పాపం పూజా హెగ్డే.. గోల్డెన్ ఛాన్స్ మిస్, 'సీతా రామం'లో నటించి ఉంటే రాధే శ్యామ్ భారమంతా పోయేది

హను రాఘవపూడి దర్శకత్వంలో దుల్కర్ సల్మాన్ నటించిన స్ట్రైట్ తెలుగు చిత్రం సీతా రామం. మృణాల్ ఠాకూర్ హీరోయిన్ గా నటించింది. శుక్రవారం ప్రేక్షకుల ముందుకు వచ్చిన ఈ చిత్రం ప్రేక్షకుల నుంచి, క్రిటిక్స్ నుంచి అద్భుతమైన రెస్పాన్స్ అందుకుంటోంది. 

మలయాళీ క్రేజీ హీరో దుల్కర్ సల్మాన్ నెమ్మదిగా తెలుగు ప్రేక్షకుల హృదయాలు గెలుచుకుంటున్నాడు. మహానటి చిత్రంలో దుల్కర్ సల్మాన్ తన నటనని తెలుగు ప్రేక్షకులకు రుచి చూపించాడు. ఆ తర్వాత దుల్కర్ నటించిన చిత్రాలు తెలుగులో కూడా డబ్ అవుతూ వచ్చాయి. కానీ సాలిడ్ మూవీ పడడం లేదు అనే ఫీలింగ్ ఉంది. ఆ కోరిక సీతా రామంతో నెరవేరింది అనే చెప్పొచ్చు. 

హను రాఘవపూడి దర్శకత్వంలో దుల్కర్ సల్మాన్ నటించిన స్ట్రైట్ తెలుగు చిత్రం ఇది. మృణాల్ ఠాకూర్ హీరోయిన్ గా నటించింది. శుక్రవారం ప్రేక్షకుల ముందుకు వచ్చిన ఈ చిత్రం ప్రేక్షకుల నుంచి, క్రిటిక్స్ నుంచి అద్భుతమైన రెస్పాన్స్ అందుకుంటోంది. దుల్కర్, మృణాల్ ప్రేమ కథకి ప్రేక్షకులు ఎమోషనల్ గా కనెక్ట్ అవుతున్నారు. 

మృణాల్ ఠాకూర్ నటించిన తొలి తెలుగు చిత్రం ఇదే. ప్రిన్సెస్ గా ఆమె నటనకు మంచి మార్కులు పడ్డాయి. వాస్తవానికి ఈ పాత్రలో నటించే అవకాశం ముందుగా పూజా హెగ్డేకి దక్కినట్లు తెలుస్తోంది. పూజా హెగ్డే కూడా ఈ చిత్రానికి అంగీకారం తెలిపింది. కానీ చివరి నిమిషంలో అంతా మారిపోయింది. 

నిర్మాతలు భారీ బడ్జెట్ లో సెట్స్, ప్రీ ప్రొడక్షన్ కార్యక్రమాలు పూర్తి చేసుకుని షూటింగ్ కి రెడీ అయ్యారు. అదే టైంలో  పూజా హెగ్డే కోవిడ్ కి గురైనట్లు తెలుస్తోంది. అప్పటికే ప్రొడక్షన్ కాస్ట్ పెరిగిపోవడంతో నిర్మాతలు ఎదురుచూడలేని పరిస్థితి. దీనితో పూజా హెగ్డేని పక్కన పెట్టి మృణాల్ ఠాకూర్ ని ఎంపిక చేసారు దర్శకుడు. 

కరోనా మహమ్మారి కారణంగా పూజా హెగ్డే ఎమోషనల్ ప్రేమ కథని మిస్ అయింది. ఈ ఏడాది పూజా హెగ్డే నటించిన రాధే శ్యామ్ చిత్రం కూడా విడుదలైంది. అది కూడా ప్రేమ కథే. కానీ ఆ చిత్రం పూజా హెగ్డేకి తీవ్ర నిరాశే మిగిల్చింది. రాధే శ్యామ్ చిత్రం ఏమాత్రం ప్రేక్షకులని మెప్పించలేకపోయింది. 

సీతా రామం చిత్రంలో పూజా నటించి ఉంటే రాధే శ్యామ్ వల్ల కలిగిన నిరాశ పూర్తిగా తొలగిపోయేది. ప్రిన్సెస్ పాత్రలకు పూజా హెగ్డే బాగా సెట్ అవుతుందని ప్రేక్షకులు అభిప్రాయం పడుతున్నారు. కానీ పూజా హెగ్డేని బ్యాడ్ లుక్ కోవిడ్ రూపంలో వెంటాడింది.