చిరుతో డ్యాన్స్ చేయడం కష్టంగా అనిపించిన పాట అదే.. సురేఖ లాంటి వ్యక్తి ఇంకొకరు ఉండరు, వాళ్ళ ఇంటికి వెళితే 

మెగాస్టార్ చిరంజీవికి లక్కీ హీరోయిన్ గా గుర్తింపు పొందివారిలో రాధా కూడా ఒకరు. చిరంజీవి, రాధ జోడి అంటే ఫ్యాన్స్ కి ఎక్కడలేని ఉత్సాహం వచ్చేది. వాళ్ళిద్దరి కెమిస్ట్రీ, డ్యాన్సులు అంతలా అభిమానులని అలరించేవి.  వీళ్లిద్దరి కాంబినేషన్ లో వచ్చిన ఆల్మోస్ట్ అన్ని చిత్రాలు హిట్స్ గా నిలిచాయి.

హీరోయిన్ రాధ రీసెంట్ గా అలీతో సరదాగా షోలో పాల్గొన్నారు. కమెడియన్ అలీ హోస్ట్ గా ఈ షో సాగుతున్న సంగతి తెలిసిందే. అతిథులు ఎవరైనాసరే అలీ వారితో సరదాగా ముచ్చటిస్తారు. రాధని కూడా అలీ అనేక ప్రశ్నలు అడిగారు. ఈ క్రమంలో రాధ తన కెరీర్ గురించి.. చిరంజీవితో ఉన్న అనుభందం గురించి చక్కగా వివరించారు. 

చిరంజీవితో నటించిన మొదటి చిత్రం ఏదని అలీ ప్రశ్నించాడు. రాధ బదులిస్తూ ఆయనతో చేసిన ఫస్ట్ మూవీ గూండా. ఫస్ట్ మూవీనుంచే చిరంజీవితో సమానంగా వేగంగా డ్యాన్స్ చేసేదాన్ని. నిర్మాతల డబ్బు వృధా కాకూడదనేది నా ఉద్దేశం అందుకే వీలైనంతవరకు సింగిల్ టేక్ లో కంప్లీట్ చేసేదాన్ని. 

యముడికి మొగుడు చిత్రంలో అందం హిందోళం అధరం తాంబూలం పాటకి మాత్రం చిరంజీవితో పాటు డ్యాన్స్ చేయడం కష్టంగా అనిపించినట్లు రాధ గుర్తు చేసుకుంది. చిరంజీవి మంచివారు మాత్రమే కాదు నిజాయితీపరులు. మా ఇద్దరి మధ్య ఎప్పుడూ డ్యాన్స్ విషయంలో పోటీ ఉంటుంది. అలా పోటీ ఉన్నప్పుడే సినిమా బాగా వస్తుంది అని రాధా తెలిపింది. 

నా కూతురు కార్తీకకి కూడా చిరంజీవి అంటే చాలా ఇష్టం. చిరంజీవి హీరోగా, తండ్రిగా, భర్తగా అన్ని విధాలుగా ఆయన పర్ఫెక్ట్. చిరంజీవి భార్య సురేఖ గారంటే నాకు చాలా గౌరవం. ఆమె ఫ్యామిలీ బాగా చక్కబెడుతారు. చిరంజీవి ఫ్యామిలీతో కూడా చాలా సరదాగా ఉంటారు. ఒకరోజు వాళ్ళ ఇంటికి వెళితే చిరంజీవి దోసెలు వేస్తూ బిజీగా ఉన్నారు అని రాధ నవ్వుతూ చెప్పింది.   

ఇక తన పర్సనల్ లైఫ్ విషయానికి వస్తూ.. తాను పెద్దలు కుదిర్చిన వివాహమే చేసుకున్నట్లు రాధ తెలిపింది. నాకు ప్రేమ వివాహాల పట్ల నమ్మకం ఉండేది కాదు. అందుకే అరేంజ్డ్ మ్యారేజ్ చేసుకున్నా. మా ఆయన రియల్ హీరో అంటూ ప్రసంశలు కురిపించింది.