జబర్దస్త్ లో 10 లక్షలు తీసుకున్న ఫస్ట్ కమెడియర్ ఎవరు? సుడిగాలి సుధీర్, హైపర్ ఆది కూడా ఆయన తరువాతే?

జబర్ధస్త్ కామెడీ షోద్వారా ఎంతో మంది కమెడియన్స్ టాలీవుడ్ కు పరిచయం అయ్యారు.. వారిలో కొందరు స్టార్లుగా మారారు. ఇంతకీ జబర్దస్త్ హిస్టరీలో 10 లక్షలు రెమ్యునరేషన్ అందుకున్న ఫస్ట్ కమెడియన్ ఎవరో తెలుసా?

Image Credit : etv

టెలివిజన్ చరిత్రలో సంచలనం..

బుల్లితెరపై సంచలన కామెడీ షో జబర్దస్త్.. కోట్లాది తెలుగు ఆడియన్స్ ను కడుపుబ్బా నవ్వించి.. ప్రత్యేక గుర్తింపు సంపాదించుకుంది జబర్దస్త్. దాదాపు15 ఏళ్లుగా ఆడియన్స్ ను అలరిస్తూ.. టాప్ లో దూసుకుపోతోంది జబర్దస్త్. ఈ షో ద్వారా ఎంతో మంది స్టార్స్ గా మారారు. జబర్దస్త్ వల్ల మారుమూలన దాగున్న ట్యాలెంట్ బయటకు వచ్చింది.

 పంచులు వేయగలిగి.. సరైన అవకాశాలు లేని కమెడియన్స్ కు మంచి ప్లాట్ ఫామ్ గా మారింది జబర్దస్త్. ఈ కార్యక్రమం వల్ల ఎంతో మంది సామాన్యులు.. సెలబ్రిటీలుగా మారారు. చేతి నిండా సంపాదిస్తున్నారు. ఒకప్పుడు కడుపునిండా తిండికి ఇబ్బందిపడ్డవారు కూడా .. ప్రస్తుతం కార్లలో తిరుగుతున్నారు.

Image Credit : youtube/etv jabardasth

జబర్దస్త్ నుంచి వెండితెరకు..

ఈ షో ద్వారా లైమ్‌లైట్‌లోకి వచ్చిన కమెడియన్లు చాలా మంది ఉన్నారు. జబర్దస్త్  స్టేజ్ పై తమ ప్రతిభను చూపి.. ఆ ఇమేజ్ తో సినిమా అవకాశాలు సాధించారు. సుడిగాలి సుధీర్ లాంటి కొందు హీరోలుగా కూడా సినిమాలు చేశారు. భారీగా అభిమానులను సాధించారు. హైపర్ ఆది, చమ్మకు చంద్ర, గెటప్ శ్రీను, ఇలా చాలా మంది కమెడియన్లు టాలీవుడ్ లో వరుసగా అవకాశాలు సాధిస్తున్నారు. 

స్టార్ హీరోల సినిమాల్లో కీలక పాత్రలు పోషిస్తూ స్థిరపడినవారున్నారు. కొందరు కమెడియన్లు హీరోలుగా కూడా సినిమాలు చేస్తున్నారు. ఈ నేపథ్యంలో జబర్దస్త్ చరిత్రలోనే అత్యధిక పారితోషికం తీసుకున్న కమెడియన్ ఎవరు అనే విషయం ఆసక్తికరంగా మారింది.

Image Credit : ETV

జబర్దస్త్ లో పాపులర్ స్టార్స్ ఎవరంటే..?

జబర్దస్త్ ద్వారా పాపులర్ అయిన వారిలో సుడిగాలి సుధీర్ ఎక్కవగా పాపులారిటీని సంపాదించుకున్నారు. సోషల్ మీడియాలో భారీగా అభిమానులను కూడా సంపాదించాడు. సుధీర్ కంటే ముందు చమ్మకు చంద్రకు, ఆయన స్కిట్లకు యమా క్రేజ్ ఉండేది. ఆతరువాత హైపర్ ఆది వచ్చి.. అందరిని వెనక్కు నెట్టేశాడు. 

జబర్ధస్త్ లో ఇమేజ్ ను విపరీతంగా పెంచుకున్నాడు ఆది. అతని ఎంట్రీ తరువాత స్కిట్స్ కు విపరీతమైన క్రేజ్ ఉండేది. అతని పంచులకు పగలబడి నవ్వుతారు జనాలు. అయితే జబర్దస్త్ లో ఫస్ట్ పాపులర్ ఫిగర్ మాత్రం చమ్మకు చంద్రనే. ఎక్కువ రెమ్యునరేన్ అందుకున్న స్టార్ కూడా ఆయనే.

Image Credit : Youtube / mallemala

అత్యధిక రెమ్యునరేషన్ ఎవరిదంటే?

జబర్దస్త్ షో ప్రారంభ దశలో అత్యధిక రెమ్యూనరేషన్ తీసుకున్న కమెడియన్ చమ్మక్ చంద్ర అని రాము వెల్లడించారు.చమ్మక్ చంద్ర ఒక్కో ఎపిసోడ్‌కు రూ.2 లక్షల వరకు పారితోషికం తీసుకున్నారట. దీని ప్రకారం ఆయన నెలకు సుమారు 10 లక్షల వరకు ఆదాయం పొందేవారు. 

చంద్ర తరువాతే సుడిగాలి సుధీర్, హైపర్ ఆది లాంటి వారు ఈ రేంజ్ రెమ్యునరేషన్ కు చేరుకోగలిగారు. జబర్దస్త్ మానేసే టైమ్ కు సుధీర్ కూడా ఒక్కో ఎపిసోడ్‌కు రూ.2 లక్షల చొప్పున రెమ్యూనరేషన్ అందుకున్నారట. ఈ విషయాలను జబర్దస్త్ మాజీ కమెడియన్ రాము ఓ ఇంటర్వ్యూలో వెల్లడించారు.

Image Credit : Youtube / mallemala

సినిమాల్లో బిజీగా జబర్దస్త్ కమెడియన్లు..

జబర్దస్త్ ద్వారా గుర్తింపు పొందిన కమెడియన్లలో రాము ఒకరు. ప్రస్తుతం ఆయన ఈ షోలో కనిపించడం లేదు. ఇటీవల ఒక ఇంటర్వ్యూలో పాల్గొన్న రాము తన జబర్దస్త్ ప్రయాణం గురించి మాట్లాడారు. తాను జబర్దస్త్ నుంచి బయటకు వచ్చానని, ఇకపై ఆ షోకు వెళ్లనని ఆయన స్పష్టం చేశారు. 

అదే సందర్భంలో చంద్రతో పాటు సుదీర్, హైపర్ ఆది, గెటప్ శీను, అదిరే అభి, ఆటో రాంప్రసాద్ వంటి కమెడియన్లు కూడా జబర్దస్త్‌లో మంచి పారితోషికమే తీసుకున్నారని రాము చెప్పారు. ప్రస్తుతం ఈ కమెడియన్లంతా సినిమాల్లో బిజీగా ఉన్న విషయం తెలిసిందే.