Waltair Veerayya First Review: వాల్తేరు వీరయ్య ఫస్ట్ రివ్యూ.. సంక్రాంతి బరిలో చిరంజీవికి ఎలాంటి ఫలితం రానుంది?

సంక్రాంతి చిత్రాలు ఎలా ఉండనున్నాయనే ఉత్కంఠ కొనసాగుతున్న తరుణంలో వాల్తేరు వీరయ్య మూవీ ఫస్ట్ రివ్యూ వచ్చేసింది. ఓవర్సీస్ సెన్సార్ సభ్యుడు, ఫిల్మ్ క్రిటిక్ ఉమర్ సంధు వాల్తేరు వీరయ్య చిత్రంపై షార్ట్ రివ్యూ ఇచ్చాడు. సినిమా ఎలా ఉందో తన అభిప్రాయం తెలియజేశారు.  

Waltair Veerayya Review

ఈ సంక్రాంతి సినిమా ప్రియులకు చాలా ఫేవరేట్. చిరంజీవి-బాలకృష్ణ నువ్వా నేనా అని తేల్చుకోనున్నారు. స్టార్ హీరోల పండగ పోరు చాలా ఆసక్తికరంగా ఉంటుంది. గతంలో చాలా సార్లు చిరు, బాలయ్య పెద్ద పండగ వేళ ఒకరితో మరొకరు యుద్ధానికి దిగారు. చివరిగా 2017లో ఖైదీ నెంబర్ 150, గౌతమీపుత్ర శాతకర్ణి విడుదలయ్యాయి. చిరంజీవి కమ్ బ్యాక్ మూవీగా విడుదలైన ఖైదీ నెంబర్ 150 పై చేయి సాధించింది. అయితే గౌతమీ పుత్ర శాతకర్ణి సైతం హిట్ టాక్ తెచ్చుకుంది. 

దాదాపు ఆరేళ్ళ తర్వాత సమరానికి సై అంటున్నారు. వాల్తేరు వీరయ్య, వీరసింహారెడ్డి(Veerasimhareddy) చిత్రాలు 2023 సంక్రాంతి(Sankranthi 2023) కానుకగా విడుదల కానున్నాయి. వీరసింహారెడ్డి జనవరి 12న విడుదలవుతుంటే, వాల్తేరు వీరయ్య జనవరి 13న విడుదల చేస్తున్నారు. ఒక్క రోజు వ్యవధిలో రెండు చిత్రాలు బాక్సాఫీస్ బరిలో నిలవనున్నాయి. ఇలా ఫేస్ ఆఫ్ వచ్చినప్పుడు విజయం చాలా కీలకం. ఫ్యాన్స్ పరువుతో కూడిన వ్యవహారంగా భావిస్తారు. 

సంక్రాంతి చిత్రాలు ఎలా ఉండనున్నాయనే ఉత్కంఠ కొనసాగుతున్న తరుణంలో వాల్తేరు వీరయ్య మూవీ ఫస్ట్ రివ్యూ వచ్చేసింది. ఓవర్సీస్ సెన్సార్ సభ్యుడు, ఫిల్మ్ క్రిటిక్ ఉమర్ సంధు వాల్తేరు వీరయ్య చిత్రంపై షార్ట్ రివ్యూ ఇచ్చాడు. సినిమా ఎలా ఉందో తన అభిప్రాయం తెలియజేశారు. 

కాగా వాల్తేరు వీరయ్య(Waltair Veerayya) చిత్రానికి ఉమర్ సంధు రివ్యూ చాలా నిరాశాజనకంగా ఉంది. కనీసం యావరేజ్ మార్క్స్ కూడా వేయలేదు. ఆయన డిజాస్టర్ అని కామెంట్ చేయడం భయపెడుతుంది. 'చిరంజీవిగారు దయచేసి ఇలాంటి రొమాంటిక్ రోల్స్ చేయడం మానేసి, సీరియస్ రోల్స్ చేస్తే బెటర్. మిమ్మల్ని ఆ తరహా పాత్రల్లో చూసి బోర్ కొట్టేసింది. వాల్తేరు వీరయ్య చిరంజీవికి మరో డిజాస్టర్ కానుంది, అని ట్వీట్ చేశారు. 

రొటీన్ కమర్షియల్, రొమాంటిక్ రోల్స్ కాకుండా ఏదైనా కొత్తగా ట్రై చేయండి. వాల్తేరు వీరయ్య మూవీలో ఎలాంటి కొత్తదనం లేదు. ఆకట్టుకోలేదని పరోక్షంగా ఉమర్ సంధు తన ట్వీట్ ద్వారా తెలియజేశారు. ఉమర్ సంధు రివ్యూ తీవ్రంగా అభిమానులను నిరాశపరిచేదిగా ఉంది. 

చిరంజీవి(Chiranjeevi) గత చిత్రానికి కూడా ఉమర్ సంధు నెగిటివ్ రివ్యూ ఇచ్చారు. సినిమా పూర్తి స్థాయిలో ఆకట్టుకోలేదని కామెంట్ చేశారు. ఇది ఫ్యాన్స్ ఆగ్రహానికి కారణమైంది. గాడ్ ఫాదర్ పాజిటివ్ టాక్ తెచ్చుకుంది. అయితే కమర్షియల్ గా గాడ్ ఫాదర్ సక్సెస్ కాలేదు. నిర్మాతలు మాకు బాగా డబ్బులు వచ్చాయని చెప్పుకున్నా.. ట్రేడ్ వర్గాల సమాచారం ప్రకారం గాడ్ ఫాదర్ షేర్ రూ. 55 కోట్లు మాత్రమే అని తేల్చారు. 

Waltair Veerayya

కాగా ఉమర్ సంధు గతంలో డిజాస్టర్ సినిమాలకు కూడా భారీ రేటింగ్స్ ఇచ్చేవాడు. స్టార్ హీరో సినిమా అంటే మూడు, నాలుగు స్టార్స్ ఇచ్చేవారు. ఈ మధ్య ఆయన ఎక్కువగా నెగిటివ్ రివ్యూలు ఇస్తున్నారు. అదే సమయంలో ఉమర్ సంధు రివ్యూస్ లో ఖచ్చితత్వం ఉండదనే వాదన ఉంది. కాబట్టి ఈ రివ్యూని మెగా ఫ్యాన్స్ పెద్దగా పట్టించుకోవడం లేదు. 

దర్శకుడు కే ఎస్ రవీంద్ర(బాబీ) వాల్తేరు వీరయ్య దర్శకుడు. మైత్రీ మూవీ మేకర్స్ నిర్మాణంలో తెరకెక్కింది. శృతి హాసన్ హీరోయిన్ గా నటిస్తున్నారు. రవితేజ ఈ చిత్రంలో కీలక రోల్ చేయడం విశేషం. దేవిశ్రీ వాల్తేరు వీరయ్య చిత్రానికి సంగీత దర్శకుడు.