ఎన్టీఆర్ లేడీ గెటప్ వేసిన ఏకైక సినిమా , చీరకట్టి, పూలు కూడా పెట్టిన పెద్దాయన.

దివంగత తార నటసార్వభౌముడు తారకరాముడిని  ఏ గెటప్ లో చూసి ఉంటాం రాముడిగా, కృష్ణుడిగా, రావణుడిగా, హీరోగా ఇలా అన్ని రకాల పాత్రలు చూశాం కాని. పెద్దాయన లేడీ గెటప్ కూడా వేశారని మీకు తెలుసా..? సీనియర్ ఎన్టీఆర్ చీరకట్టిన ఏకైక సినిమా ఏదో తెలుసా..? 

పెద్ద ఎన్టీఆర్ నటన, గాంభీర్యం అందరికి తెలిసిందే. ఆయన వేయని పాత్రలు లేవు. పెద్దాయన అంటే తెలుగు ప్రేక్షకులలో దైవ భావం  ఉంటుుంది. ఆయన్ను ఓ రేంజ్ లో చూస్తుంటారు జనాలు. మరి అలాంటి ఎన్టీఆర్ లేడీ గెటప్ వేశారని మీకు తెలుసా..? అవును  ఇప్పుడు అంటే హీరోలు లేడీ గెటప్ లు వేయడం పెద్ద విషయం కాదు. కాని అప్పట్లో ఆ హీరోలు ఆడవేశం వేయడం అంటే చాలా పెద్ద విషయమే అనాలి. కాని  సీనియర్ ఎన్టీఆర్ మాత్రం ఆడవేశంతో పాటు బృహన్నల వేశం కూడా వేసి.. తన నటనకు సాటి ఏది రాదు అని నిరూపించారు. 

తెలుగు సినిమా పరిశ్రమకు రెండు కళ్లుగా నిలిచిన ఎన్టీఆర్ ఏఎన్నార్ లు కూడా లేడీ గెటప్ లో సందడి చేశారు. ఇక పెద్దాయన ఎన్టీఆర్ అయితే ఆడ వేషం వేయడంతో పాటు.. అప్పటి స్టార్ కమెడియన్ తో  ఓ డ్యూయెట్ కూడా పాడుకున్నారు. ఇంతకీ  ఎన్టీఆర్ లేడీ గెటప్ వేసిన ఆ సినిమా ఏదో తెలుసా.. అన్నా తమ్ముడు. ఈ సినిమాలో లేడీ గెటప్ లో కనిపించారు ఎన్టీఆర్. అచ్చు గుద్దినట్టుగా ఓ మహిళ, మధ్యతరగతి ఇల్లాలు ఎలా ఉంటుందో అలా కనిపించారు. నెత్తిన కొప్పు పెట్టుకుని.. చీర బిగదీసి కట్టుకుని, మల్లెపూలు, ముక్కు పుడకతో పెద్ద ఎన్టీఆర్ ను చూస్తే.. అంతా అలా చూస్తూ ఉండిపోవల్సిందే. 

ఈగెటప్ వేయడంతో పాటు  పెద్దాయన ఓ డ్యూయోట్ కూడా పాడుకున్నారు. డ్యూయోట్ అంటే ఇంకొకరు ఉండాలి కదా.. మరి అవతలి వ్యక్తి ఎవరో తెలుసా. ఓ స్టార్ కమెడియన్ అవును ఇలా అందంగా మేకప్ తీర్చి దిద్దుకునిఅలనాటి స్టార్ కమెడియన్ రేలంగితో కలిసి డ్యూయోట్ కూడా పాడుకున్నారు. ఈ పాట అప్పట్లో చాలా హైలెట్ అయ్యింది. 

రాముడిగా కృష్ణుడిగా, దుర్యోధనుడిగా , అర్జునుడిగా, కర్ణుడిగా, వీర బ్రహ్మేంద్రస్వామిగా, వేమనగా, ఆది శంకరుడిగా, రామానుజుడిగా.. ఇలా చెప్పుకుంటూ వెళ్తే..సీనియర్ ఎన్టీఆర్ చేసినన్న పాత్రలు ఎవరు చేసి ఉండరేమో. అంతే కాదు.. ప్రతీ పాత్రలో ఆయన పరకాయ ప్రవేశాం చేసేవారు. ఎవరికి సాధ్యం కాని నటన ఆయనలో కనిపించేది. అటు మైథలాజికల్ క్యారెక్టర్ లు మాత్రమే కాదు.. ఇటు సోషల్ మూవీస్ కూడా అంతే అద్భుతంగా చేసిన ఎన్టీఆర్ .. కమర్షియల్ సినిమాలతో నిర్మాతలకు కాసులు కురిపించారు.  

హీరోగా ప్రేక్షకులను అలరించిన ఎన్టీఆర్. ఆతరువాత రాజకీయాల్లోకి వచ్చి.. 9నెలల్లోనే ముఖ్యమంత్రి అయ్యారు. ప్రజలకు ఎంతో సేవ చేశారు. రెండు రూపాయలు బియ్యం, మహిళకు ఆస్తి హక్కు, వృద్ధులకు పెన్షన్లు, ఇలా ఎన్టీఆర్ చేసిన సేవ అంతా ఇంతా కాదు. అందుకే ప్రజల మనసుల్లోపెద్దాయన చిరస్థాయిగా నలిచిపోయారు.