నా బట్టలు కొట్టేసింది, పబ్లిక్ లో యాంకర్ సుమ పరువు తీసిన చిరంజీవి... తెల్లముఖం వేసిన స్టార్ యాంకర్ 

స్టార్ యాంకర్ గా సుమ కనకాలది దశాబ్దాల ప్రస్థానం. ఏళ్లుగా ఆమె బుల్లితెరను ఏలుతున్నారు. సుమ మలయాళీ అమ్మాయి. తండ్రి  ఉద్యోగరీత్యా హైదరాబాద్ లో స్థిరపడ్డారు. నటి కావాలని ప్రయత్నాలు చేసి సక్సెస్ కాకపోవడంతో యాంకర్ గా మారి సక్సెస్ అయ్యింది. 

సుమ యాంకరింగ్ చాలా ప్రత్యేకంగా ఉంటుంది. నాలుగైదు భాషలు అనర్గళంగా మాట్లాడుతుంది. అలాగే సమయస్ఫూర్తి, సెన్సాఫ్ హ్యూమర్ ప్రేక్షకులను కట్టిపడేస్తుంది. సుమతో మాట్లాడాలంటే ఎదుటివారు భయపడతారు. ఎటు నుంచి పంచ్ వేస్తుందో అని కంగారు పడతారు. సుమ యాంకర్ గా ఉంటే స్టార్స్ సైతం కంగారు పడతారు. 

అలాంటి సుమకు చుక్కలు చూపించాడు చిరంజీవి. సోషల్ మీడియా స్టార్స్ ని అభినందిస్తూ హైదరాబాద్ లో ఒక కార్యక్రమం నిర్వహించారు. చిరంజీవి, విజయ్ దేవరకొండ వంటి స్టార్స్ ఈ ఈవెంట్ కి హాజరయ్యారు. విజయ్ దేవరకొండ ఆయన్ని ఇంటర్వ్యూ చేశాడు. చిరంజీవి తన నట ప్రస్థానం గురించి అనేక విషయాలు పంచుకున్నారు.. 

కాగా ఈ కార్యక్రమానికి సుమ యాంకర్ గా వ్యవహరించింది. ఈ క్రమంలో చిరంజీవి-సుమ మధ్య ఓ సరదా సంభాషణ చోటు చేసుకుంది. సుమను దగ్గరకు పిలిచిన చిరంజీవి... భార్య సురేఖకు కాల్ చేశాడు. నన్ను లంచ్ కి ఇంటికి పిలవడానికి కాబోలు అని సుమ అన్నారు. 

అయితే సుమకు ఝలక్ ఇస్తూ చిరంజీవి భార్య సురేఖతో... నా గ్రే కలర్ కోట్, బ్లాక్ ప్యాంటు పోయిందని బాధపడ్డావు కదా. అది దొరికింది. సుమ మన ఇంటికి ఎప్పుడు వచ్చిందో కానీ, చేతి వాటం చూపించింది. ఆ డ్రెస్ సుమ వద్దే ఉంది. తీసుకొచ్చేస్తా... కంగారు పడకు, అన్నాడు. దానికి సుమ మీరు ఇవ్వాలి, నేను వేసుకోవాలి అని అన్నారు. 
 

లేదు కాస్ట్లీ డ్రెస్ నా కష్టార్జితం అని చిరంజీవి అన్నారు. సుమ తన డ్రెస్ దొంగతనం చేసిందని చిరంజీవి వేదిక మీద చెప్పడంతో సుమ ముఖంలో రంగులు మారాయి. ఏం మాట్లాడాలో తెలియక సరే సార్ అంటూ పక్కకు వెళ్ళిపోయింది. సుమపై చిరంజీవి సరదాగా వేసిన పంచులు ఆడియన్స్ లో నవ్వులు పూయించాయి.