రాజ్ తరుణ్ ఛస్తే విధవను అవుతా,అబార్షన్ అందుకే... డబ్బులు ఇస్తా వదిలేయ్ అన్నాడు... లావణ్య బయటపెట్టిన రహస్యాలు!

లావణ్య-రాజ్ తరుణ్ వివాదం రోజుకో మలుపు తిరుగుతుంది. ఏది ఏమైనా రాజ్ తరుణ్ ని వదిలేది లేదని లావణ్య శబధం చేస్తుంది. ఓ మీడియా ఛానల్ తో మాట్లాడిన లావణ్య కీలక విషయాలు భయపెట్టింది. 

అబార్షన్ ఎలా అయ్యింది?

రాజ్ తరుణ్ తనకు అబార్షన్ చేయించాడని లావణ్య నార్సింగ్ పోలీస్ స్టేషన్ లో చేసిన సెకండ్ కంప్లైంట్ లో పొందుపరిచింది. అబార్షన్ లీగలా లేక ఇల్లీగలా అని మీడియా ప్రతినిధి అడిగారు. లీగల్ గానే అయ్యింది. అది అబార్షన్ కాదు మిస్ క్యారేజ్, అని లావణ్య అన్నారు. మరోవైపు రాజ్ తరుణ్ ఆమెతో శారీరక సంబంధం లేదని అంటున్నారు. 
 

డబ్బుల కోసం బ్లాక్ మెయిల్ చేస్తున్నావా? 

లావణ్య డబ్బుల కోసం రాజ్ తరుణ్ ని బ్లాక్ మెయిల్ చేస్తుంది. అందుకే వివాదం రాజేస్తోంది.  అతని రెప్యుటేషన్ దెబ్బ తీస్తుందనే వాదనలు వినిపిస్తున్న నేపథ్యంలో.. ఆమె వివరణ ఇచ్చారు. రాజ్ తరుణ్ నాకు ఇల్లు రాసిస్తాను అన్నాడు. అలాగే ప్రతి నెలా మెయింటెనెన్స్ ఇస్తాను, నన్ను వదిలేయ్ అన్నాడు. ప్రస్తుతం నా చేతిలో చిల్లిగవ్వ లేదు. నా కుక్క పిల్లకు కూడా ఫుడ్ పెట్టలేని స్థితిలో నేను పోరాటం చేస్తున్నాను. 

డబ్బులు కేవలం రాజ్ తరుణ్ దగ్గరే ఉన్నాయా? చాలా మంది దగ్గర ఉన్నాయి. నాకు పరిహారం అవసరం లేదు. రాజ్ తరుణ్ మాత్రమే కావాలి. రాజ్ తరుణ్ ని దక్కించుకునేందుకు నేను ఎంత వరకైనా వెళతాను, అన్నారు.

రాజ్ తరుణ్ కి మాల్వి మల్హోత్రా తో ఎఫైర్?

రాజ్ తరుణ్ తో నాది పదేళ్లకు పైగా రిలేషన్. అతడు హీరో కాకముందు నుండి తెలుసు. మాల్వి మల్హోత్రా పరిచయం అయ్యాకే చెడ్డదాన్ని అయ్యానా?. వీరిద్దరి మధ్య ఎఫైర్ ఉంది. అది మీరు తెలుసుకోవాలి. వారిద్దరూ హోటల్ గదిలో ఎందుకు కలిసి ఉన్నారు. షూటింగ్ కోసం కాకుండా హోటల్ రూమ్ లో వారు ఏం చేస్తున్నారు? అని లావణ్య ప్రశ్నించారు. 

డ్రగ్స్ అలవాటు రాజ్ తరుణ్ కి ఉందా?

జంటగా బ్రతుకుతున్నప్పుడు ఒకరికి మాత్రమే డ్రగ్స్ అలవాటు ఉంటుందా? రాజ్ తరుణ్ కి ఉండదా?. నేను అబద్దాలు చెప్పను. రాజ్ తరుణ్ డ్రగ్స్ తీసుకోడు. నాకు కూడా అలవాటు లేదు. నువ్వు నన్ను వదిలేయ్ అని చెబితే వదిలేసేదాన్ని. కానీ మరొక అమ్మాయి కోసం నన్ను తప్పుగా చిత్రీకరించాడు. అందుకు నేను ఒప్పుకోను, అని లావణ్య ఆవేశం వ్యక్తం చేశారు. 

సాయితో మీకు అక్రమ సంబంధం ఉందా?

లావణ్య కు సాయి అనే మరో అబ్బాయితో అక్రమ సంబంధం ఉంది. గతంలో అతని మీద కేసు కూడా పెట్టిందని రాజ్ తరుణ్ ఆరోపించారు. దీనికి లావణ్య స్పష్టత ఇచ్చారు. డ్రగ్స్ కేసులో సాయి A 9 అయితే నేను A 11. ఇద్దరం కలిసి కేసును ఎదుర్కొందాము. కలిసి పోరాడదామని అనుకున్నాము. అంతకు మించి మా మధ్య ఎలాంటి సంబంధం లేదని, ఆరోపణలు ఖండించారు. 

మాల్వి మల్హోత్రా మీపై పెట్టిన కేసు ఏంటి?

మాల్వి మల్హోత్రా ఫిల్మ్ నగర్ పోలీస్ స్టేషన్ లో లావణ్య మీద కేసు పెట్టిన సంగతి తెలిసిందే. ఆ కేసుకు సంబంధించిన వివరాలు లావణ్యను అడగ్గా... మాల్వి మల్హోత్రా బ్రదర్ కి నేను పంపిన సందేశాలు, చేసిన ఫోన్ కాల్స్ కి సంబంధించిన కేసు అదని అన్నారు. 

ఫైనల్ గా నాకు రాజ్ తరుణ్ కావాలి. అతన్ని నేను వదులుకోను. మాల్వి మల్హోత్రా కారణంగానే రాజ్ తరుణ్ నాకు దూరమయ్యాడు. రాజ్ తరుణ్ కోసం నేను ఎంతవారైనా వెళతాను. పోలీసులకు ఆధారాలు సమర్పించాను అన్నారు. ఇక రాజ్ తరుణ్ ఈ కేసును లీగల్ గా ఎదుర్కొంటానని అంటున్నారు.