ఎన్టీఆర్‌-నీల్‌ సినిమా పక్కా బ్లాక్‌ బస్టర్‌ ? ఎందుకో తెలుసా? ఇదే ప్రూఫ్‌.. ఫ్యాన్స్ కి ఇక పండగే

NTR-Neel: ఎన్టీఆర్‌, ప్రశాంత్‌ సినిమాకి సంబంధించి రెండు అదిరిపోయే అప్‌ డేట్స్ బయటకు వచ్చాయి. సినిమా స్టోరీ నేపథ్యం, ఎన్టీఆర్‌ పాత్రలకు సంబంధించిన క్రేజీ న్యూస్‌ లీక్‌ అయ్యింది.  

Ntr-Neel movie

NTR-Neel: ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో రూపొందుతున్న సినిమా గురువారం ప్రారంభమైన విషయం తెలిసిందే. రామోజీ ఫిల్మ్ సిటీలో వేసిన ప్రత్యేక సెట్‌లో షూటింగ్‌ చేస్తున్నారు. దాదాపు వెయ్యి రెండు వేల మంది జూ ఆర్టిస్ట్ లపై కీలక సన్నివేశాలు చిత్రీకరించారు. దీనికి సంబంధించిన ఫోటోని పంచుకుంది టీమ్‌. దర్శకుడు ప్రశాంత్‌ వర్మ టీమ్‌కి ఆదేశాలు ఇస్తుండగా, దూరంలో రోడ్డుపై అల్లర్లు జరుగుతున్నట్టుగా ఉంది. 

సైకిళ్లు పడిపోయాయి. పోలీస్‌ వాహనం ఉంది. కొందరు ఫ్లకార్డులతో కనిపించారు. ధర్నా, ర్యాలీ లాంటి సన్నివేశాలు చిత్రీకరిస్తున్నట్టు తెలుస్తుంది. దీని బట్టి సినిమాలో పొలిటికల్‌ టచ్‌ ఉంటుందని అర్థమవుతుంది. అయితే ఇందులో ఎన్టీఆర్‌ లేడు. ఆయనపై షూటింగ్‌ వచ్చే నెలలో ఉంటుందని తెలుస్తుంది. ఈ నేపథ్యంలో ఈ మూవీకి సంబంధించిన ఇంట్రెస్టింగ్‌ స్టోరీ బయటకు వచ్చింది. మూవీ బ్యాక్‌ డ్రాప్‌ లీక్‌ అయ్యింది. 

junior ntr and prashanth neel movie

ఎన్టీఆర్‌-ప్రశాంత్‌ నీల్‌ మూవీ బెంగాల్‌ బ్యాక్‌ డ్రాప్‌లో సాగుతుందని తెలుస్తుంది. అంతేకాదు పీరియడ్‌ మూవీ అట. 1960 నేపథ్యంలో కథ నడుస్తుందని తెలుస్తుంది. నక్సల్స్ ఆవిర్భవానికి ముందు బెంగాల్‌ రాజకీయాలను ప్రతిబింబించేలా సినిమా సాగుతుందని అర్థమవుతుంది.

భారీ యాక్షన్‌ మూవీగా దీన్ని తెరకెక్కిస్తున్నారు దర్శకుడు ప్రశాంత్‌ నీల్. ఎన్టీఆర్‌ అంటే మాస్‌, యాక్షన్‌కి కేరాఫ్‌. కానీ పూర్తి స్థాయి యాక్షన్‌ మూవీ పడలేదు. అలాంటి సినిమా పడితే ఎలా ఉంటుందో ఇప్పుడు ఈ మూవీ ద్వారా చూపించబోతున్నారు నీల్‌. 

ntr-prashanth neel

ఇదిలా ఉంటే ఈ మూవీ హిట్‌ పక్కా అనే వాదన తెరపైకి వచ్చింది. సెంటిమెంట్‌ ప్రకారం ఈ మూవీ హిట్‌ గ్యారంటీ అంటున్నారు. తారక్‌ ఫ్యాన్స్ రిలాక్స్ అవుతుంది. గత చరిత్రని ముందు వేసుకుని బ్లాక బస్టర్‌ లోడింగ్‌ అంటున్నారు. మరి హిట్‌ కి కారణమేంటి? ఆ సెంటిమెంట్‌ ఏంటి? అనేది చూస్తే,

ఈ సినిమా బెంగాల్‌ బ్యాక్‌ డ్రాప్‌ సాగే కథ. కోల్‌ కత్తా నేపథ్యంలో వచ్చిన తెలుగు సినిమాలన్నీ విజయం సాధించాయి. చిరంజీవి `చూడాలని ఉంది`, వెంకటేష్‌ `లక్ష్మి`, రవితేజ `పవర్‌`, రామ్‌ చరణ్‌ `నాయక్‌` మూవీస్‌ అన్నీ విజయాలు సాధించాయి.

ఈ నేపథ్యంలో ఇప్పుడు అదే సెంటిమెంట్‌ రిపీట్‌ అవుతుందని, తారక్‌ ఫ్యాన్స్ అంటున్నారు.మరి నిజంగానే అది సాధ్యమవుతుందా? ఆ సెంటిమెంట్‌ పనిచేస్తుంద? అనేది చూడాలి. ఎందుకంటే ఇటీవల వచ్చిన `భోళా శంకర్‌`, `పడి పడి లేచే మనసు` చిత్రాలు కూడా కోల్‌ కత్తా బ్యాక్‌ డ్రాప్‌లోనే వచ్చాయి. కానీ డిజాస్టర్‌ అయ్యాయి. 

ఎన్టీఆర్‌, ప్రశాంత్‌ నీల్‌ మూవీకి సంబంధించి మరో ఇంట్రెస్టింగ్‌ రూమర్‌ వినిపిస్తుంది. ఇందులో తారక్‌ ద్విపాత్రాభినయం చేయబోతున్నట్టు సమాచారం. ఇందులో నిజం ఎంతా అనేదిచూడాలి. ఇటీవల తారక్‌ `దేవర` చిత్రంతో ఆడియెన్స్ ముందుకు వచ్చాడు.

ఈ మూవీలో కూడా ఆయన ద్విపాత్రాభినయం చేశారు. హిట్‌ అందుకున్నారు. కొరటాల శివ దర్శకత్వం వహించిన ఈ మూవీలో జాన్వీ కపూర్‌ హీరోయిన్‌గా నటించింది. దీనికి రెండో పార్ట్ `దేవర 2` రావాల్సి ఉంది. ఇటీవలే బాలీవుడ్‌లో `వార్‌ 2` షూటింగ్‌ కంప్లీట్‌ చేసుకున్నారు ఎన్టీఆర్‌.