sixthsense4ః అనసూయ ముందు షర్ట్ విప్పేసిన ఆది..మళ్లీ మొదలైన సోహైల్, అరియానా, హారికల గొడవ
ఓంకార్ హోస్ట్ గా `సిక్త్స్ సెన్స్ ` నాల్గో సీజన్ నేటి నుంచి ప్రారంభం కాబోతుంది. ఇందులో అనసూయ ముందే హైపర్ ఆది షర్ట్ విప్పేయడం, సోహైల్, అరియానా, హారిక లు కలిసి `బిగ్బాస్` గొడవని మళ్లీ తీసుకురావడం హైలైట్గా నిలిచింది.
స్టార్మాలో ఓంకార్ హోస్ట్ గా `సిక్త్స్ సెన్స్` షో రన్ అవుతున్న విషయం తెలిసిందే. చాలా గ్యాప్తో మరో సీజన్ ప్రారంభించారు. ఈ రోజు(శనివారం) రాత్రి 9.గంటలకు ఈ షో ప్రారంభం కానుంది. చాలా గ్రాండియర్గా ఈ షో స్టార్ట్ కానుంది.
గత మూడు సీజన్లకి ఓంకార్ హోస్ట్ గా ఉన్నారు. ఇప్పుడూ నాల్గో సీజన్కి కూడా ఆయనే హోస్ట్. ఇంకా చెప్పాలంటే ఆయనే దీనికి కర్త, కర్మ, క్రియ అని తెలుస్తుంది.
ఇందులో యాంకర్ అనసూయ, హైపర్ ఆది, అలాగే బిగ్బాస్ 4 టాప్ అండ్ క్రేజీ కంటెస్టెంట్స్ అరియానా, సోహైల్, హారిక, మెహబూబ్ పాల్గొని సందడి చేయబోతున్నారు. తాజాగా విడుదలైన ప్రోమోలు తెగ ఆకట్టుకుంటున్నాయి.
ఇందులో ఓంకార్ ఇచ్చిన టాస్క్ లో హైపర్ ఆది షర్ట్ ని మోడల్ వచ్చి విప్పేస్తుంది. అయితే అది సెక్సీ యాంకర్ అనసూయ ముందే ఇలా చేయడంతో ఈ భామ షాక్కి గురవుతుంది.
ఆది బాడీని చూసి అంతా షాక్ అవుతారు. ఈ సందర్భంగా `ఆదికేశవరెడ్డిలాగా వచ్చాను. నన్ను అర్జున్ రెడ్డిని చేశారు` అని ఆది చెప్పిన డైలాగ్ నవ్వులు పూయిస్తుంది.
అనంతరం టాస్క్ లో ఆది ఎక్స్ పెక్ట్ చేసే సన్నివేశం ఉత్కంఠకి గురి చేస్తుంది. ఈ సీన్లో ఓంకార్, ఆదిల మధ్య సన్నివేశాలు ఆద్యంతం ఆకట్టుకుంటున్నాయి.
మరోవైపు చికెన్ చికెన్.. మటన్ మటన్ అంటూ మరోసారి దుమ్ములేపారు బిగ్బాస్ ఫ్రెండ్స్ సోహైల్, మెహబూబ్.
అంతేకాదు వీరితోపాటు అరియానా, హారికలు కూడా షోలో పాల్గొన్నారు.
సోహైల్, ఆరియానా సాంగ్కి డాన్స్ చేయడం, అరియానాని ఎత్తుకుని మరీ సోహైల్ చుట్టూ తిప్పడం మరింతగా రక్తికట్టించింది.
దీంతోపాటు హారికతో రొమాంటిక్ సాంగ్లో రెచ్చిపోయాడు మెహబూబ్. ఆమెని చుట్టూ తిప్పడమే కాదు, ఎత్తుకుని మరీ డాన్స్ చేశాడు. ఈ సాంగ్ సన్నివేశాలు మరింతగా ఆకట్టుకుంటున్నాయి.
వీరితోనూ టాస్క్ ఆడించాడు ఓంకార్. ఇందులో మరోసారి బిగ్బాస్ని తలపించింది. అరియానా, హారికలు ఊహించే సీన్లో సోహైల్ మరోసారి రెచ్చిపోయాడు. వద్దు వద్దు అని చెబుతున్నా అంటూ గట్టిగా అరవడం హైలైట్గా నిలిచింది.