ఎన్టీఆర్ కట్టాల్సిన ఫైన్ చెల్లించిన వీరాభిమాని... రిటర్న్ గిఫ్ట్ గా ఏమి అడిగాడో తెలిస్తే షాకే!
స్టార్ హీరోల అభిమానుల ఆలోచనలు అంచనా వేయడం కష్టమే. ఒక్కొక్కరు ఒక్కో రీతిలో తమ అభిమానం చాటుకుంటూ ఉంటారు. కొందరు వీరాభిమానుల ఆలోచనల చేష్టలు ఒకింత వింత గొలపడమే కాకుండా... ప్రత్యేకంగా నిలుస్తాయి. తాజాగా యంగ్ టైగర్ ఎన్టీఆర్ ఫ్యాన్ చేసిన పని టాక్ ఆఫ్ ది ఇండస్ట్రీ అయ్యింది.
ఎన్టీఆర్ కి ఒక ఉపకారం చేసిన సదరు అభిమాని ఆయన నుండి రిటర్న్ గిఫ్ట్ అడిగారు. ఇంతకీ ఎన్టీఆర్ కి అభిమాని చేసిన సాయం ఏమిటీ? అడిగిన రిటర్న్ గిఫ్ట్ ఏమిటంటే...?
ఎన్టీఆర్ కి ట్రాఫిక్ పోలీసులు ఫైన్ వేశారు. నెహ్రూ ఔటర్ రింగ్ రోడ్ లో పరిమితికి మించి ఎన్టీఆర్ కారు వేగంగా డ్రైవ్ చేసిన కారణంగా ఆయనకు రూ. 1035 ఫైన్ వేయడం జరిగింది. ఈ ఫైన్ ఎన్టీఆర్ చెల్లించలేదు.
ఈ విషయం తెలుసుకున్న ఓ అభిమాని ఎన్టీఆర్ చెల్లించాల్సిన ఫైన్ తాను స్వయంగా చెల్లించాడు. తాను చెల్లించిన మొత్తానికి రిటర్న్ గా ఆర్ ఆర్ ఆర్ మూవీ టికెట్స్ కావాలని సదరు అభిమాని సోషల్ మీడియా ద్వారా ఎన్టీఆర్ కి విన్నవించాడు.
అది కూడా తనకు దగ్గరగా ఉండే మల్లికార్జున థియేటర్, భ్రమరాంబ థియేటర్స్ లో టికెట్స్ ఇప్పించాలని కోరుకున్నాడు. ఎన్టీఆర్ సోషల్ మీడియా మెస్సేజ్ ప్రస్తుతం వైరల్ అవుతుంది.
ఆ అభిమాని ఎవరనే ఆత్రుత అందరిలో మొదలైంది. మరి ఎన్టీఆర్ తన అభిమాని కోరికను మన్నిస్తాడా లేదా అనే ఆసక్తి నెలకొంది.
ఆర్ ఆర్ ఆర్ షూటింగ్ చివరి దశకు చేరుకోగా.. విడుదలకు ఇంకా నెలల సమయం పడుతుంది. క్లైమాక్స్ చిత్రీకరణ జరుపుతున్నట్లు ఇటీవల సోషల్ మీడియా ఆర్ ఆర్ ఆర్ టీం తెలియజేశారు.
దర్శకు ధీరుడు రాజమౌళి తెరకెక్కిస్తున్న ఆర్ ఆర్ ఆర్ లో ఎన్టీఆర్ కొమరం భీమ్ గా నటిస్తుండగా... చరణ్ అల్లూరి సీతారామ రాజు పాత్ర చేస్తున్నారు. పాన్ ఇండియా మూవీగా పలు భాషలలో ఆర్ ఆర్ ఆర్ విడుదల కానుంది.