నా కొడుకు మిగిలిన హీరోల కొడుకుల్లా కాదు..నా భార్యకి అది ఇష్టం లేదు, మాధవన్ షాకింగ్ కామెంట్స్

ఒకప్పటి లవర్ బాయ్ మాధవన్ ప్రస్తుతం విలక్షణమైన పాత్రల్లో నటిస్తున్నారు. అప్పట్లో మాధవన్ చిత్రాల్లో ప్రేమ పాటలు యువతని పిచ్చెక్కించేవి. 

ఒకప్పటి లవర్ బాయ్ మాధవన్ ( Madhavan) ప్రస్తుతం విలక్షణమైన పాత్రల్లో నటిస్తున్నారు. అప్పట్లో మాధవన్ చిత్రాల్లో ప్రేమ పాటలు యువతని పిచ్చెక్కించేవి. సఖి, చెలి లాంటి చిత్రాల్లో సాంగ్స్ ఇప్పటికీ యువతని ఆకట్టుకుంటూ ఉంటాయి. వయసు పెరగడంతో మాధవన్ వైవిధ్యమైన పాత్రలు ప్రయత్నిస్తున్నాడు. 

చాలా మంది సెలెబ్రిటీల తనయులు తల్లిదండ్రుల బాటలోనే నడుస్తుంటారు. హీరోల కొడుకులు హీరోలు అవుతుంటారు. కానీ చూస్తుంటే మాధవన్ తనయుడు వేదాంత్ అథ్లెట్ గా మారాడు. స్విమ్మింగ్ లో వేదాంత్ అసమాన ప్రతిభ చూపిస్తున్నాడు. కొన్నేళ్ల క్రితం వేదాంత్ బెంగుళూరులో జరిగిన అక్వాటిక్ నేషనల్ ఛాంపియన్ షిప్ లో స్విమ్మింగ్ లో వేదాంత్ ఏకంగా 7 మెడల్స్ సాధించాడు. 

ఆ తర్వాత కూడా అనేక స్విమ్మింగ్ కాంపిటీషన్స్ లో వేదాంత్ ప్రతిభ చాటుతున్నాడు. అయితే సెలెబ్రిటీల తనయులపై సోషల్ మీడియాలో కొంత నెగిటివిటి ఉండడం సహజం. తండ్రి హీరో కాబట్టి కొడుకు కూడా హీరో అయ్యాడు అంటూ కామెంట్స్ చేస్తుంటారు. వేదాంత్ విషయంలో కూడా అదే జరుగుతుండడంతో మాధవన్ తీవ్ర అసంతృప్తి వ్యక్తం చేశారు. 

వేదాంత్ తండ్రి పెద్ద హీరో కాబట్టే అతడు స్విమ్మింగ్ లో అవకాశాలు వస్తున్నాయని పతకాలు గెలుస్తున్నాడు అంటూ కొందరు కామెంట్స్ చేస్తున్నారు. మరికొందరు అయితే వేదాంత్ ని ఇతర హీరోల కొడుకులతో పోల్చుతూ కామెంట్స్ చేస్తున్నారు. దీనిపై మాధవన్ రియాక్ట్ అయ్యారు. 

మా కొడుకుని ఇతర హీరోల కొడుకులతో పోల్చడం నాకు నా భార్యకి ఇష్టం లేదు. నవేదాంత్ ఏమీ పెద్ద స్టార్ కొడుకు కాదు. ఒక సెలెబ్రిటీ కొడుకు అంతే. ఒక నటుడి కుమారుడిగా వేదాంత్ వేరే రంగంలో ప్రతిభ చూపుతూ జాతీయ స్థాయిలో పతకాలు సాధిస్తున్నాడు. ఇది మామూలు విషయం కాదు. 

కానీ కొందరు క్రియేట్ చేసే మీమ్స్ వల్ల చాలా ఇబ్బంది పడుతున్నాం. మా ఆవేదన మీమ్స్ క్రియేట్ చేసే వాళ్ళకి అర్థం కావడం లేదు. దయ దయచేసి నా కొడుకుని ఇతరులతో పోల్చకండి అని తెలిపారు. మార్చి 8న విడుదలైన అజయ్ దేవగణ్ షైతాన్ చిత్రంలో మాధవన్ నెగిటివ్ పాత్రలో మెరిసారు.