ప్రభాస్ `సలార్` షూటింగ్ ఫోటోస్ లీక్, వైరల్.. డీ గ్లామర్ లుక్కి ఫ్యాన్స్ ఫిదా
ప్రభాస్ హీరోగా అత్యంత భారీ బడ్జెట్తో రూపొందుతున్న చిత్రం `సలార్`. ఓ నాయకుడి పోరాటం ప్రధానంగా సాగే చిత్రమిది. ప్రస్తుతం రామగుండంలో బొగ్గుగనిలో షూటింగ్ జరుపుకుంటోంది. తాజాగా ఈ చిత్ర షూటింగ్ సెట్లోని ఫోటోలు లీక్ అయ్యాయి. ప్రస్తుతం అవి సోషల్ మీడియాలో చక్కర్లు కొడుతున్నాయి.
ఇందులో ఓ ఫోటో షూటింగ్ సెట్లో యాష్ కలర్ టీషర్ట్ బ్లాక్ జీన్ ధరించి కూర్చొని ఉన్నాడు ప్రభాస్. టెక్నీషియన్లతో సీన్ గురించి మాట్లాడుతున్నట్టుగా ఉంది ఫోటో.
ఇందులో ప్రభాస్ కూలింగ్ గ్లాసెస్ పెట్టుకున్నాడు. మరోవైపు చేతులకు బొగ్గు అంటి ఉంది. పూర్తిగా డీ గ్లామర్ లుక్లో మాస్గా కనిపిస్తున్నాడు ప్రభాస్
మరో ఫోటోలో ఆన్ లోకేషన్లో షూటింగ్ జరుపుతుండగా, బుల్లెట్ బైక్పై ఉన్నాడు ప్రభాస్. బొగ్గు గునుల్లో ప్రభాస్పై సీన్ తీస్తుండగా, రహస్యంగా తీసిన ఫోటో ఇది. ప్రస్తుతం సోషల్ మీడియాలో వైరల్ అవుతున్నాయి.
ప్రభాస్ ఇందులో పూర్తిగా డీ గ్లామర్లుక్లో కనిపిస్తారని తెలుస్తుంది. తాజా ఫోటోలను చూసి అభిమానులు ఫిదా అవుతున్నారు. ఓ కొత్త లుక్లో ఆయన్ని చూసి ఆనందం వ్యక్తం చేస్తున్నారు.
ఈ చిత్రం ఇటీవల రామగుండంలోని బొగ్గు గనుల్లో యాక్షన్ ఎపిసోడ్స్ తో షూటింగ్ని ప్రారంభించుకున్న విషయం తెలిసిందే.
అందుకు ప్రభాస్కి స్థానికులు, అధికారులు ఘనంగా స్వాగతం పలికారు. తమ ప్రాంతంలో షూటింగ్ జరపడం పట్ల వారు ఆనందం వ్యక్తం చేస్తున్నారు. ఇటీవల అక్కడి లోకేషన్లోని ఫోటోలు హల్చల్ చేసిన విషయం తెలిసిందే.
`కేజీఎఫ్`ఫేమ్ ప్రశాంత్ నీల్ దర్శకత్వం వహిస్తున్న ఈ చిత్రంలో శృతి హాసన్ హీరోయిన్గా నటిస్తుంది. హోంబలే ఫిల్మ్స్ పతాకంపై విజయ్ కిరంగుదూర్ నిర్మిస్తున్నారు. ఈ ఏడాదిలోనే సినిమాని విడుదలకు ప్లాన్ చేస్తున్నారు.
ప్రస్తుతం ప్రభాస్ `రాధేశ్యామ్`లో నటిస్తున్నారు. ఈ సినిమాని సమ్మర్లో విడుదలకు ప్లాన్ చేస్తున్నారు. ప్రేమికుల రోజు సందర్భంగా రేపు చిత్రం నుంచి లవ్ ఎపిసోడ్కి సంబంధించిన గింప్స్ వీడియోని విడుదల చేయబోతున్నారు.
మరోవైపు ప్రభాస్ మరో భారీ చిత్రం `ఆదిపురుష్`లో నటిస్తున్న విషయం తెలిసిందే. ఈ చిత్ర షూటింగ్ ఇటీవల ముంబయిలో ప్రారంభమైంది. ప్రారంభం రోజునే భారీ అగ్నిప్రమాదం చోటు చేసుకోవడంతో షూటింగ్ ఆగిపోయింది. అయితే ఆ సినిమా డేట్స్ ని ప్రభాస్ `సలార్`కి కేటాయిస్తున్నట్టు తెలుస్తుంది. ఓం రౌత్ దర్శకత్వంలో సైఫ్ అలీ ఖాన్ రావణుడిగా నటిస్తున్న చిత్రమిది. రాముడిగా ప్రభాస్ కనిపిస్తారు. ఇది తిరిగి ఎప్పుడు షూటింగ్ ప్రారంభమవుతుందనేదానిపై ఇంకా క్లారిటీ లేదు.