నెంబర్ వన్ పాన్ ఇండియా స్టార్ అతడే! సత్తా చాటిన మహేష్, ఎన్టీఆర్, మెగా హీరోలు చరణ్, బన్నీలకు షాక్!

ఆర్మాక్స్ మీడియా జూలై 2024 నాటికి భారతదేశంలో అత్యంత జనాదరణ పొందిన నటుల జాబితాను విడుదల చేసింది. ప్రభాస్ మొదటి స్థానంలో నిలిచారు, విజయ్ రెండవ స్థానంలో నిలిచారు. పూర్తి జాబితాను చూడండి!

ఆర్మాక్స్ మీడియా జూలై 2024 నాటికి భారతదేశంలో అత్యంత జనాదరణ పొందిన హీరోల జాబితాను విడుదల చేసింది. అనూహ్యంగా మహేష్ బాబు, ఎన్టీఆర్ మెరుగైన ర్యాంక్స్ రాబట్టారు. చరణ్,అల్లు అర్జున్ మాత్రం రేసులో వెనుకబడ్డారు. 

సాహో, రాధే శ్యామ్, ఆదిపురుష్ వంటి వరుస పరాజయాల తర్వాత ప్రభాస్ సలార్ చిత్రంతో  సక్సెస్ ట్రాక్ ఎక్కాడు. ఇక ప్రభాస్ నటించిన కల్కి 2898 AD చిత్రం బ్లాక్ బస్టర్ హిట్ అయింది. షారుఖ్ ఖాన్, సల్మాన్ ఖాన్‌లకు మించి దేశంలో అత్యంత జనాదరణ పొందిన నటుడిగా ప్రభాస్ నిలిచారు.

ప్రభాస్ ఇటీవల కల్కి 2898 AD చిత్రంలో నటించారు. జూన్‌ 27న విడుదలైన ఈ చిత్రం విమర్శకుల ప్రశంసలు అందుకుంది. బాక్సాఫీస్ వద్ద అద్భుతంగా రాణించింది. 1200 కోట్ల రూపాయలకు పైగా వసూళ్లు సాధించి రికార్డు సృష్టించింది.

నాగ్ అశ్విన్ దర్శకత్వం వహించిన ఈ చిత్రంలో ప్రభాస్, దీపికా పదుకొనె, అమితాబ్ బచ్చన్, కమల్ హాసన్ సహా పలువురు స్టార్ క్యాస్ట్ నటించారు. కల్కి చిత్రంలో ప్రభాస్ లుక్ జోకర్‌లా ఉందని బాలీవుడ్ నటుడు అర్షద్ వార్సీ విమర్శించారు.

ఈ వ్యాఖ్యలు సోషల్ మీడియాలో కలకలం రేపాయి. ప్రభాస్‌కు అనుకూలంగా అలాగే వ్యతిరేకంగా చాలా మంది సోషల్ మీడియాలో స్పందించారు. ఈ వివాదం కొనసాగుతుండగా...  ప్రభాస్ భారతదేశంలో అత్యంత జనాదరణ పొందిన నటుల జాబితాలో మొదటి స్థానంలో నిలవడం విశేషం. 

ఈ జాబితాలో కోలీవుడ్ స్టార్ విజయ్ రెండవ స్థానంలో నిలిచారు. విజయ్ చివరిగా లియో చిత్రంలో నటించారు. ఈ చిత్రానికి మిశ్రమ స్పందన వచ్చినప్పటికీ బాక్సాఫీస్ వద్ద మంచి వసూళ్లు సాధించింది. విజయ్ లేటెస్ట్ మూవీ గోట్ సెప్టెంబర్ 5న విడుదల కానుంది.

ఇక బాలీవుడ్ స్టార్ షారుఖ్ ఖాన్ మూడవ స్థానంలో ఉండగా, మహేష్ బాబు నాలుగో స్థానంలో, జూనియర్ ఎన్టీఆర్ ఐదో స్థానంలో ఉన్నారు. అక్షయ్ కుమార్ ఆరో స్థానంలో ఉండగా, అల్లు అర్జున్ ఏడో స్థానంలో, సల్మాన్ ఖాన్ ఎనిమిదో స్థానంలో ఉన్నారు. భారతదేశంలో అత్యంత జనాదరణ పొందిన టాప్ 10 హీరోల జాబితాలో రామ్ చరణ్ తొమ్మిదో స్థానంలో ఉండగా, అజిత్ కుమార్ పదో స్థానంలో ఉన్నారు. టాలీవుడ్ నుండి ప్రభాస్ తర్వాత మహేష్, ఎన్టీఆర్ సత్తా చాటారు. ఒకప్పుడు టాప్ 5లో ఉన్న బన్నీ కిందకు పడిపోయాడు.