌ నుంచి కూడా ఉందట. కాకపోతే `బుజ్జిగాడు` సినిమాతో పాపులర్‌ అయ్యిందని తెలుస్తుంది.  ఆ సినిమా సమయంలో ప్రభాస్‌.. పూరీ జగన్నాథ్‌ని డార్లింగ్‌ అని పిలిచాడట. ఆ పిలిచే విధానం నచ్చడంతో పూరీ ఆ సినిమాలో ఆ పదాన్ని బాగా వాడేలా చేశాడని సమాచారం. ప్రభాస్‌ తన చుట్టూ ఉండే అందరిని అదే పదంతో పిలుస్తారని, అది ఆయన ఊతపదమని పూరీ చెప్పారు. దీన్ని ప్రభాస్‌ కూడా ఒప్పుకోవడం విశేషం. 

ప్రభాస్‌ తన ఊతపదంగా `డార్లింగ్‌` అని పిలవడం మాత్రమే కాదు, స్వతహాగా ఆయన మనసు కూడా అలాంటిదే అని, అందరితోనూ సానుకూలంగా, పాజిటివ్‌గా ఉంటారని, ఆయన చాలా స్వీట్‌ పర్సన్‌ అని, ఒక్కసారి ఆయనతో పనిచేస్తే ఎవరైనా ఆయన్ని ఇష్టపడతారని అంటున్నారు. అందుకే ప్రభాస్‌ అందరికి `డార్లింగ్‌` అని అంటున్నారు అభిమానులు. ప్రభాస్‌ ప్రస్తుతం పాన్‌ ఇండియా స్టార్ గా రాణిస్తున్నారు. ఆయన నటిస్తున్న సినిమాలన్నీ పాన్‌ ఇండియా రేంజ్‌లో భారీ బడ్జెట్‌తో రూపొందుతుండటం విశేషం. దీంతో పాన్‌ ఇండియా నుంచి పాన్ వరల్డ్ స్టార్‌గానూ పేరు తెచ్చుకుంటున్నారు డార్లింగ్‌. 

related news: ఆ విషయంలో అమితాబ్‌ బచ్చన్‌ని మించిపోయిన ప్రభాస్‌.. ఇండియన్‌ సినిమాకి `ఒకేఒక్కడు`.. అందుకు కారణం కూడా ఒక్కడే