మన హీరోయిన్ల మోడర్న్ మొగుళ్లు!

First Published Mar 6, 2019, 12:02 PM IST

ఇంతకముందు హీరోయిన్లకు పెళ్లైన తరువాత ఇండస్ట్రీలో అవకాశాలు తగ్గేవి. వారు కూడా పెళ్లి చేసుకొని ఫ్యామిలీకి పరిమితమయ్యేవారు.

ఇంతకముందు హీరోయిన్లకు పెళ్లైన తరువాత ఇండస్ట్రీలో అవకాశాలు తగ్గేవి. వారు కూడా పెళ్లి చేసుకొని ఫ్యామిలీకి పరిమితమయ్యేవారు. కానీ ఇప్పుడు ఇంట్లో తమ భర్తల ప్రోత్సాహంతో తిరిగి సినిమా ఇండస్ట్రీలో బిజీగా మారారు. ఈగోలను పక్కన పెట్టి భార్యల కెరీర్ కి తమవంతు సహాయం అందిస్తూ జెంటిల్ మెన్ గా నిలుస్తున్నారు మన నటీమణుల భర్తలు. వారెవరో ఇప్పుడు చూద్దాం!

అక్కినేని నాగచైతన్య - సమంత: స్టార్ హీరోయిన్ గా గుర్తింపు తెచ్చుకున్న సమంతకి కెరీర్ విషయంలో ఎలాంటి అభ్యంతరాలు చెప్పకుండా భర్తగా తన ప్రోత్సాహం అందిస్తున్నాడు నాగచైతన్య. పెళ్లి తరువాత కూడా నటిగా బిజీగా గడుపుతోంది సామ్.

సూర్య - జ్యోతిక: సెకండ్ ఇన్నింగ్ లో పవర్ ఫుల్ క్యారెక్టర్స్ పోషిస్తోంది జ్యోతిక. తన భర్త సూర్య ఎలాంటి అభ్యంతరాలు పెట్టకుండా కెరీర్ విషయంలో తనను ప్రోత్సహిస్తున్నారని క్రెడిట్ మొత్తం సూర్యకే చెందుతుందని చెబుతోంది ఈ నటి.

కృష్ణవంశీ - రమ్యకృష్ణ: హీరోయిన్ గా ఎన్నో సినిమాలు చేసిన రమ్యకృష్ణ దర్శకుడు కృష్ణవంశీని పెళ్లి చేసుకున్న తరువాత కూడా నటిగా సినిమాలు కంటిన్యూ చేసింది. ఇప్పటికీ కూడా నటిగా బిజీగా గడుపుతోంది.

ప్రసన్న - స్నేహ: హీరోయిన్ గా ఎన్నో సినిమాలు చేసిన స్నేహ.. నటుడు ప్రసన్నని వివాహం చేసుకున్న తరువాత కూడా సినిమాలు కంటిన్యూ చేస్తోంది. ఇప్పటికీ కూడా ఆమెకి సినిమాల్లో కీలకపాత్రలు లభిస్తున్నాయి.

ఆర్య - సాయేషా: ఈ నెల 8,9 తేదీల్లో సాయేషా, ఆర్యల వివాహం జరగబోతుంది. పెళ్లి తరువాత కూడా సాయేషా సినిమాలు చేస్తుందట. ఈ విషయంలో ఆర్య ఎలాంటి అభ్యంతరాలు పెట్టడం లేదని తెలుస్తోంది.

రణవీర్ సింగ్ - దీపిక పదుకోన్: దీపిక పదుకోన్ ప్రైవేట్ షోస్, ర్యాంప్ వాక్, సినిమాలు అంటూ పెళ్లికి ముందులానే బిజీగా గడుపుతోంది. దానికి కారణం రణవీర్ సపోర్ట్ అనే చెప్పాలి.

నిక్ జోనాస్ - ప్రియాంక చోప్రా: అమెరికన్ నటుడు, సింగర్ నిక్ ని ప్రేమ వివాహం చేసుకున్న ప్రియాంక హాలీవుడ్ సినిమాలు, షోలతో బిజీగా గడుపుతోంది. భర్తగా తన భార్య కెరీర్ కి తన వంతు సపోర్ట్ అందిస్తున్నాడు నిక్.

ఆనంద్ అహూజా - సోనమ్ కపూర్: బిజినెస్ మెన్ ఆనంద్ అహూజాని ప్రేమించి పెళ్లి చేసుకొంది సోనమ్. పెళ్లి తరువాత కూడా హీరోయిన్ గా సినిమాలు చేస్తోంది. తన కెరీర్ విషయంలో ఆనంద్ ఎలాంటి అభ్యంతరాలు పెట్టడం లేదు.

సైఫ్ అలీఖాన్ - కరీనా కపూర్: ఇండస్ట్రీలో సైఫ్ కంటే కరీనాకే క్రేజ్ ఎక్కువ. జీరో సైజ్ తో ఫ్యాన్స్ బేస్ పెంచుకున్న ఈ బ్యూటీ పెళ్లైన తరువాత కూడా తన ఫాలోయింగ్ కంటిన్యూ చేస్తుందంటే సైఫ్ నుండి ఎలాంటి అభ్యంతరాలు వ్యక్తం కాకపోవడమనే చెప్పాలి.