గ్రాఫిక్స్ తో ప్రేక్షకులను మాయ చేసిన చిత్రాలు!

ఈ మధ్యకాలంలో టెక్నాలజీ బాగా పెరగడంతో సినిమాల్లో విజువల్ ఎఫెక్ట్స్, గ్రాఫిక్స్ కి ఎక్కువ ప్రాధాన్యతనిస్తున్నారు. 

ఈ మధ్యకాలంలో టెక్నాలజీ బాగా పెరగడంతో సినిమాల్లో విజువల్ ఎఫెక్ట్స్, గ్రాఫిక్స్ కి ఎక్కువ ప్రాధాన్యతనిస్తున్నారు. సాధ్యం కాని విషయాలను కూడా గ్రాఫిక్స్ ద్వారా చేసి చూపిస్తున్నారు. మంచి అవుట్ పుట్స్ రాబడుతూ తెలుగు సినిమా స్థాయిని పెంచుతున్నారు. అయితే ఒకప్పుడు తన కెమెరా యాంగిల్స్ తో కూడా ప్రేక్షకులను మాయ చేసిన వారున్నారు. ఈ విధంగా తెలుగు సినిమా క్రేజ్ ని పెంచిన సినిమాలపై ఓ లుక్కేద్దాం!

పాతాళ భైరవి - కేవీ రెడ్డి గారు అప్పట్లోనే తన ఫోటోగ్రఫీ ట్రిక్స్ తో ప్రేక్షకులను ఆకట్టుకునేవారు. తన సినిమాల్లో విజువల్ ఎఫెక్ట్స్ చూసి ప్రేక్షకులు ఆశ్చర్యపోయేవారు. ఎన్టీఆర్ నటించిన ఈ సినిమా అప్పట్లో పెను సంచలనం.

మాయాబజార్ - ల్యాప్ టాప్ రాకముందే ఈ సినిమాలో వీడియో కాలింగ్ చూపించారు. ఎన్టీఆర్, ఏఎన్నార్ లు కలిసి నటించిన ఈ సినిమా పెద్ద సక్సెస్ అయింది. దీన్ని కూడా కేవీ రెడ్డి గారే రూపొందించారు.

జగన్మోహిని - హారర్, కామెడీ కాన్సెప్ట్ తో వచ్చిన ఈ సినిమాలో గ్రాఫిక్స్ మాయ ఎక్కువగా కనిపిస్తుంది. ఈ సినిమాను విటలాచార్య రూపొందించారు. ఆయన సినిమాల్లో విజువల్ ఎఫెక్ట్స్ ట్రిక్స్ ఎక్కువగా కనిపించేవి.

దానవీరశూర కర్ణ - ఎన్టీఆర్ రూపొందించిన ఈ సినిమాలో కూడా గ్రాఫిక్ వర్క్ కనిపిస్తుంది.

భైరవద్వీపం - ఈ సినిమా సింగీతం శ్రీనివాస రావు మాయనే చెప్పాలి. ఈ సినిమాలో మొదటిసారిగా ఎగిరే గుర్రాన్ని చూపించారు. బాలయ్య చిత్రాల్లో ఇదొక క్లాసిక్.

దేవీపుత్రుడు - సముద్రంలో ద్వారకా నగరాన్ని ఎంతో అందంగా చూపించారు. సినిమాలో చాలా సన్నివేశాలు ఆడియన్స్ ని కట్టిపడేస్తాయి.

అంజి - ఆత్మలింగం కాన్సెప్ట్ తో సాగే ఈ సినిమాలో ఎనభై శాతం గ్రాఫిక్స్ వర్క్ కనిపిస్తుంది. సినిమా సక్సెస్ కాకపోయినా.. గ్రాఫిక్స్ కి మంచి పేరొచ్చింది.

అరుంధతి - ఈ సినిమాతో విజువల్ ఎఫెక్ట్స్ స్థాయిని పెంచారు.

అనగనగా ఓ ధీరుడు - ఈ సినిమాకి డిస్నీ సంస్థ కో ప్రొడ్యూసర్ గా వ్యవహరించింది. వారి స్థాయికి తగ్గట్లే సినిమా ఇంటర్నేషనల్ స్టాండర్డ్స్ లో ఉంటుంది. గ్రాఫిక్స్ ని ఈ సినిమాలో ఎంతో రియలిస్టిక్ గా చూపించారు.

యమదొంగ - ఈ సినిమాలో రాజమౌళి 'యమలోకం'ని ఎంతో అధ్బుతంగా, రియలిస్టిక్ గా చూపించారు. సినిమాలో ప్రతీ సీన్ ఎంతో పెర్ఫెక్షన్స్ తో ఉంటుంది.

మగధీర - రాజమౌళి మరో అధ్బుతం ఈ సినిమా. ఇప్పటికీ అభిమానులు ఈ సినిమా మర్చిపోలేరు.

ఈగ - 'ఈగ'ని పెట్టి సినిమా తీయడం రాజమౌళికే చెల్లింది. హాలీవుడ్ సినిమాకు స్పూర్తిగా వచ్చిన ఈ సినిమా తెలుగు జనాలను మెప్పించింది.

రుద్రమదేవి - ఈ సినిమాలో కోట, యుద్ధ సన్నివేశాలను గుణశేఖర్ ఎంతో రియలిస్టిక్ గా చూపించారు.

రోబో - ఈ సినిమా ఘన విజయం కావడంతో సీక్వెల్ ని కూడా రూపొందించారు. వీఎఫ్ఎక్స్ ప్రాధాన్యత ఉన్న సౌత్ సినిమాల్లో ఇది ముందుంటుంది.

బాహుబలి - ఇంటర్నేషనల్ స్టాండర్డ్స్ కి ఎంతమాత్రం తక్కువ కాకుండా తెలుగు సినిమా స్థాయిని పెంచేలా దర్శకుడు రాజమౌళి ఈ సినిమాను రూపొందించారు. ఈ సినిమా కోసం దాదాపు 800 మందికి పైగా టెక్నీషియన్స్ పని చేశారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి