అల్లు అర్జున్ కి షాక్ ఇచ్చిన కొడుకు అయాన్, ఇష్టమైన హీరో మీరు కాదు ఆయనంటూ ఓపెన్ కామెంట్స్!

అల్లు అర్జున్ టాలీవుడ్ స్టార్స్ లో ఒకరు. పాన్ ఇండియా ఇమేజ్ తెచ్చుకున్నాడు. నాన్ రాజమౌళి మూవీతో నార్త్ లో సత్తా చాటిన హీరో అంటూ ఫ్యాన్స్ గొప్పగా చెప్పుకుంటారు. పుష్ప మూవీ అల్లు అర్జున్ ఇమేజ్ ఎల్లలు దాటించింది. ఆ మూవీతో బాక్సాఫీస్ ని అల్లు అర్జున్ దున్నేశాడు. 

2021లో విడుదలైన పుష్ప మూవీ వరల్డ్ వైడ్ రూ. 350 కోట్లకు పైగా గ్రాస్ రాబట్టింది. ఇది అల్లు అర్జున్ కెరీర్ హైయెస్ట్. అప్పట్లో ఏపీలో టికెట్స్ ధరలు తక్కువగా ఉన్నాయి. లేకుంటే పుష్ప కలెక్షన్స్ ఫిగర్ ఇంకా మెరుగ్గా ఉండేది. పుష్ప హిందీ వెర్షన్ కి పెద్దగా ప్రచారం దక్కలేదు. ఈ కారణంగా ఓపెనింగ్స్ రాలేదు. ఫస్ట్ డే కేవలం రూ. 3 కోట్లు వసూలు చేసిన పుష్ప మూవీ.. పాజిటివ్ టాక్ తో పుంజుకుని రూ. 100 కోట్ల మ్యాజిక్ ఫిగర్ ని చేరుకుంది. 

పుష్ప సక్సెస్ నేపథ్యంలో పుష్ప 2 కోసం ఇండియా వైడ్ మూవీ లవర్స్ ఎదురు చూస్తున్నారు. ఈ మూవీకి ఉన్న డిమాండ్ ఏమిటో ప్రీ రిలీజ్ బిజినెస్ పరిశీలిస్తే అర్థం అవుతుంది. థియేట్రికల్, నాన్ థియేట్రికల్ హక్కులను నిర్మాతలు రూ. 1000 కోట్లకు అమ్మారు. మూవీ ఫలితంతో సంబంధం లేకుండా లాభాలు ఆర్జించారు. ప్రాఫిట్ లో షేర్ రెమ్యూనరేషన్ గా అడిగిన అల్లు అర్జున్ కి పుష్ప 2 ద్వారా రూ. 300 కోట్లు అందాయనే టాక్ ఉంది. 
 

వీటన్నింటికీ మించి అల్లు అర్జున్ కి పుష్ప మూవీ జాతీయ ఉత్తమ నటుడు అవార్డు తెచ్చిపెట్టింది. తెలుగు సినిమా చరిత్రలో ఇంత వరకు ఎవరూ జాతీయ ఉత్తమ నటుడు అవార్డు అందుకోలేదు. ఆ ఘనత సాధించిన మొదటి హీరోగా అల్లు అర్జున్ రికార్డులకు ఎక్కాడు. గతంలో అల్లు అర్జున్ కి తెలుగు రాష్ట్రాలతో పాటు కేరళలో ఫాలోయింగ్ ఉండేది. పుష్ప మూవీతో నార్త్ లో జెండా పాతాడు. 

అల్లు అర్జున్ అంటే ఫ్యాన్స్ చొక్కాలు చించుకుంటున్నారు. అయితే ఆయన కొడుకు అల్లు అయాన్ ఫేవరేట్ హీరో మాత్రం అల్లు అర్జున్ కాదట. ఇది ఒకింత షాకిచ్చే పరిణామమే. ఈ విషయాన్ని అల్లు అయాన్ ఓ షోలో స్వయంగా చెప్పాడట. ఈ మేరకు ఓ న్యూస్ సోషల్ మీడియాలో వైరల్ అవుతుంది.  
 

ఇటీవల అన్ స్టాపబుల్ సీజన్ 4 ఆహా లో మొదలైంది. మొదటి గెస్ట్ గా ఏపీ సీఎం చంద్రబాబు నాయుడు వచ్చాడు. అలాగే దుల్కర్ సల్మాన్ సైతం హాజరయ్యాడు. అల్లు అర్జున్ కూడా వచ్చారట. బాలకృష్ణ-అల్లు అర్జున్ ల ఎపిసోడ్ షూటింగ్ పూర్తి అయ్యిందట. అల్లు అర్జున్ తో అల్లు అయాన్ కూడా జాయిన్ అయ్యాడట. అల్లు అయాన్ ని బాలకృష్ణ నీకు ఇష్టమైన హీరో ఎవరని అడిగాడట.
 

అందుకు సమాధానంగా అల్లు అయాన్... నాకు ప్రభాస్ అంటే చాలా ఇష్టం. ఆయన నా ఫేవరేట్ హీరో అని చెప్పాడట. ప్రభాస్ యాక్షన్ అదరగొడతాడు. అందుకే ఆయన అంటే నాకు ఇష్టం అన్నాడట. అల్లు అయాన్ కామెంట్స్ కి అల్లు అర్జున్ ఖంగు తిన్నాడట. తండ్రి అంత బడా స్టార్ కాగా.. అల్లు అయాన్ మాత్రం మరొక నటుడు పేరు చెప్పడం సంచలనంగా మారింది. 

తొమ్మిదో వారం బిగ్ బాస్ హౌజ్ నుంచి ఎగ్జిట్ అయ్యేది ఎవరు?

అల్లు అర్జున్ దీన్ని స్పోర్టివ్ గా తీసుకుంటారు. అయితే ఫ్యాన్స్ తోనే గొడవ. తరచుగా ప్రభాస్-అల్లు అర్జున్ ఫ్యాన్స్ సోషల్ మీడియాలో కొట్టుకుంటారు. ఈ క్రమంలో అల్లు అయాన్ కామెంట్స్ ఆధారంగా అల్లు అర్జున్ ఫ్యాన్స్ ని ప్రభాస్ ఫ్యాన్స్ ట్రోల్ చేసే అవకాశం లేకపోలేదు.