నిహారిక స్వేచ్ఛకు తల్లిదండ్రులు కూడా అడ్డమేనా... ఎందుకు ఒంటరి తనం కోరుకుంటుంది?

నటిగా సెకండ్ ఇన్నింగ్స్ స్టార్ట్ చేసిన నిహారిక గ్లామర్ డోస్ పెంచింది. వరుస ఫోటో షూట్స్ తో కుర్రాళ్ళ గుండెల్లో గుబులు రేపుతోంది.  

Niharika Konidela

నిహారిక కొణిదెల నటిగా ఎదిగే ప్రయత్నాల్లో ఉంది. వెంకట చైతన్యకు విడాకులు ఇచ్చిన నిహారిక సెకండ్ ఇన్నింగ్స్ స్టార్ట్ చేసింది. పలు ప్రాజెక్ట్స్ తో బిజీగా ఉంది. నిహారిక నిర్మాత కూడాను. ఆమెకు పింక్ ఎలిఫెంట్ ఎంటర్టైన్మెంట్స్ పేరుతో ఒక బ్యానర్ ఉంది. ఆ మధ్య ఓ ఆఫీస్ తెరిచింది. యువ దర్శకులు, రచయితలతో బడ్జెట్ ప్రాజెక్ట్స్ ప్లాన్ చేస్తుంది. 

విడాకులు అనంతరం నిహారిక డెడ్ పిక్సెల్స్ టైటిల్ తో వెబ్ సిరీస్ చేసింది. ఇది యూత్ ఫుల్ రొమాంటిక్ ఎంటర్టైనర్ గా తెరకెక్కింది. హాట్ స్టార్ లో స్ట్రీమ్ అవుతుంది. ఇటీవల ఒక తమిళ చిత్రానికి హీరోయిన్ గా సైన్ చేసింది. నిహారిక నచ్చిన బాటలో ముందుకు సాగుతుంది. ఓ ఇంటర్వ్యూలో అసలు పెళ్ళికి, ప్రొఫెషన్ కి సంబంధం ఏమిటీ? పెళ్ళైతే యాక్టింగ్ మానేయాలా? అని ప్రశ్నించింది. 

నిహారిక అన్నయ్య వరుణ్ తేజ్ హీరోయిన్ లావణ్య త్రిపాఠిని వివాహం చేసుకున్న విషయం తెలిసిందే. లావణ్య కూడా యాక్టింగ్ కెరీర్ కొనసాగిస్తోంది. 

లావణ్య మిస్ పర్ఫెక్ట్ టైటిల్ తో ఒక వెబ్ సిరీస్ చేసింది. ఈ సిరీస్ చూసిన నాగబాబు అద్బుతంగా ఉంది అంటూ షార్ట్ రివ్యూ ఇచ్చాడు. దాంతో లావణ్య నటిగా కొనసాగేందుకు నాగబాబు పూర్తి సపోర్ట్ ఇస్తున్నారని అర్థం అవుతుంది.  

ఇదిలా ఉంటే నిహారిక తల్లిదండ్రులకు దూరంగా ఉండాలని అనుకుంటుంది. సొంతగా ఇంటిని నిర్మించుకుంటుంది. ఈ విషయం ఆమె స్వయంగా చెప్పారు. అయితే నిహారిక ఒంటరిగా ఉండాల్సిన అవసరం ఏముంది? నిహారిక స్వేచ్ఛకు తల్లిదండ్రులు కూడా అడ్డమేనా అనే కామెంట్స్ వినిపిస్తున్నాయి. 

గతంలో నిహారిక పలు వివాదాల్లో చిక్కుకున్నారు. ఓ పబ్ లో లేట్ నైట్ పార్టీలో పాల్గొన్న నిహారికను పోలీసులు అదుపులోకి తీసుకున్నారు. రాత్రివేళ స్టేషన్ కి తీసుకెళ్లారు. అప్పట్లో ఈ సంఘటన సంచలనం రేపింది. ఈ క్రమంలో ఒంటరిగా ఉండాలనుకుంటున్న నిహారిక నిర్ణయంపై సోషల్ మీడియాలో నెగిటివ్ కామెంట్స్ వినిపిస్తున్నాయి.