బుల్లితెర స్టార్ సుడిగాలి సుధీర్ బ్యూటిఫుల్ ఫ్యామిలీ పిక్స్... ఆయన కుటుంబం గురించి ఇంట్రెస్టింగ్ డీటెయిల్స్!

First Published May 24, 2021, 5:12 PM IST

బుల్లితెర సూపర్ స్టార్స్ లో ఒకరిగా ఎదిగాడు సుడిగాలి సుధీర్. ప్రేక్షకులను ఉర్రూతలు ఊపుతున్న జబర్దస్త్, ఢీ వంటి పాప్యులర్ షోలలో సుడిగాలి సుధీర్ సందడి గురించి ఎంత చెప్పినా తక్కువే.

ముక్కు మొహం తెలియని కమెడియన్ నుండి వెండితెరపై హీరోగా ఎదిగిన సుధీర్ ప్రస్థానం చాలా మందిలో స్ఫూర్తి నింపుతుంది. జబర్దస్త్ వేదిక ద్వారా బుల్లితెరకు పరిచయమైన సుధీర్ మోస్ట్ వాంటెడ్ ఆర్టిస్ట్ గా మారిపోయారు.

జబర్దస్త్ లో సుడిగాలి సుధీర్ టీమ్ అంటే వందశాతం నవ్వులు గ్యారంటీ అని ప్రేక్షకులు నమ్ముతారు. తన టీమ్ మేట్స్ గెటప్ శ్రీను, రామ్ ప్రసాద్ తో కలిసి సుడిగాలి సుధీర్ పంచే హాస్యానికి నవ్వుల పువ్వులు పూయాల్సిందే.

ఇక ఢీ వేడుకపై సుధీర్ అల్లరి వీర లెవెల్ అని చెప్పాలి. యాంకర్ ప్రదీప్, హైపర్ ఆది, సుధీర్ ఆ షోకి ప్రత్యేక ఆకర్షణ కాగా అత్యధిక టీఆర్పీ రేటుతో దూసుకుపోతుంది. తనని తాను డీఫేమ్ చేసుకొని, తక్కువ చేసుకొని, ఎదుటివాళ్ళ పంచ్ లను ఒప్పుకుంటూ కామెడీ చేయడం సుధీర్ కే చెల్లింది.

యాంకర్ రష్మీతో సుధీర్ రొమాన్స్ మరో ఎత్తు. బుల్లితెర ప్రేమికులుగా ప్రచారం అవుతున్న సుధీర్, రష్మీ రొమాన్స్ ప్రేక్షకులకు పిచ్చ మజా పంచుతుంది. వీరి మధ్య పంచ్ లు, అల్లర్లు, గిల్లి కజ్జాలు, రొమాంటిక్ సాంగ్స్ అలరిస్తూ ఉంటాయి.

సుధీర్ బుల్లితెర స్టార్ గా ఎదగడానికి మరొక రీజన్ అతనిలోని మల్టీ టాలెంట్స్. సుధీర్ నటుడే కాకుండా మెజీషియన్, డాన్సర్ అలాగే సింగర్ కూడా. అవకాశం దొరికిన ప్రతిసారి తన టాలెంట్స్ చూపిస్తూ ప్రేక్షకులకు మజా పంచుతారు.

కెరీర్ బిగినింగ్ లో సుధీర్ ఆర్థికంగా అనేక బాధలు పడ్డారు. తినడానికి తిండి లేక, జేబులో డబ్బులు లేక చాలా ఇక్కట్లు పడ్డట్లు ఆయన కొన్ని సందర్భాల్లో తెలియజేశారు. బుల్లితెరకు రాకముందు మ్యాజిక్ షోలు ఇచ్చేవాడట సుధీర్.

అలాంటి సుధీర్ ఇప్పుడు అత్యధిక పాపులారిటీ కలిగిన టీవీ సెలబ్రిటీ. అలాగే సినిమా హీరో. ఇప్పటికే సుడిగాలి సుధీర్ హీరోగా రెండు సినిమాలు వచ్చాయి.

3 మంకీస్, సాఫ్ట్ వేర్ సుధీర్... సుధీర్ హీరోగా తెరకెక్కిన చిత్రాలు. మరో రెండు చిత్రాలు చిత్రీకరణ దశలో ఉన్నాయి. గాలోడు పేరుతో ఓ మూవీ తెరకెక్కుతుండగా, కాలింగ్ సహస్త్ర పేరుతో తెరకెక్కుతున్న మరో థ్రిల్లర్ లో సుధీర్ హీరోగా నటిస్తున్నాడు.

ఇక సుధీర్ ఫ్యామిలీ డీటెయిల్స్ చెప్పాలంటే.. ఆయనకు అమ్మా నాన్నలతో పాటు తమ్ముడు, అక్క ఉన్నారు. తమ్ముడు పేరు రోషన్ కాగా, అక్క పేరు శ్వేతా. వీరిద్దరికి పెళ్లిళ్లు అయ్యాయి.