తనకు పోటీ వచ్చేలా ఉన్నాడని ఆ డైరెక్టర్ పై ద్వేషం పెంచుకున్న రాజమౌళి, చివరికి అనుకున్నదే అయ్యింది!

ఒక సినిమా చూసిన రాజమౌళి వీడెవడో నాకు పెద్ద కాంపిటీషన్ అవుతాడని కంగారు పడ్డారట. రాజమౌళి ఊహించిందే జరిగింది. సదరు చిత్రాన్ని తెరకెక్కించిన దర్శకుడు ఏకంగా రాజమౌళి రికార్డ్స్ పై కన్నేశాడు.  

Rajamouli

రాజమౌళి ఏస్ డైరెక్టర్. రికార్డుల పరంగా రాజమౌళిని బీట్ చేసే దర్శకుడు మరొకడు లేడు. అలాంటి దర్శకుడు ఓ దర్శకుడిని తన పోటీ అవుతాడని అంచనా వేశాడట. ఆ కథేంటో చూద్దాం..  రాజమౌళి కెరీర్ సీరియల్ డైరెక్టర్ గా మొదలైంది. 2001లో స్టూడెంట్ నెంబర్ వన్ మూవీతో ఆయన సినిమా డైరెక్టర్ అయ్యాడు. స్టూడెంట్ నెంబర్ వన్ హీరోగా ఎన్టీఆర్ కి రెండో చిత్రం. ఆ మూవీ సూపర్ హిట్. 

పూరి జగన్నాధ్, వివి వినాయక్ కూడా అదే సమయంలో దర్శకులుగా మారారు. పూరి జగన్నాధ్ ఓ ఏడాది ముందు 2000లో దర్శకుడు అయ్యాడు. ఇక వివి వినాయక్ ఆది చిత్రంతో రంగప్రవేశం చేశారు. ఆది 2002లో విడుదలైంది. రాజమౌళి, వివి వినాయక్ డెబ్యూ మూవీస్ లో ఎన్టీఆర్ హీరో కావడం విశేషం. రాజమౌళి, పూరి, వినాయక్ మధ్య టఫ్ కాంపిటీషన్ ఉండేది. 

ఒక దశలో ఈ ముగ్గురు పరిశ్రమను ఏలారు. అనూహ్యంగా పూరి, వినాయక్ రేసులో వెనకబడిపోయారు. వివి వినాయక్ అసలు సినిమాలు కూడా చేయడం లేదు. పూరి జగన్నాధ్ ప్రయత్నం చేస్తున్నా విజయాలు దక్కడం లేదు. అదే సమయంలో రాజమౌళి మాత్రం నేషనల్ నుండి ఇంటర్నేషనల్ డైరెక్టర్ గా గుర్తింపు తెచ్చుకున్నారు. నెక్స్ట్ మహేష్ బాబుతో పాన్ వరల్డ్ మూవీ చేస్తున్నాడు. 

అయితే రాజమౌళి తనకు కాంపిటీషన్ గా పూరి, వివి వినాయక్ లను అనుకోలేదు. ఆయన రెండు దశాబ్దాల క్రితమే తనకు పోటీ ఇచ్చే దర్శకుడిని అంచనా వేశాడు. ఆ దర్శకుడు ఎవరో కాదు సుకుమార్. ఆర్య మూవీ చూసిన రాజమౌళికి వీడెవడో నాకు టఫ్ కాంపిటీషన్ ఇస్తాడనే ఆలోచన కలిగిందట. ఈ విషయాన్ని సుకుమార్ కి రాజమౌళి నేరుగా చెప్పాడు. 

జగడం మూవీ సమయంలో నాకు మీరు సపోర్ట్ ఇచ్చారు. అందుకే మీరు నాకు ఇష్టమైన డైరెక్టర్ అని సుకుమార్ అన్నారు. ఎదురుగా ఉన్న రాజమౌళి.. ఆర్య మూవీ చూసిన వెంటనే వీడెవడో నాకు పెద్ద కాంపిటీషన్ కాబోతున్నాడు. ఇతన్ని మనం ద్వేషించాలి లేదా ప్రేమించాలా అనే సందిగ్ధత ఏర్పడింది. ద్వేషించడం కంటే ప్రేమించడం బెటర్. స్నేహం చేస్తే మనసు ప్రశాంతంగా ఉంటుందని భావించాను.. అని అన్నారు. 

Pushpa 2

కాగా రాజమౌళి ఊహించినట్లే జరిగింది. పాన్ ఇండియా హీరో కావాలంటే రాజమౌళితో సినిమా చేయాలని అంటారు. కానీ సుకుమార్ అల్లు అర్జున్ ని పుష్ప చిత్రంతో పాన్ ఇండియా స్టార్ చేశాడు. నార్త్ లో అత్యధిక ఫేమ్ ఉన్న సౌత్ హీరోగా అల్లు అర్జున్ అవతరించాడు. ఇక పుష్ప 2మూవీతో రాజమౌళి చిత్రాలు నెలకొల్పిన అనేక రికార్డులు సుకుమార్ బ్రేక్ చేయడం ఖాయం. రాజమౌళి తర్వాత 1000 కోట్ల క్లబ్ లో చేరే టాలీవుడ్ దర్శకుడు సుకుమార్ కావచ్చు.