మాల్దీవ్స్ లో తమన్నా ప్రియుడు... ఆ ఫోటోలు నువ్వే తీశావా? మిల్కీ బ్యూటీని ఆడేసుకుంటున్న నెటిజెన్స్!

స్టార్ లేడీ తమన్నా భాటియా ఇటీవల తన లవర్ ని కన్ఫర్మ్ చేసిన విషయం తెలిసిందే. నటుడు విజయ్ వర్మను ప్రేమిస్తున్నట్లు స్పష్టం చేసింది. ఏడాది కాలంగా విజయ్ వర్మతో తమన్నా ఎఫైర్ నడుపుతుందనే ఊహాగానాలు వినిపిస్తున్నాయి. ఈ రూమర్స్ ని విజయ్ వర్మ, తమన్నా కొట్టిపారేస్తూ వచ్చారు. 
 

ఎట్టకేలకు ఓపెన్ అయ్యారు. లస్ట్ స్టోరీస్ 2 సెట్స్ లో విజయ్ వర్మతో పరిచయమైంది. ఆ పరిచయం ప్రేమగా మారింది. విజయ్ వర్మ నాకు రక్షణగా ఉంటాడు. నన్ను కేరింగ్ గా చూసుకుంటాడనే నమ్మకం నాలో కలిగింది. అందుకే అతన్ని ఇష్టపడ్డాను అని తమన్నా వివరణ ఇచ్చారు. విజయ్ వర్మ కూడా తమన్నాను ప్రేమిస్తున్నట్లు వెల్లడించారు. 
 

ఓపెన్ అయ్యాక తరచుగా వీరిద్దరూ ముంబైలో చక్కర్లు కొడుతూ కనిపిస్తున్నారు. కాగా విజయ్ వర్మ మాల్దీవ్స్ వెళ్లారు. అక్కడ బీచ్ లో ఎంజాయ్ చేస్తున్న ఫోటోలు కొన్ని షేర్ చేశారు. మాల్దీవ్స్ లో ఉన్నట్లు కామెంట్ కూడా పోస్ట్ చేశాడు. దీంతో నెటిజెన్స్ ట్రోలింగ్ షురూ చేశారు. 
 

తమన్నా నైస్ క్లిక్స్ అని ఒకరు కామెంట్ చేశారు. అంటే విజయ్ వర్మను ఆ ఫోటోలు తీసింది తమన్నానే అనే అర్థంలో ఆ కామెంట్ చేశాడు. మరొకరు తమన్నా ఎక్కడ? ఆమెను కూడా తీసుకెళ్ళావా లేదా? అంటూ మరొకరు కామెంట్ చేశారు. ఇలా పలువురు విజయ్ వర్మ-తమన్నాలను ట్రోల్ చేస్తున్నారు. ఈ వెకేషన్ కి వారిద్దరూ జంటగా వెళ్లారని పలువురు నమ్ముతున్నారు. 
 

కాగా తమన్నా-విజయ్ వర్మ పెళ్ళికి సిద్ధం అవుతున్నారనే వార్తలు వస్తున్నాయి. వచ్చే ఏడాది ఫిబ్రవరిలో వివాహం జరగనుందట. ప్రస్తుతం చేస్తున్న ప్రాజెక్ట్స్ నుండి ఫ్రీ కాగానే పెళ్లి పీటలు ఎక్కుతారట. మరి చూడాలి ఈ పుకార్లలో ఈ మేరకు నిజం ఉందో. 
 

ప్రస్తుతం తమన్నా చేతిలో పెద్దగా ప్రాజెక్ట్స్ లేవు. ఆమె డిజిటల్ సిరీస్లు ఎక్కువగా చేస్తుంది. ఈ ఏడాది భోళా శంకర్, జైలర్ చిత్రాల్లో నటించింది. ఈ సినిమాల్లో ఆమె పాత్రకు ఏమాత్రం ప్రాధాన్యత లేదు. స్టార్ హీరోయిన్ గా తమన్నా రిటైర్ అయ్యారు. దీంతో కీలక రోల్స్ దక్కడం లేదు. 

లావణ్య త్రిపాఠినేనా.. పెళ్లి తర్వాత ఇలా అయ్యిందేంటబ్బా.! బాగా చూస్తే గానీ గుర్తుపట్టలేమే..