ఇక నుంచి డాక్టర్ రామ్ చరణ్, యూనివర్సిటీ నుంచి గౌరవాన్ని అందుకున్న మెగా హీరో, వైరల్ అవుతున్న ఫోటోస్..

గ్లోబల్ స్టార్ రామ్ చరణ్ అరుదైన గౌరవాన్ని అందుకున్నారు. మెగా హీరో గౌరవ డాక్టరేట్ ను అందుకున్నారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి. 

గ్లోబ‌ల్ స్టార్ రామ్ చ‌ర‌ణ్ డాక్టరేట్‌ అందుకున్నారు. తమిళనాడుకు చెందిన వేల్స్ యూనివర్శిటీ  నుంచి ఆయన ఈ గౌరవాన్ని పొందారు. ఈరోజ ( ఏప్రిల్ 13) శ‌నివారం జరిగిన వేల్స్ యూనివర్సిటీ  స్నాతకోత్సవం సందర్భంగా.. మెగా హీరోకు డాక్టరేట్ ను ప్రధానం చేశారు. ఈ కార్యక్రమానికి  ముఖ్య అతిథిగా వ‌చ్చిన ఆల్ ఇండియా కౌన్సిల్ ఫర్ టెక్నికల్ ఎడ్యుకేషన్ చైర్మన్ ప్రొఫెసర్ టీజీ సీతారాం రామ్ చ‌ర‌ణ్‌కు గౌరవ డాక్టరేట్ సర్టిఫికెట్‌ను అందించారు.  

టాలీవుడ్ యాక్ట‌ర్స్ లో అతి చిన్నవయస్సులోనే డాక్ట‌రేట్ అందుకున్న నటుడిగా  రామ్ చ‌ర‌ణ్ రికార్డు నేలకొలిపారు.. మెగా పవర్ స్టార్ 39 ఏళ్ల వయస్సులో ఈ గౌరవం పొందడంపై మెగా ప్యామిలీతో పాటు..మెగా ఫ్యాన్స్ కూడా దిల్ ఖుష్ అవుతున్నారు. 

చరణ్ కు  ఈ గౌరవం దక్కడం పట్ల టాలీవుడ్  ఇండస్ట్రీతో పాటు.. ఆయన స్నేహితులు.. రాజకీయ సినీవర్గాల నుంచి అభినందనలువెల్లువెత్తుతున్నాయి. అంతే కాదు ఆయన అభిమానులు ఈ విషయాలో  ఫుల్ జోష్ లో ఉన్నారు. ఎక్స్ వేదిక‌గా ఆయ‌న‌కు శుభాకాంక్ష‌లు తెలుపుతున్నారు. 

ఇక ఈ కార్యక్రమంలో పాల్గొనేందకు  ఈరోజు ఉదయం చెన్నెై వెళ్ళారు రామ్ చరణ్. ఉపాసన,క్లింకారతో కలిసి ఆయన చెన్నై ఎయిర్ పోర్ట్ లో సందడి చేశారు. స్టైలిష్ లుక్ లో రామ్ చరణ్ ఫోటోలు వైరల్ అయ్యాయి. 

ఆర్ఆర్ఆర్ తో పాన్ వరల్డ్ ను ఆకార్షించాడు మెగా పవర్ స్టార్ రామ్ చరణ్. హాలీవుడ్ డైరెక్టర్ల చేత శభాష్ అనిపించికున్న ఈ హీరో.. గ్లోబల్ స్టార్ గా మారిపోయాడు.  ప్రస్తుతం దేశవ్యాప్తంగా ఫేమ్ తెచ్చుకున్నాడు చరణ్. గేమ్ ఛేంజర్ తో పాటు మూడు సినిమాలు లైన్ లో పెట్టాడు చరణ్. వరుస షూటింగ్స్ తో బిజీ బిజీగా మారిపోయాడు. 

 శంకర్ దర్శకత్వంలో గేమ్ ఛేంజర్ సినిమా షూట్ తో బిజీగా ఉన్నాడు ప్రస్తుతం. ఆ తర్వాత బుచ్చిబాబు, సుకుమార్ లతో రెండు సినిమాలని కూడా ప్రకటించాడు.RRR తో వచ్చిన ఫేమ్ తో ఇప్పటికే రామ్ చరణ్ అనేక గుర్తింపులు సాధించాడు. 

టాలీవుడ్ హ్యాండ్సమ్ స్టార్ హీరోలలో చరణ్ ముందు వరసలో ఉన్నారు. ఎప్పటికప్పుడు సినిమాకు తగ్గట్టుగా ఫిట్ నెస్ తో పాటు సిక్స్ ప్యాక్ ను కూడా మెయింటేన్ చేసే రామ్ చరణ్..డ్రెస్సింగ్ స్టైల్ తో పాటు..మ్యాచింగ్ బ్యాండ్స్ ను కూడా పర్ఫెక్ట్ గా ఉండేట్టు చూసుకుంటాడు. హెయిర్ స్టైల్ తో పాటు.. అకేషన్ కు తగ్గట్టుగా కంప్లీట్ డ్రెస్సింగ్ ను మెయింటేన్ చేస్తుంటారు.