అప్పుడు వాచ్‌.. ఇప్పుడు షూస్..ఖరీదైన బ్రాండ్‌లకు కేరాఫ్‌గా నిలుస్తున్న ఎన్టీఆర్
ఎన్టీఆర్ మరోసారి వార్తల్లో నిలిచారు. తాను వాడే బ్రాండ్ల విషయంలో ఆయన టాక్‌ ఆఫ్‌ ది టాలీవుడ్‌ అయ్యారు. ఓ మధ్య ఖరీదైన వాచ్‌ గురించి చర్చ జరగ్గా ఇప్పుడు ఎన్టీఆర్ ధరించిన షూస్ చర్చనీయాంశంగా మారింది. మరి షూస్‌లో అంత ప్రత్యేకత ఏంటనేది డౌట్‌ రావచ్చు. అసలు విషయానికి వస్తే..
ఎన్టీఆర్ తాను వాడే ప్రతిదీ బ్రాండ్‌గా ఉండేలా చూసుకుంటారు. అంతేకాదు అందరికంటే స్సెషాలిటీగా ఉండేలా చూసుకుంటారు. బ్రాండ్లకే బ్రాండ్‌ అంబాసిడర్‌గా నిలుస్తున్నారాయన.
ఆ మధ్య ఎన్టీఆర్ వాడే వాచ్‌ చర్చనీయాంశంగా మారింది. ఇటీవల ఆయన ధరించిన వాచ్‌ ముప్పై లక్షలకుపైనే ఉంటుందని టాక్‌ వినిపించింది. ఈ వార్త సామాజిక మాధ్యమాల్లో వైరల్‌ అయ్యింది.
ఇప్పుడు షూస్ కూడా వైరల్‌ అవుతున్నాయి. ఇటీవల విదేశాలకు హాలీడే టూర్‌కి వెళ్లొచ్చిన ఎన్టీఆర్ ఎయిర్‌పోర్ట్ లో కెమెరాలకు చిక్కారు. అయితే ఆ సందర్భంగా ఆయన ధరించిన షూస్ ప్రత్యేకంగా నిలిచాయి. ఇవి అంతర్జాతీయంగా పాపులర్‌ అయిన హెర్మస్‌ కంపెనీకి చెందిన షూస్ అట.
అయితే దీని విలువ ఏకంగా డెబ్బై ఐదు వేలని తెలుస్తుంది. ఈ వార్త ప్రస్తుతం సోషల్‌ మీడియాలో తెగ వైరల్‌ అవుతుంది. దీంతో ఆ షూస్ కే కొత్త కళ రావడంతోపాటు, పాపులారిటీ వచ్చిందని అభిమానులు అనుకుంటున్నారు.
ఇదిలా ఉంటే ఎన్టీఆర్ వాడే కార్లు కూడా ప్రత్యేకంగా నిలుస్తాయి. ఆయన వద్ద రేంజ్‌ రోవర్‌, పోర్చే, బిఎస్‌డబ్ల్యూ కార్లున్నాయి. ఇవన్నీ ఒక్కోటి కోటికిపైనే ఉంటాయి. అయితే ఆయన తన కార్ల నెంబర్‌ ప్లేట్ల విషయంలో సెంటిమెంట్‌ని ఫాలో అవుతున్నారు. ఫోర్‌ నైన్స్ తో కూడిన నెంబర్‌ ప్లేట్‌ని వాడతారు. ఈ నెంబర్‌తో ఆయన కారుని ఈజీగా గుర్తు పట్టొచ్చు.
ఇక ఇటీవల ఎన్టీఆర్ తన కుమారులు క్రిస్మస్‌ వేడుకలో పాల్గొన్న స్టిల్స్ హల్‌చల్‌ చేశాయి. ఇద్దరు క్యూట్‌గా ఆకట్టుకున్నారు.
ప్రస్తుతం ఎన్టీఆర్ `ఆర్‌ ఆర్‌ ఆర్‌` చిత్రంలో నటిస్తున్నారు. ఇందులో ఆయన కొమురం భీమ్‌ పాత్రలో కనిపించనున్న విషయం తెలిసిందే. రాజమౌళి దర్శకత్వం వహిస్తున్నారు. రామ్‌చరణ్‌ మరో హీరోగా నటిస్తున్నారు.
దీంతోపాటు ఆయన త్రివిక్రమ్‌ దర్శకత్వంలో ఓ సినిమాకి గ్రీన్‌ సిగ్నల్‌ ఇచ్చిన విషయం తెలిసిందే. అది త్వరలో ప్రారంభం కానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
