అదే ఫైర్.. అదే దూకుడు.. దిల్ సే రెడీ అంటున్న మెహబూబ్..

బిగ్‌బాస్‌త తెలుగు  8వ సీజన్‌లో అన్ లిమిటెడ్.. ఎంటర్‌టైన్‌మెంట్‌ అన్నట్టుగానే ఇస్తున్నారు.  రోజు రోజుకి బిగ్ బాస్ ఇస్తున్న ట్విస్ట్ లకు ఆడియన్స్ మతి పోతోంది. మొదట్లో  హౌజ్​మేట్ల గిల్లికజ్జాలు, అలకలు చూసి ప్రేక్షకులకు అన్‌లిమిటెడ్‌గా  అసహనం  వచ్చింది.

ఇక కాస్త మూడో వారం నుంచి ఈ గేమ్ లో కొత్తదనంతో పాటు.. ఎంటర్టైన్మెంట్ కూడా అందిస్తున్నారు. ఈక్రమంలోనే  ఆడియన్స్​ను ఎంటర్​టైన్​ చేసేందుకు బిగ్‌బాస్‌ టీమ్‌ వైల్డ్‌కార్డ్‌ ఎంట్రీలను భారీ ఎత్తున దింపారు.

ఎప్పుడు లేని విధంగా ఎనిమిదిమందికిపైగా వైల్డ్ కార్డ్ ఎంట్రీలు హౌస్ లో దిగారు. అది కూడా గతంలో బిగ్ బాస్ లో సందడి చేసిన పాత కంటెస్టెంట్స్ ను రంగంలోకి దింపుతున్నారు. 

సెప్టెంబర్​ 1న గ్రాండ్​గా లాంఛ్​ అయిన బిగ్​బాస్​ సీజన్​ 8లో మొత్తం 14 మంది కంటెస్టెంట్లు పాల్గొన్నారు. అందులో బేబక్క, శేఖర్​ బాషా, అభయ్​ నవీన్​, సోనియా ఆకుల, ఆదిత్య ఎలిమినేట్​ అయ్యారు.

ఈ ఆదివారం మరొకరు ఎలిమినేట్​ కానున్నారు. ఇదిలా ఉంటే వైల్డ్​ కార్డ్స్​ ఎంట్రీస్​పై అటు కంటెస్టెంట్లు, ఇటు ప్రేక్షకుల్లో క్యూరియాసిటీ నెలకొంది. ఇక ఈ సీజన్ లో వైల్డ్ కార్డ్ ద్వారా ఎంట్రీ ఇచ్చాడు దిల్ సే మెహబూబ్.

గతంలో తన ఆటతీరుతో ఎంతో మంది అభిమానులను సంపాదించుకున్న మెహబూబూబ్.. ఈఆసారి సీజన్  8 లో మరోసారి హడావిడి చేయడానికి సై అంటున్నాడు. బిగ్ బాస్ సీజన్ 4 లో టాస్కులు ఆడి స్ట్రాంగ్​ కంటెస్టెంట్​గా పేరు తెచ్చుకున్నాడు మెహబూబ్. 
 

యూట్యూబర్ గా కెరీర్ ను స్టార్ట్ చేసిన మెహబూబ్.. దిల్ సె తో ఫేమస్ అయ్యాడు. జీవితంలో ఒక్కొమెట్టు ఎక్కుతూ.. బిగ్ బాస్ వరకూ వెళ్ళాడు ఇక బిగ్ బాస్ హౌస్ లో అగ్రెసీవ్ ఆటతీరుతో అందరిని భయపెట్టడంతో పాటు.. కొన్ని సందర్భాల్లో మంచి మనసు చాటుకుని ప్రేక్షకుల మన్ననలు పొందాడు. 

ఈక్రమంలో బిగ్ బాస్ టీమ్ మెహబూబ్ కు మరో అవకాశం ఇచ్చారు. బిగ్ బాస్ తెలుగు సీజన్ 8 లోకి ఎంట్రీ ఇచ్చాడు మెహబూబ్. వచ్చీ రావడంతోనే నేను వారియర్ ను అంటున్నాడు. అంతే కాదు ఫ్రంట్ రోల్ లో నిలబడి ఫైట్ చేసే నబిల్ లాంటివారు తనకు ఇష్టం అన్నాడు మెహబూబు. 

 బిగ్ బాస్ సీజన్ 4 తరువాత మరిన్ని అవకాశాలు అందుకున్న ఈ కుర్రాడు.. కొన్ని సినిమాల్లో  కూడా నటించి మెప్పించాడు. ఇక ప్రస్తుతం ఆల్భం సాంగ్స్ చేస్తున్నాడు సొంతంగా.. దాని కోసం భారీగ ఖర్చపెడుతున్నాడు కూడా.  తాను అనుకున్నట్టుగా సొంత ఇల్లు కూడా కట్టుకుని  జీవితంలో స్థిరపడ్డాడు మెహబూబ్. 
 

ఇక బిగ్ బాస్ సీజన్ 8 లో దిల్ సే మెహబూబ్ ఆటకు హౌస్ అదరిపోబోతోంది. మరీ ముఖ్యంగా హౌస్ లో ఉన్న పృధ్వికి.. మెహబూబ్ కు ఎలాంటి  బాండింగ్ ఏర్పడుతుందో  చూడాలి. ఇద్దరి మధ్య వార్ ఉంటుందా.. లేక  ఫ్రెండ్స్ అవుతారా అనేది చూడాలి. ఇక వైల్డ్ కార్డ్స్ వచ్చిన తరువాత హౌస్ లో ఎలాంటి సంఘటనలు జరగబోతున్నాయి.. గేమ్ ఎలా ఉండబోతోంది అనేది ఉత్కంఠగా మారింది.