బెజవాడలో మెరిసిన 'జాతి రత్నాలు'

First Published Mar 5, 2021, 2:22 PM IST

ఏజెంట్ సాయి శ్రీనివాస ఆత్రేయ చిత్రంతో భారీ హిట్ కొట్టాడు యువ హీరో నవీన్ పోలిశెట్టి. కామెడీ అండ్ క్రైమ్ థ్రిల్లర్ గా తెరకెక్కిన ఆ చిత్రం ప్రేక్షకులకు తెగ నచ్చేసింది. ఈసారి పూర్తి స్థాయిలో ప్రేక్షకులను నవ్వించేందుకు జాతి రత్నాలు మూవీతో మన ముందుకు రాబోతున్నాడు.

నవీన్ పోలిశెట్టి, రాహుల్ రామకృష్ణ మరియు ప్రియదర్శి ప్రధాన పాత్రల్లో తెరకెక్కింది జాతి రత్నాలు. మహానటి చిత్రాన్ని నిర్మించిన స్వప్న సినిమా బ్యానర్ లో దర్శకుడు నాగ్ అశ్విన్ నిర్మిస్తున్నారు.

ఫరీదా అబ్దుల్లా హీరోయిన్ గా నటించిన ఈ చిత్రానికి అనుదీప్ కేవీ దర్శకత్వం వహించారు. ఈ చిత్ర ట్రైలర్ ని రెబల్ స్టార్ ప్రభాస్ విడుదల చేశారు.

జాతి రత్నాలు ట్రైలర్ అవుట్ అండ్ అవుట్ కామెడీతో సాగింది. ట్రైలర్ విడుదల తరువాత సినిమాపై అంచనాలు మరింతగా పెరిగిపోయాయి.

ఇక మార్చ్ 11న శివరాత్రి కానుకగా జాతి రత్నాలు విడుదల కానుంది. ఈ నేపథ్యంలో చిత్ర యూనిట్ ప్రమోషన్స్ జోరు పెంచారు.

నేడు జాతి రత్నాలు టీమ్.. విజయవాడ రావడం జరిగింది. ముందుగా కనక దుర్గమ్మ అమ్మవారిని చిత్ర యూనిట్ దర్శనం చేసుకున్నారు.

అనంతరం నోవాటెల్ హోటల్ నందు ఏర్పాటు చేసిన పాత్రికేయుల సమావేశంలో పాల్గొన్నారు.

హీరో నవీన్ పోలిశెట్టి, ప్రియదర్శి, హీరోయిన్ ఫరీదా అబ్దుల్లా పాత్రికేయులతో ముచ్చటించారు.

జాతి రత్నాలు మూవీ గురించి అనేక విషయాలు పంచుకున్నారు. జాతి రత్నాలు ప్రేక్షకులకు ఫుల్ ఎంటర్టైన్మెంట్ ఇస్తుందని, ప్రేక్షకులు ఆదరించాలని కోరుకున్నారు.జాతి రత్నాలు విజయంపై ఆశాభావం వ్యక్తం చేశారు.