Hansika Motwani: సెకండ్ ఇన్నింగ్స్ లో దూకుడు, విడాకుల తర్వాత మళ్లీ బిజీగా అల్లు అర్జున్ హీరోయిన్

అల్లు అర్జున్‌తో 'దేశముదురు' సినిమాతో కెరీర్ మొదలుపెట్టిన హన్సిక, ఇప్పుడు వ్యక్తిగత జీవితంలోని ఒడిదొడుకులను దాటుకుని కెరీర్‌లో సెకండ్ ఇన్నింగ్స్ స్టార్ట్ చేస్తున్నారు. ఇంతకీ హన్సికా ఏం చేస్తోంది? 

Image Credit : Instagram

యాపిల్ బ్యూటీగా పేరు తెచ్చుకున్న హన్సిక

దక్షిణాదిలో  యాపిల్ బ్యూటీ గా పేరు తెచ్చుకున్న హన్సిక మోత్వాని, తన నటనతో కోట్లాది మంది అభిమానులను సంపాదించుకున్నారు. కానీ, కొన్నేళ్లుగా వ్యక్తిగత జీవితంలోని సమస్యలతో వార్తల్లో నిలిచారు. ఇప్పుడు ఆ చేదు అనుభవాలను దాటుకుని, కొత్త అధ్యాయం మొదలుపెట్టారు.

Image Credit : Instagram

సోహైల్ తో పెళ్లి విడాకులు..

2022 డిసెంబర్‌లో వ్యాపారవేత్త సోహైల్ కతూరియాతో హన్సిక పెళ్లి అంగరంగ వైభవంగా జరిగింది. జైపూర్‌ ప్యాలెస్‌లో జరిగిన ఈ పెళ్లి అప్పట్లో పెద్ద వార్త. కానీ, నాలుగేళ్లకే వీరి బంధంలో కలతలు మొదలయ్యాయి. 2024 నుంచి వేర్వేరుగా ఉంటున్న ఈ జంట, చివరికి చట్టబద్ధంగా విడాకులు తీసుకున్నారు. ఈ షాక్ నుంచి హన్సిక ఫీనిక్స్ పక్షిలా మళ్లీ పైకి లేచారు.

Image Credit : Instagram

హన్సిక పవర్‌ఫుల్ కమ్‌బ్యాక్...

వ్యక్తిగత జీవితంలోని బాధను పక్కనపెట్టి, హన్సిక ఇప్పుడు పవర్‌ఫుల్ కమ్‌బ్యాక్ ఇస్తున్నారు. ఈసారి వెండితెరపై కాకుండా, ఓటీటీలో సందడి చేయబోతున్నారు. ప్రవీణ్ సత్తారు దర్శకత్వంలో వస్తున్న 'గల్లీ' అనే క్రైమ్ వెబ్ సిరీస్‌తో ఆమె సెకండ్ ఇన్నింగ్స్ మొదలుపెట్టారు. ఇందులో గ్లామర్ పాత్రకు భిన్నంగా, చాలా సీరియస్ రోల్‌లో కనిపిస్తారని టాక్.

Image Credit : Instagram

'గల్లీ' సిరీస్ లో హన్సికతో పాటు..

రీసెంట్ గా హైదరాబాద్‌లోని చారిత్రక చార్మినార్ దగ్గర 'గల్లీ' సిరీస్ షూటింగ్ జోరుగా జరిగింది. నటుడు జేడీ చక్రవర్తితో కలిసి హన్సిక కొన్ని సస్పెన్స్ సీన్లలో పాల్గొన్నారు. ఈ షూటింగ్ ఫోటోలు, వీడియోలు సోషల్ మీడియాలో వైరల్ అయ్యాయి. ఈ సిరీస్‌లో కేజీఎఫ్ ఫేమ్ శ్రీనిధి శెట్టి, సుధీర్ బాబు కూడా ఉండటంతో అంచనాలు పెరిగాయి.

Image Credit : X

అల్లు అర్జున్‌తో దేశముదురుతో కెరీర్ ప్రారంభం..

అల్లు అర్జున్‌తో 'దేశముదురు', పునీత్ రాజ్‌కుమార్‌తో 'బిందాస్' వంటి సినిమాలతో కెరీర్ ప్రారంభించిన హన్సిక, ఇప్పుడు వ్యక్తిగత జీవితంలోని ఓటమిని అధిగమించి కెరీర్‌లో గెలవాలని చూస్తున్నారు. 2026 మార్చిలో అధికారికంగా విడాకులు వచ్చాక, ఆమె పూర్తిగా తన కెరీర్‌పైనే దృష్టి పెట్టారు.