నటన ఒకవైపు మాత్రమే.. మరోవైపు..!

First Published Aug 12, 2019, 11:47 AM IST

ఒకప్పుడు కృష్ణ, విజయనిర్మల లాంటి నటులు నటించడంతో పాటు సినిమాకి సంబంధించిన చాలా క్రాఫ్ట్స్ లో తమ టాలెంట్ నిరూపించుకున్నారు.

ఒకప్పుడు కృష్ణ, విజయనిర్మల లాంటి నటులు నటించడంతో పాటు సినిమాకి సంబంధించిన చాలా క్రాఫ్ట్స్ లో తమ టాలెంట్ నిరూపించుకున్నారు. ఇప్పుడు ఉన్న జెనరేషన్ హీరోలు, హీరోయిన్స్, టెక్నీషియన్స్ లో కొందరు కేవలం ఒక పర్టిక్యులర్ డిపార్ట్మెంట్ కి పరిమితం కాకుండా మిగిలిన డిపార్ట్మెంట్స్ లో కూడా పని చేస్తూ మల్టీ టాలెంటెడ్ గా పేరు తెచ్చుకున్నారు.. వారెవరో ఇప్పుడు చూద్దాం!

రాజమౌళి - దర్శకధీరుడు రాజమౌళి తన సినిమాలను డైరెక్ట్ చేయడంతో పాటు యాక్షన్ సీన్స్ దగ్గరుండి కంపోజ్ చేసుకుంటూ ఉంటారు. తన తండ్రి విజయేంద్రప్రసాద్ డైరెక్ట్ చేసిన 'రాజన్న' సినిమాకి కూడా రాజమౌళి యాక్షన్ సీన్స్ డైరెక్ట్ చేయడం విశేషం.

కృష్ణవంశీ - కుటుంబకథా చిత్రాలను డైరెక్ట్ చేయడంలో కృష్ణవంశీ దిట్ట. తన సినిమాలను డైరెక్ట్ చేసుకోవడంతో పాటు ఎడిటింగ్ పనులు కూడా చూసుకుంటాడు. మహేష్ బాబు 'మురారి' సినిమాకి కృష్ణవంశీనే ఎడిటర్. దీంతో పాటు తమ సినిమాలలో పాటలకు కోరియోగ్రఫీ కూడా చేస్తుంటారు.

ప్రభుదేవా - కొరియోగ్రాఫర్ గా కెరీర్ మొదలుపెట్టిన ప్రభుదేవా ఆ తరువాత సినిమాకి సంబంధించి ఒక్కో డిపార్ట్మెంట్ లో పని చేస్తూ నటుడిగా, దర్శకుడిగా మరింత గుర్తింపు తెచ్చుకున్నాడు.

త్రివిక్రమ్ - సినిమాలను డైరెక్ట్ చేయడంతో పాటు కొన్ని సినిమాల్లో పాటలు కూడా రాశారు. ఒక రాజు ఒక రాణి సినిమాలు కొన్ని పాటలతో పాటు 'చింతకాయల రవి' సినిమాలో కూడా ఒక పాట రాశారు. ఇక 'చల్ మోహన రంగ' సినిమాతో నిర్మాతగా కూడా మారారు.

ఫహాద్ ఫాసిల్ - మలయాళంలో స్టార్ నటుడిగా గుర్తింపు తెచ్చుకున్న ఫహాద్ నిర్మాతగా మారి సినిమాలు కూడా తీస్తున్నాడు.

సముద్రఖని - తమిళ దర్శకుడు సముద్రఖని నటుడిగా కూడా చాలా సినిమాలు తీశాడు. డబ్బింగ్ సినిమాలతో తెలుగు ప్రేక్షకులకు సుపరిచితుడైన ఈ నటుడు ఇప్పుడు 'RRR' సినిమాలో నటిస్తున్నాడు.

ప్రకాష్ రాజ్ - సినిమాలో ఎలాంటి పాత్ర ఇచ్చినా ఒదిగిపోయి నటించే ప్రకాష్ రాజ్ నటనలో మాత్రమే కాదు.. దర్శకుడిగా, నిర్మాతగా కూడా సినిమాలు తీశారు.

కమల్ హాసన్ - నటించడంతో పాటు తన సినిమాలకు స్క్రిప్ట్ రాసుకోవడం, డైరెక్షన్ చేయడం, ప్రొడ్యూస్ చేయడం వంటివి చేస్తుంటారు.

రాహుల్ రవీంద్రన్ - మొదట హీరోగా సినిమాలు చేసిన రాహుల్ ఆ తరువాత దర్శకుడిగా మారాడు. 'చిలసౌ', 'మన్మథుడు 2' సినిమాలను రూపొందించాడు. అలా అని యాక్టింగ్ ని పూర్తిగా పక్కన పెట్టలేదు.

అడివి శేష్ - ప్రస్తుతం ఉన్న నటుల్లో మల్టీటాలెంటెడ్ పెర్సన్ అడివి శేష్. నటించడంతో పాటు తన సినిమాలకు రచయితగా పని చేస్తుంటాడు. అలానే స్క్రీన్ ప్లే రైటర్ గా కూడా వర్క్ చేస్తారు.

ఎన్టీఆర్ - నటుడిగా సినిమాలు చేస్తూనే అప్పుడప్పుడు తన సినిమాల్లో పాటలు పాడుతుంటాడు. గతంలో కన్నడలో పునీత్ రాజ్ కుమార్ నటించిన ఓ సినిమాలో తారక్ పాట పాడాడు.

దేవిశ్రీప్రసాద్ - ఈ రాక్ స్టార్ ట్యూన్స్ కంపోజ్ చేయడమే కాదు.. తను మ్యూజిక్ కంపోజ్ చేసే సినిమాల్లో సిట్యుయేషన్ నచ్చితే దానికి తగ్గట్లు లిరిక్స్ కూడా రాస్తుంటాడు.

ధనుష్ - నటుడిగా ఎన్నో అధ్బుతమైన రోల్స్ చేసిన ధనుష్ పాటలు రాయడంతో పాటు పాడుతుంటాడు. డైరెక్టర్ గా మారి 'పా పాండి' అనే సినిమాను కూడా డైరెక్ట్ చేశాడు.

రానా దగ్గుబాటి - హీరోగా, విలన్ గా సినిమాలు తీయడంతో పాటు 'సైనికుడు', 'లక్ష్మీ' వంటి సినిమాలకు విజువల్ ఎఫెక్ట్స్ చేశాడు. ఇక ఇప్పుడు కొన్ని సినిమాలకు విజువల్ ఎఫెక్ట్స్ సూపర్ వైజర్ గా, సురేష్ ప్రొడక్షన్స్ లో నిర్మాతగా చిన్న సినిమాలను ప్రోత్సహిస్తుంటాడు.