అల్లు అర్జున్ ఫస్ట్ సినిమా హీరోయిన్ ఇప్పుడు ఇలా అయ్యిందేమిటి..? ప్రస్తుతం ఎలా ఉంది.. ఏం చేస్తుంది..?

ఫిల్మ్ ఇండస్ట్రీలో ఎంత పెద్ద స్టార్ అయినా.. ఏదో ఒక రోజు వారి స్టార్ డమ్ తగ్గాల్సిందే. ఇక హీరోయిన్ల కెరీర్ స్పాన్ అయితే మరీ తక్కువ. ఇప్పుడంటే సమంత, నయనతార లాంటి వారు లాంగ్ టైమ్ ఫిల్మ్ కెరీర్ ను కొనసాగిస్తున్నారు. అది కూడా స్టార్ డమ్ తో. కాని ఇదివరకు వరుసగా సినిమాలు ప్లాప్ అయితే ఇక హీరోయిన్ల కెరీర్ అంతే సంగతులు. అలాంటి వారిలో అదితి అగర్వాల్ కూడా ఉన్నారు. 

సినిమా ఇండస్ట్రీలో ఒకరు సక్సెస్ అయ్యారంటే వాళ్ళ ఫ్యామిలీ నుండి ఎవరో ఒకరు ఇండస్ట్రీలోకి రావడం సహజమే. హీరోయిన్లలో కూడా చాలా మంది అలా వచ్చినవారే. ఇక దివంగత హీరోయిన్.. అందాల రాశి ఆర్తి అగర్వాల్ వారసురాలిగా ఆమె చెల్లెలు అదితి అగర్వాల్ అలా ఎంట్రీ ఇచ్చింది. కాని ఆర్తి అగర్వాల్ లా రాణించలేకపోయింది. 

అల్లు అర్జున్ హీరోగా పరిచయమైన గంగోత్రి సినిమా ద్వారా అదితి అగర్వాల్ ఇండస్ట్రీలోకి ఎంట్రీ ఇచ్చారు. గంగోత్రి తర్వాత ఏం బాబు లడ్డు కావాలా, విద్యార్థి, కొడుకు సినిమాలలో నటించింది. కాని ఈ సినిమాలు అడ్రస్ లేకుండా పోవడంతో  ఆ తర్వాత టాలీవుడ్ లో మళ్ళి సినిమాలు చేయలేదు. అటు సినిమాలు లేక... చేసిన సినిమాలు సక్సెస్ అవ్వక చాలా స్ట్రగుల్ అయ్యింది అదితి.
 

ఈ లోపు అదితి అగర్వాల్ అక్క ఆర్తి అగర్వాల్ హీరోయిన్ గా డౌన్ ఫాల్.. ప్రేమ, పెళ్ళి.. ఇబ్బందులతో ఆమె ఆత్మహత్య చేసుకోవడంతో వారి జీవితంలో చాలా కుదుపులు వచ్చాయి. కొన్నాళ్ల పాటు ఫ్యామిలీ అంతా చాలా ఇబ్బందులు ఫేస్ చేశారు.
 

ఇక 2016 లో చివరిసారిగా లవ్ హాయ్ యార్ అక్సెప్ట్ ఇట్ అనే సినిమాలో నటించింది. ఆ తర్వాత ఇండస్ట్రీలో లాభం లేదు అనుకుందో ఏమో..  ఫ్యామిలీతో పాటు అదితి అగర్వాల్ విదేశాల్లో స్థిరపడింది. అయితే 35 ఏళ్ళు అయినా ఇప్పటికీ అదితి అగర్వాల్  పెళ్ళి చేసుకోలేదు. 

 సినిమాలకు దూరం అయిన  సోషల్ మీడియాలో మాత్రం అదితి చాలా యాక్టివ్ గా ఉంటుంది అదితి. తన అక్క  ఆర్తి అగర్వాల్ జ్ఞాపకాలను గుర్తు చేసుకుంటూ ఆమె ఫోటోలను షేర్ చేస్తూ ఉంటుంది. అంతేకాకుండా ఫ్యామిలీకి సంబంధించిన ఫోటోలను షేర్ చేస్తూ జీవితాన్ని గడిపేస్తోంది. 
 

ఇక తరువాత అయినా.. సినిమాల్లో రీ ఎంట్రీ ఇస్తుందా అంటే... అదితి అగర్వాల్ ఫ్యూచర్ లో కూడా మళ్లీ ఇండస్ట్రీ లోకి వచ్చే ఆలోచనలో లేదు. ఇక ప్రస్తుతం సోషల్ మీడియాలో అదితి ఫోటోలు వైరల్ అవుతుండటంతో గంగోత్రి హీరోయిన్ ఇంతలా మారిపోయిందని నెటిజన్లు షాక్ అవుతున్నారు.