మోక్షజ్ఞకి ఆప్యాయంగా హగ్ ఇచ్చిన ఎన్టీఆర్.. బాలయ్యపై రూమర్లు వస్తున్నా పండగ చేసుకుంటున్న నందమూరి ఫ్యాన్స్

కొన్ని రోజుల క్రితం నందమూరి ఫ్యామిలిలో పెళ్లి సందడి జరిగిన సంగతి తెలిసిందే. దివంగత హరికృష్ణ కుమార్తె సుహాసిని కుమారుడు హర్ష పెళ్లి వేడుకలో నందమూరి కుటుంబ సభ్యులంతా సందడి చేశారు.

కొన్ని రోజుల క్రితం నందమూరి ఫ్యామిలిలో పెళ్లి సందడి జరిగిన సంగతి తెలిసిందే. దివంగత హరికృష్ణ కుమార్తె సుహాసిని కుమారుడు హర్ష పెళ్లి వేడుకలో నందమూరి కుటుంబ సభ్యులంతా సందడి చేశారు. కళ్యాణ్ రామ్, జూ. ఎన్టీఆర్ ఇద్దరూ తమ సోదరి కొడుకు పెళ్లి కావడంతో అంతా దగ్గరుండి చూసుకున్నారు. 

ఆదివారం రోజు గచ్చిబౌలిలో అంగరంగ వైభవంగా జరిగిన వివాహ వేడుకలో నందమూరి కుటుంబ సభ్యులంతా పాల్గొన్నారు. వివాహ వేడుకకి సినీ రాజకీయ ప్రముఖులు హాజరై వధూవరులని ఆశీర్వదించారు. ఈ పెళ్లి వేడుకలో నందమూరి బ్రదర్స్ ఎన్టీఆర్, కళ్యాణ్ రామ్, బాలయ్య కొడుకు నందమూరి మోక్షజ్ఞ ఒకే ఫ్రేములో కనిపించి అలరించారు. 

దీనితో బాలయ్య అభిమానులు, ఎన్టీఆర్ అభిమానులు సంబరాలు చేసుకున్నారు. వీరి సంబరాలు రెట్టింపు అయ్యే విధంగా మరో పిక్ వైరల్ గా మారింది. తమ్ముడు మోక్షజ్ఞకి ఎన్టీఆర్ ఆప్యాయంగా హగ్ ఇస్తున్న పిక్ ప్రస్తుతం నెట్టింట వైరల్ గా మారింది. 

ఈ పిక్ లో అన్న హగ్ ఇస్తునడంతో మోక్షజ్ఞ చిరునవ్వులు చిందిస్తూ కనిపిస్తున్నాడు. మోక్షజ్ఞ టాలీవుడ్ ఎంట్రీ గురించి చాలా కాలంగా రూమర్స్ వినిపిస్తూనే ఉన్నాయి. కానీ ఇంతవరకు మోక్షజ్ఞ తొలి చిత్రం వైపు అడుగులు పడనేలేదు. ఇలా మోక్షజ్ఞ పబ్లిక్ అప్పియరెన్స్ ఇస్తుండడంతో వెండితెర ఎంట్రీకి సిద్దమే అన్నట్లుగా సంకేతాలు అందుతున్నాయి. 

మరోవైపు ఈ పిక్ చూసి నందమూరి అభిమానుల్లో అనుమానాలన్నీ తొలగిపోయాయి అనే చెప్పాలి. చాలా కాలంగా నందమూరి ఫామిలీ ఎన్టీఆర్ ని దూరం పెడుతోంది అనే రూమర్స్ ఉన్నాయి. స్వర్గీయ ఎన్టీఆర్ శతజయంతి ఉత్సవాలకు జూ. ఎన్టీఆర్ కి ఆహ్వానం అందలేదు అనే ప్రచారం జరిగింది. తారకరత్న సంతాప కార్యక్రమంలో బాలయ్య ఎన్టీఆర్ ని పట్టించుకోలేదు అనే రూమర్స్ ఉన్నాయి. 

బాలయ్యకి, ఎన్టీఆర్ కి సరైన సఖ్యత ఉందా అనే అనుమానాలు ఉన్నాయి. ఈ రూమర్స్ మధ్య ఎన్టీఆర్, మోక్షజ్ఞ ఇద్దరూ అన్నదమ్ముల అనుబంధం ప్రదర్శించడంతో నందమూరి ఫ్యాన్స్ సంతోషానికి అవధులు లేకుండా పోయింది.