అందాల `నిధి` .. హద్దులు చెరిపేస్తోంది..!

First Published Apr 11, 2020, 4:07 PM IST

బాలీవుడ్ సినిమాతో సిల్వర్‌ స్క్రీన్‌ ఎంట్రీ ఇచ్చిన హైదరాబాదీ బ్యూటీ నిధి అగర్వాల్. 2017లో రిలీజ్‌ అయిన హిందీ సినిమా మున్నా మైఖేల్‌తో వెండితెరకు పరిచయం అయిన నిధి, నాగచైతన్య హీరోగా తెరకెక్కిన సవ్యసాఛి సినిమాతో టాలీవుడ్‌ కు పరిచయం అయ్యింది. ఆ సినిమా ఆశించిన స్థాయిలో సక్సెస్‌ కాలేదు. ఆ తరువాత అఖిల్ కు జోడిగా చేసిన మిస్టర్ మజ్ను కూడా ఫ్లాప్‌ అయ్యింది. అయితే మూడో ప్రయత్నంగా చేసిన ఇస్మార్ట్ శంకర్‌ ఈ అమ్మడి కెరీర్‌ ను మార్చేసింది. ఈ సినిమా సూపర్‌ హిట్ కావటంతో నిధికి ఆఫర్లు క్యూ కట్టాయి. ప్రస్తుతం ఈ భామ చేతిలో మూడు సినిమాలు ఉన్నాయి. తెలుగుతో పాటు తమిళ, కన్నడ సినిమాల్లోనూ నటిస్తోంది. తెర మీద గ్లామర్‌ను ఒలకబోసే నిధి అగర్వాల్, సోషల్ మీడియాలో ఆ హద్దులను మరింతగా చెరిపేస్తుంది.