కాదని చెప్పలేక తప్పులు చేశాను, నటించకూడని సినిమాలు చేశాను... పెళ్ళై పిల్లలు పుట్టాక తెలుసుకున్న హీరోయిన్ రంభ!

విజయవాడకు చెందిన విజయలక్ష్మి ఇండియన్ ఫిలిం ఇండస్ట్రీని షేక్ చేసింది. సౌత్ తో పాటు నార్త్ లో కూడా సత్తా చాటింది. ఆ విజయలక్ష్మి ఎవరో కాదు రంభ. స్క్రీన్ నేమ్ గా రంభ అని మార్చుకుంది. 1992లో రంభ సిల్వర్ స్క్రీన్ కి పరిచయం అయ్యింది. దర్శకుడు ఈవీవీ సత్యనారాయణ తెరకెక్కించిన ఆ ఒక్కటీ అడక్కు ఆమె డెబ్యూ మూవీ.

అల్లుడా మజాకా, బొంబాయి ప్రియుడు, హిట్లర్, బావగారూ బాగున్నారా చిత్రాలతో రంభ స్టార్ హీరోయిన్ హోదా పొందింది. చిరంజీవి, వెంకటేష్, బాలకృష్ణ, నాగార్జున, రజినీకాంత్ వంటి టాప్ స్టార్స్ తో ఆమె జతకట్టారు. హిందీలో సల్మాన్ ఖాన్, అనిల్ కపూర్ వంటి స్టార్స్ సరసన నటించింది. 
 

తెలుగు అమ్మాయి అయినప్పటికీ ఎక్స్పోజింగ్ లో ముంబై తారలను డామినేట్ చేసింది రంభ. ఆమె ఒకటి రెండు చిత్రాల్లో బికినీ కూడా ధరించింది. అందుకే రంభకు ఆ రోజుల్లో విపరీతమైన ఫాలోయింగ్ ఉండేది. కుర్రకారు ఆమె అంటే పడిచచ్చే వారు. క్యూట్ ఫేస్, హాట్ ఫిగర్ తో ఆమె మెస్మరైజ్ చేసేది.

ఈ ఎక్స్పోజింగ్ పై రంభ ఓ ఇంటర్వ్యూలో ఓపెన్ అయ్యారు. సినిమాల్లో ఎక్స్పోజింగ్ చేయాల్సి వచ్చిన సందర్భాల్లో ఇబ్బందిపడ్డారా? అని అడగ్గా... పరిశ్రమలో ఎక్స్పోజ్ చేయను అని చెప్పడం కష్టం. ఏ ప్రాజెక్ట్ చేసినా ఎవరో ఒకరు తెలిసినవాళ్ళు ఉంటారు. కొన్నిసార్లు నో చెప్పాను. అందుకే మంచి ప్రాజెక్ట్స్ చేశాను. ఒకటి రెండు చిత్రాల విషయంలో తప్పులు చేశాను. చేయకూడని సినిమాలు చేశాను. 
 

ఎక్స్పోజ్ చేసినందుకు నేను బాధపడటం లేదు. నేను చేసిన మంచి సినిమాలు ఆ బాధను పోగొట్టాయి. కానీ చాలా సినిమాల విషయంలో నేను కండిషన్స్ పెట్టేదాన్ని.  నా కండిషన్స్ కి ఒప్పుకుని చేసిన సినిమాలు బెస్ట్ అని చెప్పొచ్చు... అని రంభ వివరణ ఇచ్చారు. మడిగట్టుకు కూర్చుంటే కుదరదు. కొన్ని సందర్భాల్లో ఎక్స్పోజ్ చేయకతప్పదని రంభ చెప్పకనే చెప్పింది.. 

రంభ 2010లో శ్రీలంక మూలాలు కలిగిన బిజినెస్ మ్యాన్ ని వివాహం చేసుకుంది. వివాహం అనంతరం కెనడాలో స్థిరపడింది. రంభకు ముగ్గురు సంతానం. ఇద్దరు కూతుళ్లు, ఒక కుమారుడు. వివాహం అనంతరం రంభ సిల్వర్ స్క్రీన్ కి దూరమైంది. సోషల్ మీడియాలో రంభ యాక్టివ్ గా ఉంటారు. ఫ్యాన్స్ తో తన ఫ్యామిలీ విశేషాలు పంచుకుంటారు.