Namrata Shirodkar: పసిపాపై పోతున్న సూపర్ స్టార్ మహేష్ వైఫ్ నమ్రత... ఆమె వయసేంటి ఆ అందం ఏంటి!

వయసు పెరిగే కొద్దీ చిన్న పిల్లైపోతుంది నమ్రత శిరోద్కర్. ఐదు పదుల వయసు దాటినా కూడా ఆమె పాతికేళ్ల ప్రాయంలో ఉండిపోయారు.  

Namrata Shirodkar

నమ్రత శిరోద్కర్ తన లేటెస్ట్ ఫోటోలు ఇంస్టాగ్రామ్ లో షేర్ చేశారు. నమ్రత అందం చూసిన నెటిజెన్స్ మెస్మరైజ్ అవుతున్నారు. యాభై ఏళ్ల వయసులో ఇంత యవ్వనం ఇలా సాధ్యమన్న సందేహాలు వ్యక్తం చేస్తున్నారు. నమ్రత ఫోటోలు వైరల్ అవుతున్నాయి. 

మహేష్, నమ్రత టెన్నిస్ స్టార్ సానియా మీర్జా ఫెయిర్ వెల్ పార్టీకి హాజరయ్యారు. సానియా మీర్జా అంతర్జాతీయ టెన్నిస్ కి రిటైర్మెంట్ ప్రకటించారు. ఈ సందర్భంగా ప్రముఖను ఆహ్వానించి ఫెయిర్ వెల్ పార్టీ నిర్వహించారు. ఆమె తన చివరి మ్యాచ్ లాల్ బహదూర్ స్టేడియంలో ఆడారు. ఆ ఫంక్షన్ కి హాజరైన నమ్రత ఫోటోలు దిగి ఇంస్టాగ్రామ్ లో పెట్టారు. 

మహేష్ దంపతులతో పాటు మ్యూజిక్ లెజెండ్ ఏ ఆర్ రెహమాన్ సైతం హాజరయ్యారు. మహేష్, ఏ ఆర్ రెహమాన్ కలిసి ఫోటోలు దిగారు. ఇక మహేష్-నమ్రత టాలీవుడ్ క్రేజీ కపుల్ గా ఉన్నారు. భార్యాభర్తలు ఎలా ఉండాలో చెప్పాలంటే  సింపుల్ గా మహేష్-నమ్రతలను చూపిస్తే సరిపోతుంది. అంత గొప్ప అన్యోన్య దాంపత్యం వారిది. 18 ఏళ్ల వైవాహిక జీవితంలో వీరు గొడవపడ్డారన్న వార్త వినలేదు. 

ముంబైలో పుట్టిన పెరిగిన ఒక అల్ట్రా మోడ్రన్ హీరోయిన్ తెలుగింటి కోడలు కావడం, ఇక్కడి పద్ధతులకు అనుగుణంగా నడుచుకోవడం గొప్ప విషయం. మహేష్ కోసం కెరీర్ వదిలేసిన నమ్రత పరిపూర్ణమైన గృహిణి అవతారం ఎత్తింది. పెద్ద వారిని గౌరవించడం నుండి ధరించే బట్టల వరకు చాలా సాంప్రదాయంగా నమ్రత ఉంటారు. 

ఇద్దరు పిల్లలకు జన్మనిచ్చిన నమ్రత వాళ్ళ ఆలనా పాలనా చూసుకున్నారు. ప్రేమగా పెంచి పెద్ద చేశారు. పిల్లలు పెద్దవాళ్ళయ్యాక మహేష్ కెరీర్ పై ఆమె ఫోకస్ పెట్టారు. మహేష్ కి మద్దతుగా నిలుస్తూ ఆయన మేనేజర్ గా వ్యవహరిస్తున్నారు. 

మహేష్ ఎండార్స్మెంట్, వ్యాపారాలు, సినిమా డేట్స్ నమ్రతనే చూసుకుంటారు. అదే సమయంలో మహేష్ భార్య నమ్రతకు చాలా గౌరవం ఇస్తారు. కుటుంబం కోసం సమయం కేటాయిస్తారు. మహేష్ కి సినిమా తర్వాత కుటుంబమే ప్రపంచం. ఏమాత్రం విరామం దొరికినా భార్యాపిల్లలలో ఫారిన్ ట్రిప్ కి చెక్కేస్తారు. 

మహేష్ ప్రతి కొత్త సినిమా షూటింగ్ స్టార్ట్ కాబోయే ముందు, ఆ చిత్రం విడుదలయ్యాక ట్రిప్ కి వెళతారు. ఇది ఆయన ఒక అలవాటుగా, సెంటిమెంట్ గా పెట్టుకున్నారు. నెలల తరబడి సాగిన షూటింగ్ లో పడ్డ కష్టమంతా వెకేషన్ లో మర్చిపోతాడు.వంశీ సినిమా షూటింగ్ లో నమ్రత-మహేష్ మధ్య ప్రేమ చిగురించింది. దాదాపు ఐదేళ్లు వీరి మధ్య రహస్య ప్రేమాయణం సాగింది. 2005 ఫిబ్రవరి 10న మహేష్-నమ్రతల వివాహం చాలా నిరాడంబరంగా జరిగింది. ఒక విధంగా చెప్పాలంటే దీన్ని రహస్య వివాహం అనొచ్చు. మహేష్ కంటే వయసులో నమ్రత పెద్దది కావడం విశేషం.