విజయ్‌ దేవరకొండకి కమిటెడ్‌ అంటోన్న ప్రభాస్ హీరోయిన్‌ కృతి సనన్‌.. ఆ ఒక్కటి లేకుండా అస్సలుండలేదట!
విజయ్‌ దేవరకొండకి కమిట్‌ అయ్యానంటోంది ప్రభాస్ హీరోయిన్‌ కృతి సనన్‌. తెలుగులో ఈ అమ్మడు బ్యాక్‌ టూ బ్యాక్‌ భారీగానే ప్లాన్‌ చేసుకుందట. అంతేకాదు ఆ ఒక్కటి లేకుండా అస్సలుండలేనంటోంది. మరి ఈ కథేంటో చూస్తే..
హీరోయిన్‌గా ఎంట్రీనే మహేష్‌ లాంటి సూపర్‌స్టార్‌తో రొమాన్స్ చేసే ఛాన్స్ దక్కించుకుంది కృతి సనన్‌. సుకుమార్‌ దర్శకత్వంలో రూపొందిన `వన్‌ ః నేనొక్కడినే` చిత్రంలో నటించింది. ఈ సినిమా పరాజయం చెందినా ప్రశంసలందుకుంది. కృతికి పేరొచ్చింది. ఆ తర్వాత హిందీలోకి ఎంట్రీ ఇచ్చి అక్కడే పాగా వేసింది కృతి.
మధ్యలో నాగచైతన్యతో `దోచేయ్‌` సినిమా చేసిన ప్రయోజనం లేదు. దీంతో ఇక బాలీవుడ్‌కి ఫిక్సై పోయింది. తనకు అక్కడ విజయాలు దక్కడంతో బ్యాక్‌ టూ బ్యాక్‌ సినిమాలు చేస్తూ ఆల్మోస్ట్ స్టార్‌ హీరోయిన్‌ రేంజ్‌కి ఎదిగిపోయింది.
చాలా రోజుల తర్వాత మళ్లీ రీఎంట్రీకి ప్లాన్‌ చేసుకుంటోంది కృతి. ఇప్పటికే ప్రభాస్‌తో `ఆదిపురుష్‌`లో సీత పాత్రలో నటించేందుకు ఓకే చెప్పింది. ఇది స్ట్రెయిట్‌ బాలీవుడ్‌ చిత్రం. తెలుగు, హిందీలో ఏకకాలంలో తెరకెక్కించబోతున్నారు.
దీంతోపాటు మరో సినిమాకి కమిట్‌ అయ్యిందట. రౌడీ బాయ్‌ విజయ్‌ దేవరకొండకి కమిటెడ్‌ అంటోంది. ఈ అమ్మడు పూర్తి స్థాయి తెలుగు రీఎంట్రీ విజయ్‌ దేవరకొండతోనే అని ఫిక్సయినట్టు తెలుస్తుంది.
అది కూడా మళ్లీ సుకుమార్‌ డైరెక్షన్‌లోనే కావడం విశేషం. విజయ్‌ నెక్ట్స్ సుకుమార్‌ దర్శకత్వంలో ఓ సినిమా చేయబోతున్నారు. ఇందులో హీరోయిన్‌గా కృతిని ఫైనల్‌ చేశారనే వార్త ఇప్పుడు సోషల్‌ మీడియాలో చక్కర్లు కొడుతుంది. అంటే తనని హీరోయిన్‌గా పరిచయం చేసిన దర్శకుడే ఇప్పుడు రీఎంట్రీ ఇప్పిస్తున్నారని చెప్పొచ్చు.
ఇదిలా ఉంటే తాజాగా మరో ఆసక్తికర విషయాన్ని పంచుకుంది కృతి. ఒక్కటి లేకపోతే తనకు కాళ్లు చేతులు ఆడవట. ఎప్పుడూ అందులోనే ఉండాలనిపిస్తుంది, అదే చేయాలనిపిస్తుందట. ఒక్కసారి అందులోకి అడుగు పెట్టాకి తనని తాను మర్చిపోతానని చెబుతోంది.
మరి అదేంటో అనుకునేరు.. షూటింగ్‌. సినిమా షూటింగ్‌లు లేకపోతే తనకు ఏదోలా ఉంటుందని, ఎప్పుడూ షూటింగ్‌ల్లో పాల్గొంటే మజా వస్తుందని, తాను కెమెరాకి దూరంగా ఉండలేనని, పని విషయంలో అంత ప్రేమ, శ్రద్ధలతో ఉంటానని చెబుతుంది.
`కరోనా కారణంగా గత ఏడాది పెద్దగా షూటింగ్స్‌లో పాల్గొనే అవకాశం దొరకలేదు. పని లేకుండా ఇంట్లోనే ఎక్కువ సమయం గడపాల్సి వచ్చింది. ఎప్పుడెప్పుడు షూటింగ్‌లు మొదలవుతాయా? అని ఎదురు చూశాను.
ఈ క్రమంలో నేను గ్రహించిన విషయం ఏంటంటే... నేను కెమేరాకి దూరంగా ఉండలేనని. పనంటే అంత ప్రేమ, శ్రద్ధ ఉన్నాయి కాబట్టే కెమేరా మందుకెళ్లగానే నా వ్యక్తిగత విషయాలను మరచిపోతాను. షూటింగ్‌ లొకేషన్‌లో ఉంటేనే నేను ఎక్కువ సంతోషంగా ఉంటాను` తెలిపింది కృతి.
కృతి గ్లామర్‌ ఫోటోలు.
కృతి గ్లామర్‌ ఫోటోలు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
